3 जोहन 1
1
जोहार
1 #
प्रे.कामी 19:29; रोमी 16:23; 1 कुरि 1:14 ईङ पुरखा, नोःआँ चिठी दुलार गायुस आला नुमू रे लिखाअ दिंग जेके ईङ सचे दुलारियीङ। 2दुलार गायुस, ईङ आला बिनती एदनाआ ची आपे आला आतमा जे लकान उनति हुयाअः ताना, हिना लकान जामा बात रे उनति पे आउर भला चंगा ताहीनोः। 3एता लःअय ची जब थोड़ेक बोयहाकु नोआँड़े हीःग नेनाकु आउर गोवाही एम लअकु ची आम जे लकान सचाई रेनअः बारे रे बिसवास लाईक एदानमेआ, जे लकान आम सचाई रे चलाआम, दो ईङ मुरुक रिझ नेनिंग। 4ईङ आलकु चेंगाकु सचाई रअः होरा रे चलाआकु, नोःआँ बात के आ-आयुम तरअः ईङ के जादे जहान बात तरअः रिझ का आदायोआ।
5ए दुलार, आपे बोयहाकु लःअय, आउर नोकान आनाड़ी बोयहाकु लःअय आम जे होः कराव दाम होना बि-बिसवास लेकाना। 6हुंकू कलीसिया रअः मड़ांग रे आम आला दुलार रअः गोवाही एम लअकु। आपे हुनी के होना लकान बिदईयापे जाईसन ची परमेसर पतियाआय। 7एता लःअय ची हुंकू ख्रीस्त आला नुमू लःअय उडुंग तानाकु, आउर एटाअ जाईतकु तरअः एतान होः काकु ईदीया। 8हिना लःअय नोकान होड़कु आला सेवा सु-सुसार चाही, जेकर से ची आबु सचाई रअः सेवा रे हुंकू लोः साँघे ककामी वाला बनाअःबु।
दियोतेरेफेस
9ईङ कलीसिया के चिठी लिखा थिलिईंग बकिर दियोतेरेफेस, जे हुंकू आली नेता बनाअः चहाआय आबु आला हक के काय सिवकारेआ। 10हिना लःअय जब ईङ हिजोईंग दो जे हुनी कामीआय उईहार चियींग हुनी आबु आला खिलाप गादुस-गादुस कंहड़ी केते दोस लगायाय, आउर निमने रे हुनी काय सान्तोकोआ, ना गी बोयहाकु के गरहन कुआय, आउर एटाअ होड़ होः ग-गरहन नामाकु हुंकू केहोः बधराव कुआय, आउर कलीसिया तरअः हुंकू के उडुंग गोःड ताकुआय!
11दुलार कु, बुराई रे कोवान बकिर भलाई रे चलाअ पे। जे भलाईयाय हुनी परमेसर पखी तरअः एदानिया, जे बुराईयाय हुनी परमेसर के काय नेल तदिया।
देमेतोरियुस
12देमेतोरियुस रअः बारे जामेकु आउर सचाई खुदे होः गोवाही एम तदाय। आबु होः गोवाह एमेआबु, आउर आपे पड़ीआपे ची आबु आला गोवाही सचा हेके। 13ईङ के ढेर बात आपे लःअय लि-लिखा एदनाआ, बकिर सियाही आउर ढुढ़ी रअः फोलटेन तरअः कोवान। 14ईङ के आसरा एदनाआ ची आपे लोः जलदी गी भेंट हुयाव कोआ हिमीन रे मुंहा-मुंही कंहड़ीयाबु।
15आपे के सानती भेटाअः, नोड़े रिनकु गातीकु आपे के जोहार कंहड़ीआकु। होनाःड़े रिनकु जामे गाती के नुमू-नुमू जोहार कंहड़ी मे।
Currently Selected:
3 जोहन 1: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0