2 कुरिन्थी 10
10
1ईङ पौलुस, ख्रीस्त लकान नमर आउर माया देखाव केते, आपे तरअः नोःआँ गोहराअ तनिङ। थोड़ेक होड़ कंहड़ी याकु ची आपे मड़ांग रे नमर आउर दीन-हीन एदानिया, बकिर आपे तरअः लंका रे ताही केते नीडर एदानिया। 2हुंकू समझाआकु ची आले आला चाईल-चकर दुनिया रिनकु होड़कु आला लकाना। ईङ हुंकू लोः कठोर बे-बेवहार लःअय ठनाव चुकाव तदिङ। ईङ आपे तरअः बिनतीः दाईङ ची आपे आलपे नोकान के, ची जब आपे दुबाःड़े हिजोईंग हिमीन बेरा कठोर बे-बेवहार आलु पड़ाव कोअ। 3एता लःअय ची आबु निआँ दुनिया रे दंड़ा बड़ानाबु, बकिर आले दुनिया रिनकु होड़कु लकान काले झगड़ा ना। 4एता लःअय ची दुनिया रेनअः हांथेयार तरअः काले झगड़ा ना, बकिर गढ़ लकान बाधा के, परमेसर आला सवांग तरअः नासेआले। 5होना सकती तरअः गढ़ के, रेना-टेटा के नासेआले, परमेसर आला बुधी रअः खिलाप तिंगुन वाला जामा घमन्ड के नासेआले, आउर जामा सोंच विचार के तोल केते ख्रीस्त आलकु हुकूम मनाअ वाला बनाव गुलताकु आले। 6जब आपे हुकूम मनाअ लःअय पुरा तेयार एदान पेआ, तब आबु हुकूम आलु मनाअ कु जामे के डांड़ एमोअ लःअय तेयारोःबु। 7जे बात आपे मेःड रेनअः मड़ांग रे सचा एदनाआ, होना के नेल दापे, जदि जाहें समझाआकु ची, “ईङ ख्रीस्त आली हेके” दो हुनी पाड़ी ची जे लकान हुनी ख्रीस्त आली हेके हिना लकान आले होः ख्रीस्त आलकु हेके। 8परभु आपे के ना-नास लःअय कोवान बकिर बिसवास बा-बढ़ाव लःअय ईङ के हक भेटाव ताना। जदि ईङ होना हाक रे जादे घमन्डेईंङ दो ईङ के नोःआँ बात तरअः लाज कनोआँ। 9आपे नोःआँ आलपे समझाव कोअ ची ईङ जामा चिठी तरअः आपे के बोरोअ चिई देपेईंग। 10थोड़ेक होड़कु आला क-कंहड़ी एदनाआ ची “हुनी आला जामा चिठी दो गंभीर, आउर आसरदार एदनाआ, बकिर जब हुनी खुदे हिजोआय दो हुनी आला होड़ो कमजोर नेलोआ आउर हुनी आला बोली रे दम कनोआँ।” 11बकिर नोकान क-कंहड़ी वाला कु के समझाव जुनोः चाही, जे लकान आले अपन चिठी रे लिखा याले, जब आले आपे ताला रे काले ताही नेना हिना लकान आपे मड़ांग रे आले आला काम होः हुयाव कोआ।
12आले हुंकू होड़ लोः अपन बराबईरोः लःअय काले डिड़हेआ, जे अपने के खुद बड़ाई याकु। हुंकू अपन के अपन तरअः गी तुलायोआकु आउर जोखा योआकु ची हुंकू इकिन मुरुख एदान कुआ। 13आले दो अपन सीमान तरअः बड़हाव-चड़हाव केते एरले बातेआ, बकिर हिमने काम रअः बारे जगुत जे परमेसर आले लःअय ठहराव तदाय, आले हिमने सिमान जगुत घमन्डेआले, आउर होना सीमान आपे जगुत होः एदनाआ। 14आले अपन सीमान तरअः बाहरी अपन के काले बढ़ाव दा, आपे आले आला सीमान तरअः भीतरी एदान पेआ, एता लःअय ची आपे ताला रे जामा तरअः पहिल ख्रीस्त आला बेस खभाईर परचार लआले। 15आले अपन सीमान तरअः जादे काले घमन्डेआ, माने कि आले एटाअ होड़ आला काम रे काले घमन्डेआ। बकिर आले आला आसरा एदनाआ ची जब-जब आपे आला बिसवास बढ़ाव सेना, तब-तब आले अपन सीमान मोताबिक आपे रअः ताला रे आले आला काम आउर गी बढ़ाव सेन कोआ। 16जेकर से ची आले आपे आला पहटा तरअः होः मड़ांग बेस खभाईर सुनायले, आउर एटाअकु आला पहटा रे होः जे काम हुयाव चुकाव ताना आले के होना रे रीझोः रेनअः दरकार कनोआँ।
17 #
जिर 9:24
जदि जाहें घ-घमन्ड नाम कु दो “हुंकू परभु रे घमन्डेकु।” 18एता लःअय ची जे अपन बड़ाईयाय, हुनी के एरे गरहानिया, बकिर जेकर बड़ाई परभु याय, हिनी के गरहन कियाय।
Currently Selected:
2 कुरिन्थी 10: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
