मती 10

रींबड़ लिड्कु बराह चेलाकु रआ ञुमुन

(मरकुस 3:13–19; 6:7–13; लुका 6:12–16)

1ईसु फिन अनेज् बराह चेलाकु अनेज् ठँवरे राअ् लिड्कुअय हेनते छुत आतमा उडुङ तआ जोटोः गोटा लेकन जंडिरा जोटोः कमजोड़ी नपाय तआ हाक ओवा लिड्कुअय। 2हुँकू बरहो झन बिदा लिड्कु रआ ञुमुन नोंकाआ, सिमोन जे (पतरस) मेनवाइयाकु जोटोः हुँनि रेनि बोयहाते अन्द्रियास, जबदी रेनि होपोन जाकुब, जोटोः हुँनि बोकोते जोहन; 3फिलिपुस जोटोः बरतुलमय; थोमा जोटोः मलगुजारी अँगावी मती, हलफाइ होपोन जाकुब जोटोः तदेयुस; 4सिमोन हुँकू जहुदीकु मे से मिहोंड़ दोहोलेनय जे इस्राएल देस रआ आजादे तआ चहावओन दोहोनय, जोटोः जे ईसु एर सब्-ई जहुदा इस्करियोती।

बरहो रींबड़ लिड्कु चेला रआ सेवा-सुसार

(मरकुस 6:7–13; लुका 9:1–6; 10:4–12)

5ईसु बरहो झन नोंका हुकुम ओवा केते बिदा लिड्कुअय, चि “गैर-जहुदीकु रआ पहटा रे जोटोः सामरिया रेनकु रआ सहार रे अलोपे सेनकोः। 6बकिन आपे इस्राएल रेनकु होड़कु एडे सेनपे जे अड् लेनकु भीडी लेका अकु। 7जोटोः सेने-सेने ते नोंका परचारेपे, ‘सिरमा रआ राइज ठँव रेए हेनाड् यना!’ 8जंडिरा लेनकु नपायकुपे, गोज्‌लेनकु जीवेड् कुपे, छेवड़ा रोगीकु सुध कुपे मुवाँ आतमा उडुङ कुपे। आपे तआ मुफत रे ञमतना होना आपे हों मुफत रे ओवाकुपे। 9अपन बटु रे न सोना, न चंदी चहे तम्बा रआ टका अलोपे दोहोके; 10#1 कोरि 9:14; 1 तीमु 5:18होरा ते तआ न दो थइलाः न बरिया झुला, न खड़पा, न हपा अलोपे इदीके; चितानतआचि बन्हियारकु तआ मंडी रआ हकदार इदानआँ।”

11“आपे जे सहार चहे डीही रे बोलो योओपे दो पतायपे चि ओके जुवाबपे तआ मन दोहोयय। फिन हेनेन ओड़ाः रे दोहोनपे जबरे होंडे एतेन कपे बिदाइयोः। 12जोटोः जब होना ओड़ाः रे बोलो योओपे दो हुँकू तआ आसीस ओवा केते कथायपे, ‘आपे तआ सांति ञमकोः।’ 13अगर होना ओड़ाः रेनकु अछा इदानकुआ, दो आपे रआ सांति हुँकू तेङ रे अड़गु योओ। अगर होना ओड़ाः रेनकु होना जुकुर कुनीकुआ होले आपे रआ सांति आपे एडे रुवाड़ोओ। 14#बि.काम 13:51अगर जे ओकेकुन आपे ककु जुवाब यतपे जोटोः आपे रआ दुखमा ककु अयुम यतेआ, दो होना ओड़ाः चहे सहार एतेन उडुङोः घनी अपन तरवा रआ धुड़ी झड़ावेपे। 15#मती 11:24; अँगन 19:24–28#लुका 10:4–12इञः सनारी आपेञ कथावा यतपेआ चि नेयय हिला होना सहर रआ दसा एतेन सोदोम जोटोः गोमोरा देस रआ दसा कहीं अगम सहावे लेका होयावओ!”

