NEHEMIA 12
12
Omadina ovapristeli nOvalevi ve uya pamwe naSerubbabel
1Ovapristeli nOvalevi ovo ve uya pamwe naSerubbabel yaSalatiel naJosua, ovava: Seraja, Jeremia, Esra, 2Amarja, Malluk, Hattus, 3Sekanja, Rehum, Meremot, 4Iddo, Ginnetoi, Abia, 5Mijamin, Maadja, Bilga, 6Shemaia naJojarib, Jedaja, 7Sallu, Amok, Hilkia, Jedaja. Ovo hano ovakulunhu vovapristeli novovamwaina ovalumenhu pomafiku aJosua.
8NOvalevi ovava: Josua, Binnui, Kadmiel, Serebja, Juda, Mattanja, ou a wilika pamwe novamwaina ovalumenhu eengudu dovaimbi. 9NaBakbukja naUnno, ovamwaina ovalumenhu, va kala ofika, ve va taalela mokuwanifa kwavo oshilonga shavo. 10Ndele Josua okwa li xe yaJehoiakim. Ndele Jehoiakim okwa li xe yaEljasib, naEljasib okwa li xe yaJehoiada, 11naJehoiada, oye xe yaJonatan, ndele Jonatan oye xe yaJaddua. 12Ndele ovapristeli ava va li pomafiku aJehoiakim ovakulunhu vomapata: Meraja wepata laSeraja; Hanania wepata laJeremia; 13Mesullam wepata laEsra, Johanan wepata laAmarja; 14Jonatan wepata laMalluki; Josef wepata laSebanja; 15Adna wepata laHarim; Helkai wepata laMerajot; 16Sakaria wepata laIddo; Mesullam wepata laGinneton; 17Sikri wepata laAbia; Piltai wepata laMinjamin wokuMoadja; 18Sammua wepata laBilga; Jonatan wepata laShemaia; 19Mattenai wepata laJojarib; Ussi wepata laJedaja; 20Kallai wepata laSallai; Eber wepata laAmok; 21Hasabja wepata laHilkia; Netanel wepata laJedaja.
22MOvalevi opomafiku aEljasib, aJehoiada, aJohanan noaJaddua, ovakulunhu vomapata va shangwa novapristeli fiyo okepangelo laDarius, Omupersia. 23Ovana vaLevi, ovakulunhu vomapata va shangelwa momushangwa womafimbo fiyo okomafiku aJohanan yaEljasib. 24Ovakulunhu vOvalevi ovava: Hasabja, Serebja naJosua, Kadmiel, novamwaina ovalumenhu ava va kala ofika va shaama navo okuhambelela nokupandula palombwelo laDavid, omulumenhu waKalunga pongudu nongudu: 25Mattanja naBakbukja, Obadja, Mesullam, Talmon, Akkub ova li ovanangeli vopoivelo, ava va nangela pomalimba opoivelo. 26Vo ova li pomafiku aJehoiakim yaJosua yaJosadak nopomafiku omupangeli Nehemia nomupristeli Esra, omunongo womishangwa.
Eyapulo lohotekuma yaJerusalem
27Nohotekuma yaJerusalem eshi ya li i nokuyapulwa, Ovalevi va kongwa meenhele davo adishe, va etwa kuJerusalem va dane oshivilo sheyapulo nehafo nomaimbilo epandulo, nokwiimba nokushika ounghuma nouxumbafeta neenyalilo. 28Opo nee ovana ovamati vovaimbi va ongala va dja moushiinda waJerusalem nomomikunda dOvanetofa, 29nomuBet-Gilgal nomomapya aGeba noaAsmavet, osheshi ovaimbi va tula mo momikunda da dingilila Jerusalem. 30Novapristeli nOvalevi ve lifetifa nova yelifa ovanhu noivelo nekuma. 31Ndele nda lombwela ovakulunhu vaJuda va londe kohotekuma ndele nda nangekela ko eengudu mbali dinene dovaimbi noyeendo yoshivilo kohotekuma, imwe kolulyo kombinga yOshivelo shoushosho, 32ndele va shikulwa kuHosaja netata lovakulunhu vaJuda, 33naAsaria, Esra naMesullam, 34Juda naBenjamin naShemaia naJeremia, 35novana ovalumenhu vovapristeli ve nomanghuma, Sakaria yaJonatan yaShemaia yaMattanja yaMikaia yaSakkur yaAsaf, 36novamwaina ovalumenhu Shemaia naAsareel, Milalai, Gilalai, Maai, Netanel naJuda, Hanani, ve noishikomwa yaDavid, omulumenhu waKalunga. Ndele Esra omunongo womishangwa a kwatela osheendo komesho. 37Ndele va enda nokuyuka va koya Oshivelo Shefifiya ndele va londa keendodo doshilando shaDavid konhele apa ohotekuma tai tumbu kombada yongulu yaDavid, fiyo okOshivelo shomeva shokoushilo. 38Nongudu onhivali yovaimbi ya enda nokuyuka kouninginino, ya shikulwa kwaame noketata lovanhu, twa londa kohotekuma pOshungo yediko lokuteleka omingome, twa enda fiyo okekuma linene, 39navali twa koya Oshivelo shaEfraim nOshivelo shikulu nOshivelo sheeshi noshungongulu Hananel noshungongulu Hammea fiyo okOshivelo sheedi. Ndele va kanghama, va kala ofika pOshivelo shodolongo. 40Opo nee eengudu odo mbali dovaimbi da kala ofika mongulu yaKalunga, netata lovakulunhu ola li pwaame; 41novapristeli Eliakim, Maasea, Minjamin, Mikaia, Eljoenai, Sakaria, Hanania ve nomanghuma, 42naMaasea naShemaia naEliaser naUssi naJohanan naMalkia naElam naEser. Novaimbi va imba omaimbilo omahambelelo. Ndele Jisrakja okwa li omuwiliki. 43Ndele mefiku tuu olo va yamba omayambo manene ndele va hafa, osheshi Kalunga e va hafifa unene. Novalikadi yo nounona va hafa, onghee hano ondaka yehafo lokuJerusalem la udika kokule.
Oitimulongo tai ka yandjwa
44Ndele mefiku tuu olo ovalumenhu va tulwa po okupashukila omalimba, omo mwa li eeshaliyambo, noshipe noitimulongo. Vo va li ve nokwoongela pamhango oitukulwa oyo yovapristeli noyOvalevi ava ve li moshilonga, tai ongelwa komapya oilando, osheshi Juda sha hafela ovapristeli nOvalevi ava va li moshilonga. 45Ndele vo ova diinina oshilonga shavo mokulongela Kalunga kavo nomokuyelifa, nosho yo ovaimbi novanangeli vopoivelo palombwelo laDavid nolomona waye Salomo. 46Osheshi noshitonale nokuli, mefimbo laDavid nolomwiimbifi Asaf, kwa li ovawiliki vovaimbi, ndele va imba ehambelelo nepandulo laKalunga. 47NOvaisraeli aveshe vopomafiku aSerubbabel nopomafiku aNehemia va yandja oitimulongo kovaimbi nokovanangeli vopoivelo paemhumbwe defiku keshe. Ndele va yandja eeshali diyapuki kOvalevi, nOvalevi okOvaaron.
Currently Selected:
NEHEMIA 12: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
