Ilinguumamti 5
5
Hanaaniyaawwa Saafiiraawwa
1Hanaaniya iidni tak tutakatuuh Saafiiraawwa han whaashoohna idlibna. 2Laakiin baraah iitilnee dehaay imakkaarna, mhallagaab galib isimhana, ibaagi aree ilinguumiyaayi suurii daasiyaan.
3Bitrus bariiyooh dehaay, “Hanaaniya, uubliis whaashi mhallaga galib kak hook isimhi? Naanhooy Eeshuuk Imugaddasaayee dehaay tigwaasira? 4Whaash dilbaab baakaay bariiyook kiiki han? Tidlibeenaay harꞌii han imhallaga bariiyeek kiikeena han? Bak tꞌiiteena saktiib naanhooy tikwinaa? Dehayii dehaay gwaasiraab kitta, laakiin Ukwaasanaayi dehaay tigwaasirna.” idi.
5Hanaaniya een ibhali imaasiwihoob, whaashi kehii dhibiyaayt iiya. Kassaah uudehay beet toona imaasiw akra mirkwaay hooy daaya. 6Malya areereewa gwadi eeyaaniit barooh ishaamimna. Aree tuginaada haay ifirꞌaniit ibisna.
7Mhayt sꞌaati harꞌii tutakatuuh eeta. Batuuh laakiin utakooh naan dehaay tikayeeb kanaat kitti. 8Bitrus batooh raatiya, “Uun baruuh batuukwa Hanaaniyaawwa whaashi dalabii timriineeb itaman kiiki han? Sooyiiheeb!” idi.
Batuuh “Aahaa, aan imhallaga hinin whaashi dalabii nimriyeeba.” tidi.
9Bitrus batiiyooh dehaay, “Baraakna Wꞌankwanaay Eeshuuk kak jarrabtiina? Hanaaniyaab utakook ibis aanda udheefaay eefeen. Batook han yaksi hook iyadna.” idi.
10Batuuh han gaalhoob Bitrusi iragadaayi whii whaashiib dhibtaayt tiya. Yꞌareereewa eeyaanihoob, Saafiiraab ayaa rhiyaan. Shaawti yakisiyaaniit utakiyooh daraag ibisna. 11Tukaniisaati dehay kaseeh akra mirkwaay dehaay dhibiya. Uudehay baliit teena imaasiw han kassaah irkwiin.
Ilinguumiya gwida dehay mheeliyaan
12Ilinguumiya oodehayi bitik gwidaat mꞌuujisaateet alaamaatwa ajaayibwa ikwaasna. Ukwaasanaay aamanana kassaah diimaab udiini gawi dheefa Suleemaaniib umajlisi mhiin iidneenaay immirriin. 13Uudehay kassaah bareeh areeyiineek han, gaal han ashꞌaraa bareeyooh amshawawiyaab kiiki. 14Laakiin gwida daawwa mꞌatwa Wꞌankwana aamaniyaaniit bareeyooh yꞌadadeeb imshawwaayna. 15Uudehay baliib eelhaab nꞌalwa madhamaati kehii idꞌiiniit isalalaayeeb daasiin. Bitrus hasamee tulꞌandalaatuuh han bareeh kantiimeek mheeltini miyaadiib daasiin. 16Gwida dehay Algudus dawil yhasheeb iifiin, udehayoohna eelhaab tari jin hooy iifiineeb haay yꞌiina. Aree baraah kassaah mheelamiin.
Ilinguumiya amaag itweeraayna
17Ufagiiri uuwinwa kassaah yꞌarawaahwa, Isadduuki jamꞌa iiktiin winneet giiraat itabna. 18Baraah ilinguumiya yꞌabikniit tumadiinaati sijniib idꞌiin. 19Laakiin whawaadiib Wꞌankwanaay malak eeyaayt, usijni dheefa ifidigaayt bareeh isfarꞌa. Bareeyooh dehaay, 20“Wꞌankwanaay gaw beenaa, oon oomidhhan ugayiib oodehay kasseeh sooyaana.” idi.
21Baraah toona tusoomamaab iiktiineet sakiyaana, karuumaab Wꞌankwanaay gaw shuumiyaaniit oodehayi allamti badooyaan.
Beenhoob ufagiiri uuwinwa yꞌarawaahwa eeyaanihoob, Israaꞌiileeb yꞌeegrimaayi majlis waliikiyaan. Malya ilinguumiya oosijnii haay yꞌeeneet toona sooyaan. 22Laakiin oosjin iktimnihoob, idaabta bareeh miraab kiikeen. Aflaay baraah yꞌagarniit beet toona sooyaan. 23Idaabta “Uusjin akraab hakwaaru, aree igwꞌaadiiga idheefaayeeb gadaa iifiin. Laakiin idheefa nifdigaayt shuumnanihoob, tehooyteeb gaal han miraab kinki.” idiin.
