JOB 17
17
Job ta twikile okupopya
1“Omhepo yange oya nyanyaulwa, omafiku ange taa dimwa po, ombila tai teelele nge. 2Oshili, oshipewa shange okushekwa, nomesho ange e nokutala eemhata davo. 3Ove mwene pe nge ombabyona; olyelye umwe ta popile nge? 4Osheshi omitima davo we di fitikinina eendunge. Onghee hano ito va itavelele va finde nge. 5Ookaume tava ifanenwa va tukulilwe oixuulwa, ndelenee omesho ovana vaye taa loloka.
6“Ndelenee Ye okwa ninga nge oshitevo shovanhu, nokufiilwa omate moshipala shange. 7Onghee hano eisho lange la loloka molwoluhodi, noinhimbu yange aishe i li ngaashi omudidimbe. 8Omolwaasho ovayuki tava haluka, nomuhenambudi ota udile omukolokoshi owii. 9Ndelenee omuyuki ota diinine ondjila yaye, naau e nomake a yela, ota kulu meenghono. 10Ndelenee nye amushe, ileni oku vali! Ihandi mono nande omunongo mokati keni.
11“Omafiku ange a xula po, eemhangela dange omahalo omutima wange a ninga ongaho. 12Oufiku otave u pilula omutenya. ‘Ouyelele,’ vati, ‘tau ehene popepi, tau di momulaulu.’ 13Ame nande nde lihalela shike, oshovafi, osho eumbo lange. Oikumbafa yange handi i yale momilaulu, 14handi lombwele ombila: ‘Oove tate!’ Nomainyo: ‘Meme, nomumwameme omukainhu!’ 15Elineekelo lange oli li peni? Heeno, eteelelo lange, olyelye te li mono? 16Lo otali ka kuluka pamwe naame mokule moule mwi konima yoiidilifo yoshovafi, fye eshi hatu nangala pamwe mondwi yedu.”
Currently Selected:
JOB 17: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
