1 जोहन 5

बिसवास रअः चलते दुनिया के जिताअ

1जाहें होः नोःआँ बिसवासेआय ची ईसु गी ख्रीस्त#5:1 ख्रीस्त ख्रीस्त रेनअः माने छोछोड़ाव वाला। हेके, हुनी परमेसर तरअः जनमाव तनाय आउर जे बाबा के दुलारीयाय, हुनी, हुनी केहोः दुलारीयाय। 2जब आबु परमेसर के दुलारीयाबु आउर हुनी आला हुकूम के पालानेआबु, दो निआँ तरअः पाड़ी आबु ची परमेसर आलकु होपोनकु केहोः दुलार कुआबु।

3 # सं.जोह 14:15 आबु परमेसर आला हुकूम के मनाआबु निआँ गी परमेसर आला दुलार हेके। हुनी आला हुकूम हंबाल कनोआँ, 4एता लःअय ची परमेसर आलकु जामा होपोन दुनिया के जिताआकु। आबु आला बिसवास गी हेके जे दुनिया के हरायाय। 5दुनिया के जिताव उनी ओके हेके? हिनी एकला गी, जे नोःआँ बिसवासेआय ची ईसु परमेसर आली होपोन हेके।

ख्रीस्त रअः बारे गोवाही

6-7ईसु ख्रीस्त हिनी हेके, जे दाअः रेनअः बतिस्मा आउर अपन मराईन रेनअः मयोम तरअः हीःग ताहीनाय, दाअः तरअः एकला कोवान बकिर दाअः आउर मयोम तरअः हीःग ताहीनाय। आउर जे गोवाह एमेआय होना आतमा हेके, एता लःअय ची आतमा सचा एदनाआ। 8आउर गोवाह एमोअ वाला पे-होड़ एदान कुआ आतमा, दाअः, आउर मयोम, पेने मियांड बात रेगी राजी एदान कुआ। 9जदि आबु होड़कु आला गोवाह के मनाव जुनोआबु, दो परमेसर आला गोवाही दो होना तरअः बढ़ाव केते एदनाआ, आउर परमेसर आला गोवाह नोःआँ हेके, जे हुनी होपोन ते आला गोवाह एमेआय। 10जे परमेसर आली होपोन रे बिसवासेआकु, हुंकू आला जीव रे परमेसर आला होना गोवाह एदनाआ। जे परमेसर रे काय बिसवासेआ, हुनी, परमेसर के झुठा बनाईयाय, एता लःअय ची होपोन ते रअः बारे रे परमेसर आला गोवाह के काय बिसवासेआ। 11#सं.जोह 3:36होना गोवाह नोःआँ हेके ची परमेसर आबु के का-अन्तोः जिनगी एम तदाय, आउर नोःआँ जीवन अएंग आली होपोनते रे एदनाआ। 12जेकर दुबाःड़े होपोनते एदानिया, हुनी दुबाःड़े जिनगी एदनाआ, जेकर दुबाःड़े परमेसर आली होपोन कनियाँ हुनी दुबाःड़े जिनगी होः कनोआँ।

का-अन्तोः जिनगी रेनअः जिनगी

13ईङ आमके जे परमेसर आली होपोनते आला नुमू रे बिसवासेआम, नोःआँ बात के निआँ लःअय लिखा तादिंग ची, आम पाड़ीमे ची का-अन्तोः जिनगी आम आला हेके। 14आबु के परमेसर रे नोःआँ भरसा एदनअ, ची आबु हुनी आला ईकछा रअः मोताबिक कोयाबु, दो हुनी आबु आला आयुमेआय। 15जदि आबु नोःआँ पाड़ी आबु ची, आबु जहान होः कोयाबु, होना के हुनी आयुमेआय, दो आबु नोःआँ के होः पड़ीआबु ची जे जिनीस कोयाबु होना भेटाआ।

16जदि जाहें अपन बोको के नोकान पाप यअते नेलीयाय, जे जीव रअः अलखनहा लकान कनोआँ, दो हुनी लःअय गोहराव उइमे, आउर परमेसर हुनी के जिनगी एमा कियाय। नोकान पाप होः एदनाआ जे मराईन इ-इदीआय, हुनी रअः बारे काईंग कंहड़ीः दा ची बि-बिनती चाही। 17जामा अधरम ककामी पाप हेके, बकिर जामा पाप जीव रअः अलखनहा नालगे।

18आबु पड़ीआबु ची परमेसर आलकु होपोन काकु पापेआ। परमेसर आली होपोन बंचाव कुआय, आउर हुंकू के खपतान सैतान एरे छुवांव कुआ। 19आबु पड़ीआबु ची आबु परमेसर आलकु हेके, जब ची गोटा दुनिया खपतान आला कबजा रे एदनाआ। 20आबु पड़ीआबु ची परमेसर आली होपोन हीःग नेनाय, आउर हुनी आबु के समझ एम लःअय। जेकर से आबु सचा परमेसर के पाड़ीबु। एता लःअय ची आबु हुनी आली होपोन ईसु ख्रीस्त रे ताहीनोआबु जे सचा हेके। हुनी सचा परमेसर आउर का-अन्तोः जिनगी निई हेके। 21ए चेंगाकु, झुठा मुरती कु तरअः अपन के बंचाव केते ताहीनपे!

Currently Selected:

1 जोहन 5: ASR

Highlight

Copy

Compare