24Wꞌankwanaay oogawi gwꞌaadiigaayi suurkinaawwa, ifagiiriya isuurkinaawwa naatgimaay daayaaniit ajjabisiyaana, “Tuun tehalaagaay kak ingid tindi?” idiin.
25Malya tak eeyaayt, “Baraakna oosjin tidꞌiineeb aanda oontꞌa Wꞌankwanaay oogawi hooshiib gadaa oodehay allameen.” idi. 26Malya igwꞌaadiigaayi suurkina idaabtaayi geeb giigiyaayt ilinguumiya haay eeya. Oodehayi rajamooti irkwiini sabbii, bareeh akriree haay yꞌaab kiikeen.
27Ilinguumiya umajlisi suurii haay eeyaanihoob, ufagiiri uuwin bareeh raatiya. 28Ufagiiri uuwin “Hinin Yasuuꞌiib oosmii oodehay bitꞌallamayneet toona akraab soona hookna. Laakiin Algudus utꞌaliimiisookna titab. Oon ootaki booyi sꞌabuuk tehariwna hoon.” idiin.
29Laakiin Bitruswa ilinguumiya aarawwa igwibiina, “Hinin ibakii Ukwaasana nisnaakiir nuun oodehay kinsinaakir! 30Yasuuꞌa saliibi hindi kehii mismaraayee tidirna. Laakiin Ukwaasana hoobaan yꞌibidneeb barooh tuyatii yakisiya. 31Malya Ukwaasana barooh hadꞌaabwa ishidhhiinwa ikwaasiit umaygwadiyooh mhiin yhii. Shaawti Israaꞌiili dehay tuubsiit idanuubeehna afoosi indi. 32Hinin teen tinaati badehiiba. Ukwaasana isnaakiir oodehay attiyeewiyaab, Aashuuk Imugaddasa han badehiiba.” idiin.
33Umajlisi da een imaasiwnihoob, winneet yhaseeniit ilinguumamaayi madar yhariwna. 34Laakiin bareesooh gaal Fariisiib Gamaalꞌeel iidneeb hamooysama haggi kooja iifi. Shalikt midda ilinguumiya ugawii barraab isfarꞌa. 35Malya bareeyooh dehaay, “Israaꞌiili dehay, een eendeeb timakirneet toona daayiib uginꞌookna hooy dꞌiina. 36Shalikt middaati dabaay Toodaas lawiya. Baruuh fagar tak massalamiya, aree fadhig shi da barooh iramna. Malya laakiin itoodaar. Kassaah ibarooh iram aree ibrarni iyheena, shaawti mishiit ikeen. 37Malya bariiyooh harꞌii, whaashiyuun uudehay itdhagwgwaayneeb eembꞌi, Yahuuda Ujaliilaayi lawiya. Gwida dehay oofinaay dehaay barooh iitram imri. Laakiin baruuh han itoodaar. Barooh iram aree ibrarni iyheen. 38Aflaay aniib oomkir sinaakirna: Een eenda hooy sigiina! Bareeh ishna dꞌiina! Aan baraah niyaameeneet tuuna tari tishagaameeneet uudehay aakna idꞌani gadar ikatiineek, ibakii katꞌami tindi. 39Laakiin Ukwaasana sooyaab ikatiyi shaga ikatiyeek, baraakna Ukwaasana finaasami bitdiineek beet toona tisingiidnee dehaay kaꞌadgirtaana.” idi. Umajlisi da een ibhali haay dhibiyaan.
40Ilinguumiya waliikiyaaniit winneet kwirbaajii ithabꞌana. Malya bareeyooh dehaay, “Shaawti Yasuuꞌiib oosmii baahadiidaana!” idiiniit ifdigni idꞌiin.
41Ilinguumiya umajlisii afirhaa giigiyaan. Ukwaasana bareeh Yasuuꞌiib oosmi jillaay ilhamti astehaleen ikwaaseet toonaatii afirhiyaan. 42Baraah bꞌeebka Wꞌankwanaay ugawi hooshiib daayaana, gaw gawii dadaayaan. Yasuuꞌa Umasiih iiktiyeet toona, usakana udaayiib oodehay allamiina aree sooyiin. Beet toona door han singadaab kiikeen.