वेजोः अवला संकट

(मरकुस 13:9–13; लुका 21:12–17)

16 # लुका 10:3 “ञेलेपे! इञः आपे हुन्डरा रआ तलारे भीडी लेका बिदा यतपेअइञ। हिना तआ बिञ लेका चतुर जोटोः पेरवाँ लेका सोझा पड़ीयोपे। 17#मर 13:9–11; लुका 12:11,12; 21:12–15मनवाँकु एतेन चँड़चित दोहोनपे चितानतआचि हुँकू आपे कछायरी रे आपे जिमा पेआकु जोटोः बिनती ओड़ाः रे कोड़रा ते हुमाः पेआकु। 18आपे इञः चलते राजाकु जोटोः राजपाल रआ ठँवरे तींगुयोः पड़ावओ, जेकर ते आपे हुँकू जोटोः गैर-जहुदीकु तआ इञः रआ बारे गोवाही एम सकावे। 19जब हुँकू कोट कछायरी रे इदीपेआकु दो, इञः चितानाइञ मिनगिआ जोटोः चिलकाइञ कथाया मेनकेते अलोपे फिकीर कोः, चितानतआचि होना बेरा चिताना कथाय इदानआँ हेनेन घनी अमः बतलाव वमा। 20चितानतआचि कथाय अवला आपे न लगे बकिन आपे रेनि बबा परमेसर रआ आतमा आपे एडे होइ काइरके कथायय।”

21-22 # मर 13:12; लुका 21:16 # मती 24:9; मर 13:13; लुका 21:17; मती 24:13; मर 13:13 “बोयहा-बोयहा रे, जोटोः अपाते ही होपोन ते रआ बिरोद रे कोते एर हुमाः कुआकु जोटोः सेगोःज् अया-बबाते रआ बिरोद रे तींगु कोते एर हुमाःकुआ। जोटोः इञः ञुमुन चलते गोटे एरोकु अछा लेपेआ, बकिन जे अखरी हमाः टिकाव ओय हिनी ही पाप एतेन बंचावओ।” 23अगर हुँकू आपे मियड् सहार एतेन उडुङ यतपेआकु दो एटाः सहार ते सेनोःपे। इञः आपे सनारी कथावा यतपेअइञ चि मनवाँ होपोन फिन दोबारा वेजो रे हों आपे इस्राएल रआ गोटा सहार रे एरोपे सेन बुजालेना।

24 # लुका 6:40; जोह 13:16; 15:20 “गुरु एतेन चेला सेंड़ा कुनीकुआ जोटोः बन्धुवा मुवार एतेन सेंड़ा कुनीयाँ। 25#मती 9:34; 12:24; मर 3:22; लुका 11:15चेला गुरु बरोबर जोटोः बन्धुवा मुवार रआ बरोबर होयावओ रे खतिर दोहोन चही। अगर होड़ ओड़ाः रेनि मुवार ही बालजबुल#10:25 बालजबुल नोआँ सयतान रआ एटाः ञुमुन हके, माने मुवाँ आतमा रेनि राजा। मेनवा लीदिया दो, एटाः ओड़ाः रेनि होड़ सुधा दो बगरा ही कथायकु!”

ओके बोरो वाआ?

(लुका 12:2–7)

