JOB 35
35
1Elihu okwa popya vali ndele ta ti: 2“Oto shi tale osho sha yuka ndele to shi luku, ouyuki woye koshipala shaKalunga, 3eshi ho pula: ‘Tashi kwafa nge shike? Otashi kwafa nge tuu, shi dule ngeno eshi handi nyono?’ 4Ame ohandi ku pe enyamukulo, ndele handi nyamukula yo ookaume koye pamwe naave. 5Tala keulu u tale, tala oilemo tai kala kombada yoye penya. 6Ngeenge to nyono, oto dulu oku mu ningila shike? Ndele ngeenge omatauluko oye e li mahapu, oto mu ti ngahelipi? 7Oove ngeenge omuyuki oto mu pe shike? Ile ta dulu okutambula shike meke loye? 8Ouhenakalunga woye tau kumu ashike omunhu ngaashi ove, nouyuki woye omona womunhu.
9“Ohava kemene ounene wefininiko; vo ohava kuu onghuwo omolwokwooko kwovanaenghono. 10Ndelenee nande umwe ta ti: ‘Kalunga, Omushiti wange, oku li peni, ou ha yandje omahambeleloimbilo oufiku? 11Ou te tu longo eendunge di dule odo doifitukuti yokombada yedu ndele te tu nongeke ounongo u dule eedila dokeulu?’ 12Opo nee otava ingida, ndelenee Ye ita nyamukula omolwelinenepeko lovanawii. 13Oshili, Kalunga ita pwilikine omakemo ongaho, nOmunaenghono adishe ite a yavala,
14“Unene ngeenge to ti kutya ove ku mu wete ko. Etokolo leendjovo oli li koshipala shaye, hano mu teelela. 15Ndelenee paife, ehandu laye ite li longifa ndele ita yavala yo elinenepeko, 16opo nee Job ta makula okanya kaye okupopya kwongaho, ndele ta popi eendjovo dinene moushima.”
Currently Selected:
JOB 35: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