Currently Selected:
Ilinguumamti 5: BEJA
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT
Ilinguumamti 5
5
Hanaaniyaawwa Saafiiraawwa
1Hanaaniya iidni tak tutakatuuh Saafiiraawwa han whaashoohna idlibna. 2Laakiin baraah iitilnee dehaay imakkaarna, mhallagaab galib isimhana, ibaagi aree ilinguumiyaayi suurii daasiyaan.
3Bitrus bariiyooh dehaay, “Hanaaniya, uubliis whaashi mhallaga galib kak hook isimhi? Naanhooy Eeshuuk Imugaddasaayee dehaay tigwaasira? 4Whaash dilbaab baakaay bariiyook kiiki han? Tidlibeenaay harꞌii han imhallaga bariiyeek kiikeena han? Bak tꞌiiteena saktiib naanhooy tikwinaa? Dehayii dehaay gwaasiraab kitta, laakiin Ukwaasanaayi dehaay tigwaasirna.” idi.
5Hanaaniya een ibhali imaasiwihoob, whaashi kehii dhibiyaayt iiya. Kassaah uudehay beet toona imaasiw akra mirkwaay hooy daaya. 6Malya areereewa gwadi eeyaaniit barooh ishaamimna. Aree tuginaada haay ifirꞌaniit ibisna.
7Mhayt sꞌaati harꞌii tutakatuuh eeta. Batuuh laakiin utakooh naan dehaay tikayeeb kanaat kitti. 8Bitrus batooh raatiya, “Uun baruuh batuukwa Hanaaniyaawwa whaashi dalabii timriineeb itaman kiiki han? Sooyiiheeb!” idi.
Batuuh “Aahaa, aan imhallaga hinin whaashi dalabii nimriyeeba.” tidi.
9Bitrus batiiyooh dehaay, “Baraakna Wꞌankwanaay Eeshuuk kak jarrabtiina? Hanaaniyaab utakook ibis aanda udheefaay eefeen. Batook han yaksi hook iyadna.” idi.
10Batuuh han gaalhoob Bitrusi iragadaayi whii whaashiib dhibtaayt tiya. Yꞌareereewa eeyaanihoob, Saafiiraab ayaa rhiyaan. Shaawti yakisiyaaniit utakiyooh daraag ibisna. 11Tukaniisaati dehay kaseeh akra mirkwaay dehaay dhibiya. Uudehay baliit teena imaasiw han kassaah irkwiin.
Ilinguumiya gwida dehay mheeliyaan
12Ilinguumiya oodehayi bitik gwidaat mꞌuujisaateet alaamaatwa ajaayibwa ikwaasna. Ukwaasanaay aamanana kassaah diimaab udiini gawi dheefa Suleemaaniib umajlisi mhiin iidneenaay immirriin. 13Uudehay kassaah bareeh areeyiineek han, gaal han ashꞌaraa bareeyooh amshawawiyaab kiiki. 14Laakiin gwida daawwa mꞌatwa Wꞌankwana aamaniyaaniit bareeyooh yꞌadadeeb imshawwaayna. 15Uudehay baliib eelhaab nꞌalwa madhamaati kehii idꞌiiniit isalalaayeeb daasiin. Bitrus hasamee tulꞌandalaatuuh han bareeh kantiimeek mheeltini miyaadiib daasiin. 16Gwida dehay Algudus dawil yhasheeb iifiin, udehayoohna eelhaab tari jin hooy iifiineeb haay yꞌiina. Aree baraah kassaah mheelamiin.
Ilinguumiya amaag itweeraayna
17Ufagiiri uuwinwa kassaah yꞌarawaahwa, Isadduuki jamꞌa iiktiin winneet giiraat itabna. 18Baraah ilinguumiya yꞌabikniit tumadiinaati sijniib idꞌiin. 19Laakiin whawaadiib Wꞌankwanaay malak eeyaayt, usijni dheefa ifidigaayt bareeh isfarꞌa. Bareeyooh dehaay, 20“Wꞌankwanaay gaw beenaa, oon oomidhhan ugayiib oodehay kasseeh sooyaana.” idi.
21Baraah toona tusoomamaab iiktiineet sakiyaana, karuumaab Wꞌankwanaay gaw shuumiyaaniit oodehayi allamti badooyaan.
Beenhoob ufagiiri uuwinwa yꞌarawaahwa eeyaanihoob, Israaꞌiileeb yꞌeegrimaayi majlis waliikiyaan. Malya ilinguumiya oosijnii haay yꞌeeneet toona sooyaan. 22Laakiin oosjin iktimnihoob, idaabta bareeh miraab kiikeen. Aflaay baraah yꞌagarniit beet toona sooyaan. 23Idaabta “Uusjin akraab hakwaaru, aree igwꞌaadiiga idheefaayeeb gadaa iifiin. Laakiin idheefa nifdigaayt shuumnanihoob, tehooyteeb gaal han miraab kinki.” idiin.
