'O Markus 'O Habari ma Owa gee 'o Markus Wositota-totara ma Dumutu
'O Habari ma Owa gee 'o Markus Wositota-totara ma Dumutu
Moteke 'o nyawa yongaku-ngaku ma sirasi, yongose 'ato 'o buku ne'ena 'o Markus ma sirete wolefo. 'O Markus 'una ge'ena womote-moteke 'o Petrus 'awi do-dagioka wositotara 'o Habari ma Owa. So 'okia naga gee wo'isenino 'o Petrusoka ge'enau walefo ma buku ma dodaka ne'ena.
Nako ngone pabaca ma buku ne'ena, ngone 'asa panako 'okia 'o Yesus wadiai de 'okia wodotoko 'awi do-domoteika. 'O Yesus wositotara 'o Habari ma Owa wongose 'ato ma Jo'oungu ma Dutu wacobou wopareta ma ngale wokoana 'o duniaka ne'ena (Mrk. 1:14-15). 'Una wokuasa wosi'aiki 'o nyawa manga panyake de woginiiki 'o tokata gee 'o nyawaka yakido-dongosamuku. 'O Yahudioka ma balu-balusu wiitomo de yomaka'aturu ma ngale wito'oma (Mrk. 3:6).
Ma 'o Yesus kowoowaruwa so kawosidemosirali 'ato 'una 'asa wito'oma (Mrk. 8:31; Mrk. 9:31; Mrk. 10:33-34), de ka 'una wi singina wotagi 'o Yerusalemuka sababu womau womasisarakani wito'oma ma ngale watuusu 'o nyawa manga sowono (Mrk. 10:45). Wito'omaka de womomikokali.
'O Markus wolefo ma buku ne'ena, ma ngale wosiwaiti 'ato 'o Yesus 'una ge'ena ma Koana 'o Nyawa Wosilaha-laha gee ma Jo'oungu ma Dutu wojajiokau 'ato dua woboa, de ma Jo'oungu ma Dutu 'awi Ngowaka (Mrk. 1:1; Mrk. 1:24; Mrk. 3:11; Mrk. 5:7; Mrk. 8:29; Mrk. 9:7; Mrk. 14:61-62; Mrk. 15:39). Mita wonasigaro powimoteke 'o Yesus ngaro 'okia naga bato 'inadutuku (Mrk. 8:34-38; Mrk. 10:29-31).
Currently Selected:
'O Markus 'O Habari ma Owa gee 'o Markus Wositota-totara ma Dumutu: TBY
Highlight
Copy
Compare
Share
Want to have your highlights saved across all your devices? Sign up or sign in
2026 Indonesian Bible Society