HESEKIEL 42
42
Omakololo mayapuki
1Opo nee ye okwa twala nge pondje koluumbo lopondje nondjila yokoumbangalanhu. Ndele ye okwa twala nge komakololo a li a taalela onhele ya tongolwa ndele a li a taalela otembeli kombinga yokoumbangalanhu, 2kekuma li noule u fike pomaludimbo efele limwe, mulo mwa li ombululu yoshivelo lwokoumbangalanhu, nounene walo omaludimbo omilongo nhano. 3Nokomesho yoivelo yokuya mo kehale lomeni nokomesho yolupale lomamanya lwokehale lopondje opa li pe nolupanda leengudi komesho yalikwao, nosho ngaha opa li pe noihale itatu. 4Ndele komesho yomakololo pa li ondjila, ounene wayo omaludimbo omulongo, ya twa kehale lomeni, oule wayo omaludimbo efele limwe. Noivelo yao ya taalela koumbangalanhu. 5Nomakololo opombada a li manini e dulike kwaaenya oposhi nokwaaenya oposhakati, osheshi omikala deengudi da fininika eenhele dao. 6Osheshi odo da li deenhala nhatu da londafana, ndelenee kadi neengudi ngaashi eengudi domoluumbo. Onghee hano omakololo enya opombada manini, e dulike kwaaenya oposhi naaenya oposhakati. 7Ndele pa li yo ekuma pondje la shaama nomakololo la yuka lwokoluumbo lopondje nola li komesho yomakololo. Oule walo wa li u nomaludimbo omilongo nhano. 8Osheshi oule womakololo a li a ama koluumbo lopondje, omaludimbo omilongo nhano. Ndele tala, kombinga yehale lotembeli, omaludimbo efele limwe. 9Ndele koshi yomakololo aa pa li pe noshivelo, sha ama lwokoushilo, omunhu ngeenge a dja moluumbo lopondje nokwa ya kuo. 10Mounene wekuma loluumbo monhele yokoumbuwanhu, komesho yonhele ya tongolwa nokomesho yongulu, opa li yo omakololo, 11nokomesho yao pa li epandavanda. Okufa kwao okwa li kwa fokufa kwomakololo enya a li a ama lwokoumbangalanhu: oule nounene u fike pamwe. Nomikala adishe noitungwa oya li ngaashi inya. Ndele ngaashi oivelo yao 12nosho yo oivelo yomakololo a ama lwokoumbuwanhu, oshivelo pehovelo lepandavanda nokutya, epandavanda la li la yuka kekuma lwokoushilo, omunhu ngeenge ta i kuo. 13Opo nee ye okwa lombwela nge: “Omakololo lwokoumbangalanhu nomakololo lwokoumbuwanhu, aa taa taalele onhele ya tongolwa, oo omakololo mayapuki, omo ovapristeli tava ehene kOmwene, tava li eendja diyapukielela. Omo ve nokutula omayambo mayapukielela: eendjayambo, netimbayambo, okuvelombediyambo, osheshi onhele ei oyo iyapuki. 14Ovapristeli ngeenge tava i mo, vaha pite mo motembeli nokuya moluumbo lopondje, ndelenee oko ve nokulidula oikutu yavo ve i djala mokuyakula moshilonga shavo; osheshi vo ovayapuki. Vo ve nokudjala oikutu imwe, opo nee vo va shiive okuya monhele ya tongolelwa ovanhu.”
15Ndele ye eshi a mana okuyeleka eshi shomeni lotembeli, ye okwa twala nge pondje koshivelo sha taalela koushilo nokwe shi yeleka keembinga adishe dotembeli. 16Okwa yeleka ombinga yokoushilo noshiyelekifoshiti: oiti omafele atano okwe i yeleka keembinga adishe noshiyelekifoshiti. 17Ye okwa yeleka ombinga yokoumbangalanhu: oiti omafele atano, okwe i yeleka keembinga adishe noshiyelekifoshiti. 18Okwa yeleka ombinga yokoumbuwanhu: oiti omafele atano, okwe i yeleka noshiyelekifoshiti. 19Okwa enda ko nokwa yeleka ombinga yokouninginino: oiti omafele atano, okwe i yeleka noshiyelekifoshiti. 20Ye okwe li yeleka keembinga adishe nhee. Yo ya li i nekuma tali i dingilile keembinga adishe. Oule: omafele atano, nounene: omafele atano. Lo la li li nokuninga etukulifo pokati kouyapuki naashi shihe fi shiyapuki.
Currently Selected:
HESEKIEL 42: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