24Wꞌankwanaay oogawi gwꞌaadiigaayi suurkinaawwa, ifagiiriya isuurkinaawwa naatgimaay daayaaniit ajjabisiyaana, “Tuun tehalaagaay kak ingid tindi?” idiin.
25Malya tak eeyaayt, “Baraakna oosjin tidꞌiineeb aanda oontꞌa Wꞌankwanaay oogawi hooshiib gadaa oodehay allameen.” idi. 26Malya igwꞌaadiigaayi suurkina idaabtaayi geeb giigiyaayt ilinguumiya haay eeya. Oodehayi rajamooti irkwiini sabbii, bareeh akriree haay yꞌaab kiikeen.
27Ilinguumiya umajlisi suurii haay eeyaanihoob, ufagiiri uuwin bareeh raatiya. 28Ufagiiri uuwin “Hinin Yasuuꞌiib oosmii oodehay bitꞌallamayneet toona akraab soona hookna. Laakiin Algudus utꞌaliimiisookna titab. Oon ootaki booyi sꞌabuuk tehariwna hoon.” idiin.
29Laakiin Bitruswa ilinguumiya aarawwa igwibiina, “Hinin ibakii Ukwaasana nisnaakiir nuun oodehay kinsinaakir! 30Yasuuꞌa saliibi hindi kehii mismaraayee tidirna. Laakiin Ukwaasana hoobaan yꞌibidneeb barooh tuyatii yakisiya. 31Malya Ukwaasana barooh hadꞌaabwa ishidhhiinwa ikwaasiit umaygwadiyooh mhiin yhii. Shaawti Israaꞌiili dehay tuubsiit idanuubeehna afoosi indi. 32Hinin teen tinaati badehiiba. Ukwaasana isnaakiir oodehay attiyeewiyaab, Aashuuk Imugaddasa han badehiiba.” idiin.
33Umajlisi da een imaasiwnihoob, winneet yhaseeniit ilinguumamaayi madar yhariwna. 34Laakiin bareesooh gaal Fariisiib Gamaalꞌeel iidneeb hamooysama haggi kooja iifi. Shalikt midda ilinguumiya ugawii barraab isfarꞌa. 35Malya bareeyooh dehaay, “Israaꞌiili dehay, een eendeeb timakirneet toona daayiib uginꞌookna hooy dꞌiina. 36Shalikt middaati dabaay Toodaas lawiya. Baruuh fagar tak massalamiya, aree fadhig shi da barooh iramna. Malya laakiin itoodaar. Kassaah ibarooh iram aree ibrarni iyheena, shaawti mishiit ikeen. 37Malya bariiyooh harꞌii, whaashiyuun uudehay itdhagwgwaayneeb eembꞌi, Yahuuda Ujaliilaayi lawiya. Gwida dehay oofinaay dehaay barooh iitram imri. Laakiin baruuh han itoodaar. Barooh iram aree ibrarni iyheen. 38Aflaay aniib oomkir sinaakirna: Een eenda hooy sigiina! Bareeh ishna dꞌiina! Aan baraah niyaameeneet tuuna tari tishagaameeneet uudehay aakna idꞌani gadar ikatiineek, ibakii katꞌami tindi. 39Laakiin Ukwaasana sooyaab ikatiyi shaga ikatiyeek, baraakna Ukwaasana finaasami bitdiineek beet toona tisingiidnee dehaay kaꞌadgirtaana.” idi. Umajlisi da een ibhali haay dhibiyaan.
40Ilinguumiya waliikiyaaniit winneet kwirbaajii ithabꞌana. Malya bareeyooh dehaay, “Shaawti Yasuuꞌiib oosmii baahadiidaana!” idiiniit ifdigni idꞌiin.
41Ilinguumiya umajlisii afirhaa giigiyaan. Ukwaasana bareeh Yasuuꞌiib oosmi jillaay ilhamti astehaleen ikwaaseet toonaatii afirhiyaan. 42Baraah bꞌeebka Wꞌankwanaay ugawi hooshiib daayaana, gaw gawii dadaayaan. Yasuuꞌa Umasiih iiktiyeet toona, usakana udaayiib oodehay allamiina aree sooyiin. Beet toona door han singadaab kiikeen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2026 Seed Company and the MTT