'O Su-suloko 'O Su-suloko manga Manarama ma Dumutu
'O Su-suloko manga Manarama ma Dumutu
'O buku ne'ena 'o Lukas wolefo ma warasa ma modidi. De ma buku ne'ena ge'ena 'o Habari ma Owa gee 'o Lukas wolefo-lefo ma dowanga. Ma buku ne'ena ma dodaka 'o Lukas wosijarita 'okia naga gee ma Jou Yesus 'awi do-domoteke yadi-diai ma 'orasi 'o Yesus wowangodeli de wodoaka 'o sorogaade. Ma jarita ma titi ge'ena la ma Jou Yesus 'awi su-suloko yamididi, 'ona ge'ena 'o Petrus de 'o Paulus (Sulo. 1--12 de Sulo. 13--28). Ma bukuoka ne'ena ngone 'asa pabaca 'okia naga gee 'o su-suloko yosidoto-dotoko (Sulo. 2:32-39).
Ma 'orasi 'o Yesus kowodoawasi 'o sorogaade, 'una wosidemokau 'awi su-sulokika wongose 'ato, <<Ma ngini 'asa niamake 'o kuasa, gee dua ma 'orasi 'o Ngomasa 'Itebi-tebini niduguti de nia singinaka 'imanoa. De ngini 'asa niodadi to ngoi 'ai sakisii, 'o Yerusalemuoka, 'o Yudeaka, 'o Samariaka, de sigado 'o dunia yasuluunuku>> (Sulo. 1:8). Ne'enau ma demo ma titi ma bukuoka ne'ena. 'O Yesus 'awi do-domoteke yamake 'o kuasa 'o Ngomasa 'Itebi-tebinino ma ngale yositotara 'o Habari ma Owa, ma di-disiraka 'o Yerusalemuoka, 'asa deika 'o Yudea ma daeraaka, deika 'o Samaria ma daeraaka, deika ko 'o Yahudiokawa manga daeraaka sigado 'o Roma ma kotaka.
Ma di-disiraka 'o Yesus 'awi do-domoteke ge'ena yoodumu ka 'o Yahudioka, de yositotara 'o Habari ma Owa 'isira ka 'o Yahudi ma nyawaka (Sulo. 11:19). Duga 'o Yahudioka manga gudai yaitomo 'o Habari ma Owa. 'Asa deika 'o Habari ma Owa ge'ena yositotara mita ko 'o Yahudiwa ma nyawaka (Sulo. 13:45-46; Sulo. 18:6; Sulo. 28:28). Ma go-goraka 15 ma dodaka 'o Lukas wosijarita ma Jou Yesus 'awi su-suloko yodiai 'o lo-lomu ma amoko 'o Yerusalemuoka. Ma lo-lomuoka ge'ena yosiputusu ko 'o Yahudiwa ma nyawa gee yongakuokau 'o Yesusika, 'ona 'uwau yamoteke 'o Yahudioka manga 'agama ma besesongo (Sulo. 15:22-31).
Currently Selected:
'O Su-suloko 'O Su-suloko manga Manarama ma Dumutu: TBY
Highlight
Copy
Compare
Share
Want to have your highlights saved across all your devices? Sign up or sign in
2026 Indonesian Bible Society