1 जोहन 3

आबु परमेसर आलकु होपोन हेके

1 # सं.जोह 1:12 नेलेपे, बाबा आबु के नुमिन पेरेम लिबुआय ची आबु परमेसर आलकु होपोन कहलाआबु, आउर सचे रे आबु हिंकु गी हेके, हिना लःअय आबु के दुनिया काय पाड़ीआ, एता लःअय ची दुनिया हुनी के काय पाड़ी लिया। 2दुलार कु नहाअः दो आबु परमेसर आलकु होपोन हेके, बकिर नहाअः नोःआँ का दिसतार ताना ची आबु एता लकान हुयाव कोआबु। आबु निमने पड़ीआबु, जब परमेसर आली होपोन दिसतारोआय, दो आबु हुनी लकान बनाव कोआबु, एता लःअय ची आबु हुनी के हिना लकान नेल कियाबु जे लेकन ची हुनी एदानिया।

आबु पाप तरअः बंचाव ताहीनोआबु

3आउर जे ख्रीस्त रे नोःआँ आसरा दोहोयाय, दो हुनी अपने हेंकान गी पबितरोआय, जाईसन ची ख्रीस्त पबितर एदानिया। 4जे होः पाप एकायाय हुनी परमेसर आला हुकूम के तोड़ाव एकायाय, एता लःअय ची पाप दो हुकूम रअः तोतोड़ाव हेके। 5#सं.जोह 1:29आपे पाड़ी आपे ची ख्रीस्त पाप के च-चबा लःअय दिसतार नेनाय, हुनी एड़े एतान पाप होः कानोआ। 6जे हुनी रे बनाल ताही नोआकु हुंकू काकु पाप एकाया, जे पापेआय हुनी, ईसु के काय नेल तदिया आउर ना पाड़ीआय। 7चेंगाकु आपे के जाहें आलकु बहकाव केपे। जे धरम रअः मोताबिक चलाव एका नाय हुनी, ख्रीस्त लकान धरमी एदानिया। 8जे पाप एकायाय हुनी सैतान आली हेके, एता लःअय ची सैतान सुरू तरअः गी पाप यअते हीःग तनाय। परमेसर आली होपोन निआँ लःअय दिसतार नेनाय ची सैतान आला कामी के नासे। 9जे परमेसर आली होपोन हेके हुनी काय पाप एकाया, एता लःअय ची परमेसर आला जिनगी रअः बिहाईन हुनी एड़े बनाल ताहिनोआ, हुनी एरे पाप दड़ीआ, एता लःअय ची हुनी परमेसर तरअः जनमाव तनाय। 10परमेसर आलकु होपोन आउर सैतान आलकु होपोन आला चिनहा नोःआँ हेके जे बोकोते लोः होः काय दुलारेआ आउर धरम रअः मोताबिक काय चलाव एका योआ, हुनी परमेसर आली होपोन नालगे।

आबु आपस रे दुलार उपड़िंगोआबु

11 # सं.जोह 13:34 एता लःअय ची आबु सुरू तरअः आयुम तदाबु होना खभाईर निआँ हेके ची आबु आपस रे दुलार से ताही नोअबु। 12#एहेः 4:8आबु के काईन लकान बनाअः कानोआ। हुनी खपतान तरअः ताहीनाय, आउर अपन बोको तेके एता लःअय गोएःग लियाय? एता लःअय ची हुनी आला काम गादुस ताहीना, आउर हुनी आली बोकोते आला काम बेस ताहीना। 13बोयहाकु, दुनिया आम लोः बैर दोहोयाय दो नोःआँ रे आलुम अचरज कोअ। 14#सं.जोह 5:24आबु पड़ीआबु ची मराईन तरअः परोम केते जिनगी रिबु बोलो: ना। एता लःअय ची आबु अपन बोको लोः दुलारेआबु। जे काय दुलारेआ हुनी मराईन रे बनाल ताहिनोआय। 15जे अपन बोको के घिड़ोआय हुनी होड़ गोगोए:गी हेके, आम पाड़ी गीआम ची जाहें गोगोय:गी एड़े का-अन्तोः जिनगी का बनाल ताहिनोआ। 16आबु पेरेम के निआँ लःअय पाड़ी आबु ची ख्रीस्त आबु लःअय अएंग आला जीव के एम लःअय। हिना लःअय आबु केहोः अपन जीव के अपन बोको लःअय एमोअ चाही। 17जाहें दुबाःड़े दुनिया रअः धन-खुरजी एदनाआ, आउर हुनी अपन बोको के घटल रे होः हुनी के तरसाव केते काय इमाईया, दो एता लकान कंहड़ी केआम ची हुनी एड़े परमेसर आला दुलार एदनाआ? 18ए चेंगाकु आबु बचन आउर आहा तरअः भाईर कोवान बकिर सचाई काम तरअः आउर बचन तरअः एटाअ होड़ के दुलार कुपे।

19निआँ रे आबु पड़ी केआबु ची आबु सचाई रिनबु हेके। आउर आबु हुनी मड़ांग अपन भीतरी मन के ढाढ़स एम दाड़ी केआबु। 20जे बात रे भीतरी मन आबु के दोस ठहराव बुआय, दो आबु पाड़ीबु ची परमेसर आबु आला भीतरी मन तरअः बड़ेआय। आउर हुनी जामा के पाड़ीअय। 21ए दुलार कु, जदि अपन मन अपने के दोसी काय ठठहरावा दो परमेसर आला मड़ांग रे साहस हुयाव कोआ। 22आउर आबु हुनी तरअः जे जिनीस कोयाबु आबु के भेटाआ। एता लःअय ची आबु हुनी आला हुकूम रे चलाआबु आउर हिना के करायाबु जेके हुनी पतियाआय। 23#सं.जोह 13:34; 15:12,17आउर परमेसर आला हुकूम हेके ची आबु हुनी आली होपोन ईसु ख्रीस्त आला नुमू रे बिसवासेबु, आउर हुनी-नुई के दुलार कुआबु, जे लकान हुनी आबु के हुकूम एमा तदबुआय। 24जे हुनी आला हुकूम रे चलाआय हुनी, परमेसर रे बनाल ताहिनोआय, आउर परमेसर हुनी रे। नोःआँ लकान होना आतमा रअः दोवासते जेके परमेसर आबु के एम तदाय, आबु नोःआँ पड़ीआबु ची आबु एड़े परमेसर बनाल ताहिनोआय।

Currently Selected:

1 जोहन 3: ASR

Highlight

Copy

Compare