26 # मर 4:22; लुका 8:17 हिना तआ हुँकू सुधा अलोपे बोरोयोः “चितानतआचि चितानहों डबना लआ इदानआँ होना मरसाल रे अगुया जोटोः जे उकु लआ इदानआँ होना दिसतारोओ। 27इञः जे आपे ञोता रे कथावापेअइञ होना आपे मरसाल रे कथावाकुपे। जे आपे जहाड़ केते परचारेपे होना आपे सड़िम तेङ एतेन हकाव केते कथायपे। 28जे होड़ो नसे अकु बकिन जीवि एरोकु नास बुजालेए हुँकू सुधा अलोपे बोर, बकिन हुँनि सुधापे बोर जे होड़ो जोटोः जीवि बनार नरक रे जोड़ाव सकावेआय। 29तना थोड़ेः एकेन टका रे बरिया गोरेचा ककु केजा योओ? सेकरो रे आपे रेनि बबा रआ हिछा बिगर हुँकू मे से मियड् एकेन हों ओत रे एरोकु गोज् सकावना। 30आपे बोहोः रआ उब् हों मियड्-मियड् ते लेखा लआ इदानआँ। 31हिना तआ अलोपे बोरोयोः आपे दो गोरेचा ओड़ेकु एतेन हों अगम कीमती इदानपेआ!”

मसी रआ जुवाबी चहे का जुवाबी

(लुका 12:8–9)

32“जे ओके होड़कु ठँव रे इञः जुवाबिञाय, इञः हों हुँनि अपन सिरमा रेनि बबा ठँवरे जुवाबियाइञ। 33#2 तीमु 2:12बकिन जे इञः होड़कु ठँवरे काय जुवाबिञा, इञः हों हुँनि अपन सिरमा बबा ठँवरे एरोइञ जुवाब लिया!”

ईसु वेजोः रआ परिनाम

(लुका 12:51–53; 14:26,27)

34“नोंका अलोपे सोचावे चि इञः ओत रे सांति अगुकेते वेज् तनाइञ। इञः सांति अगुकेते कोवन बकिन तलवर एर च-चलाव वेज् तनाइञ। 35#मीका 7:6इञः दो नोंकय तआ वेज् तनाइञ चि कोड़ा, होपोन ते बबातय रआ, कुड़ी होपोन ते एंगाते, बहुड़ियाते हनहारते रआ बयरी तआ। 36मनवाँ रेनकु बयरी हुँनि अपन ओड़ाः रेनकु होड़ ही पड़ीयोआ।”

37“जे अपन अया-बबा सुधा इञः एतेन बगरा दुलारेअय, हुँनि इञः लाइक कुनीयाँ। जे ओके हों इञः एतेन बगरा अपन बाबु चहे मइयाँ सुधा बगरा दुलारेअय, हुँनि इञः लाइक कुनीयाँ। 38#मती 16:24; मर 8:34; लुका 9:23हुँनि जे दुख रआ अपन कुरुस खुद अलगाव केते इञः तयोम काय सेने, हुँनि इञः लाइक कुनीयाँ। 39#मती 16:25; मर 8:35; लुका 9:24; 17:33; जोह 12:25जे अपन जीवि बंचाव तआ सोचावेअय, हुँनि अनेज् रआ जीवि आदेअय, बकिन जे इञः चलते अपन जीवि आदेअय हुँनि जीवन ञमेअय।”

इनाम

(मरकुस 9:41)

40 # लुका 10:16; जोह 13:20; मर 9:37; लुका 9:48 “जे आपे परिघावाकु, हुँकू इञः परिघावाकु, जोटोः जे इञः परिघावाकु हुँकू हुँनि परमेसर परिघावियाकु जे इञः बिदा तदय। 41जे परमेसर पड़ा एतेन दुखमाय अवला-ई, परमेसर पड़ा एतेन दुखमाय अवला ठुवा केते जुवाबी दो हुँनि परमेसर पड़ा एतेन दुखमाय अवला रआ इनामय ञमोआँ, जोटोः जे धरमी होड़ धरमी ठुवा केते जुवाबी दो हुँनि धरमी रआ इनामय ञमेआँ 42जे नुई हुडिञी मे से इञः रेनि चेला ठुवा केते सिरीप मी लोटा जुड दाअ् ही पियावी, इञः सनारी कथावा यतपेअइञ चि हुँनि जरुड़ अपन कमायनी ञमेअय।”

Currently Selected:

मती 10: BIX

Highlight

Copy

Compare