HOSEA 4
4
Enyonauko linene loshiwana nolovapristeli
1Udeni ondjovo yOmwene, akutu, nye ovana vaIsrael! Osheshi Omwene oku na oihokolola noonakukalamo moshilongo, osheshi moshilongo kamu noudiinini nokamu nohole nokamu nokushiiva Kalunga. 2Otapa nuwa, ndele tapa fufywa, tapa dipawa, tapa vakwa, tapa teywa ohombo. Notapa tinhwa omaumbo, netimba lohonde hali shikula likwao. 3Onghee edu tali nyika oluhodi naashishe shi li mo osha loloka: oifitukuti yomofuka needila dokeulu, heeno, noikwameva yo otai xulu po. 4Ndele inapa kala nande umwe ta twifa omukwao eemhata ile te mu kumaida, nande oshiwana shoye sha fa ovo hava kumaida ovapristeli. 5Onghee ove oto ka punduka omutenya nosho yo omuxunganeki ta punduka pamwe naave oufiku, ndele Ame ohandi ka hanauna po nyoko. 6Oshiwana shange tashi ka kombwa po omolwoulai washo. Ove eshi wa ekelashi okushiiva, ohandi ke ku ekelashi, opo uha kale vali nokuyakula nge moshilonga shoupristeli. Osheshi ove wa dimbwa omhango yaKalunga koye, naame yo ohandi ka dimbwa ovamwoye.
7Okuhapupala kwavo ku fike pokunyona kwavo kwaame. Efimano lavo ohandi ke li shitukifa ohoni. 8Otava kutifwa komanyonauno oshiwana shange, neemwenyo davo tadi halukile oilonga yavo ii. 9Onghee omupristeli ota ka ningwa ngaashi oshiwana: Ame ohandi mu handukilile eendjila daye ndele ohandi mu tokolele oilonga yaye. 10Otava li, ndelenee itava kuta. Otava haele, ndelenee itava tane, osheshi ova efa okuuda Omwene. 11Oluhaelo nomaviinyu nomaongo otaa nyeka omunhu eendunge. 12Oshiwana shange tashi pula koshiti shasho, nonhaili yasho tai shi nyamukula. Osheshi omhepo yoluhaelo tai pukifa, nomokuhaela kwavo va efa okuuda Kalunga kavo. 13Ohava yambe keexulo deemhunda, ndele hava xwikile omayambo koikulundudu momyandi nomomipopel nomomikwiyu, osheshi omidile dado odiwa. Onghee ovana veni oukadona otava ningi ovahaelwa noitenya yeni tai ningi ovatei vohombo. 14Ame itandi ka handukila ovana veni oukadona omolwokuhaelwa kwavo, nosho yo oitenya yeni omolwokuteya kwavo ohombo. Osheshi ovalumenhu voovene ova kanduka mo mondjila pamwe neembwada, ndele hava yambe pamwe neembwada domeetembeli.
Juda tashi kumaidwa shiha nyone
15Israel, ove nande ho haele, Juda nashi kale shihe litule mokunyona. Inamu ya kuGilgal, ndele inamu ka londa kuBet-Aven, ndele nye inamu ana: “Oshilishili, ngaashi Omwene e nomwenyo.” 16Osheshi Israel sha pota, ngaashi odidi ya pota. Paife nee Omwene ote ke va lifa ngaashi odjona moulifilo wa andjuka. 17Efraim okwe limangeleka koikalunga: Mu efa! 18Ngeenge va mana okufinyuna, otava duka moluhaelo. Ovakulunhu vavo ve hole eshi tashi fifa ohoni. 19Omhepo tai va mange nomavava ayo, otava ka fifwa ohoni koitendele yavo yomayambo.
Currently Selected:
HOSEA 4: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
