OMUUDIFI 6
6
Oupuna oo auke inau wana
1Oku noshiponga osho nde shi mona koshi yetango, osho tashi djuupaleke unene ovanhu: 2Omulumenhu ou a pewa kuKalunga oupuna nomamona nefimano, ye ita pumbwa sha vali mwaashishe e shi hala, ndelenee Kalunga ite mu itavelele oku i hafela, osheshi omukwao te i hafele. Osho ongahoelela nehepeko. 3Omulumenhu nande a dale ovana efele limwe ndele a kale ngeno e nomwenyo omido dihapu nomafiku mahapu omido daye nomwenyo itau wana kouwa ndele ita ka lilwa eefya; opo nee handi ti: ohele i mu dule. 4Osheshi yo otai uya ngaho ndele tai i momulaulu, nedina layo tali tuvikwa komulaulu. 5Yo inai mona etango ile inai li shiiva. Etulumuko layo oliwa li dule laawinya. 6Heeno, nande a kale e nomwenyo luvali omido deyovi limwe, ndelenee ita mono elao, aveshe ndishi tava i monhele imwe aike?
7Oupyakadi aushe womunhu otau ningilwa okanya kaye, ndelenee ouhalu waye itau mono ekuta. 8Osheshi ouwa womunongo u dule ngahelipi ngeno oo welai, nomukwanaluhepo ota mono ekwafo lashike, ye eshi ta dulu okweenda nawa mokati kovanamwenyo? 9Okutala kweisho ku dule okweelaela kwomwenyo. Okwo yo ongahoelela nokushikula ashike omhepo! 10Naashi shi li ko, osha lukwa nokuli nale, ndele kwa shiivika, omunhu ta ka kala a tya ngahelipi. Ye ita dulu okuhokololifa ou e mu dule meenghono. 11Osheshi apa pe neendjovo dihapu, otadi hapupalifa okupopyaana kwongaho. Omunhu e nekwafo lashike kudo? 12Osheshi olyelye e shi shii kutya oshike tashi wapalele omunhu mokukalamwenyo, momafiku mahapu omokukalamwenyo kwaye kwongaho muo ye ta kala ngaashi omudidimbe. Ndele olyelye ta hololele omunhu osho tashi ke uya konima yaye koshi yetango?
Currently Selected:
OMUUDIFI 6: OKYB
Highlight
Copy
Compare
Share
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.
