2 EEHAMBA ETWALEMO
ETWALEMO
Embo etivali lEehamba otali twikile kondjokonona youhamba moilongo ivali yaIsrael, tashi ti, tali twikile opo pa xulila embo lotete lEehamba. Embo eli otashi dulika li tukulwe moitukulwa ivali: (1) Ehokololo tali popi ouhamba wokoilongo ivali, okudja pokati kefelemudo etimugoi, Kristus fimbo ina dalwa fiyo oketekepo laSamaria nexulepo loshilongo shouhamba shokoumbangalanhu momudo 722, Kristus fimbo ina dalwa. (2) Ehokololo loshilongo shouhamba waJuda, okudja ketekepo loshilongo shouhamba muIsrael fiyo opekwatepo nehanauno laJerusalem kohamba Nebukadnesar waBabilon momudo 586, Kristus fimbo ina dalwa. Embo eli otali xulifa nehokololo laGedalja, omupangeli waJuda mewiliko lOvababilon (2 Eeh 25:18-25). Omipya adishe da hanga oshiwana ode uya molwokuhelineekelwa kweehamba novanhu vaIsrael naJuda. Etekepo laJerusalem nokupongekwa kwovanhu vahapu vomuJuda oko oshinima shimwe itashi dimbuwa mondjokonona yOvaisraeli.
Omuxunganeki ou a holoka yo membo eli oye omulanduli waElia, Elisa.
Elandulafano loshikalimo
Etukauko loshilongo 1:1—17:41
a. Omuxunganeki Elisa 1:1—8:15
b. Eehamba daJuda naIsrael 8:16—17:4
c. Etekepo laSamaria 17:5-41
Oshilongo shouhamba Juda 18:1—24:20
a. Okudja kuHiskia fiyo okuJosia 18:1—21:26
b. Epangelo laJosia 22:1—23:30
c. Eehamba daxuuninwa naJuda 23:31—24:20
Etekepo laJerusalem 25:1-30
Currently Selected:
2 EEHAMBA ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.