Rom 10
10
Anut inan taoz me tamolpain daŋanoi Anut azulon ienime, ge Fudgaz ladinlon so malik
1Taiggaz, bubeg mewoi jateg ŋagod maiŋame, i putudin isap demadowoi. 2Malik ŋabol, i Anutoi gik denaudime, ge ladin kaginkaginlon tea.#Apos 22:3 3I Anut inan taoz so diloŋlak, sebadin nadin taoz denaup ienoige i Anut paenlon so didule.#Rom 9:31, 32 4Ge Kristus i kibiaiŋ inan wadan fanatek, meginge daŋan me ladinlon malikdime i taoz inaup demadowoi.#Mat 5:17; Heb 8:13
5Moses i kibiaiŋ inan taozoi megin gazelak, Tamolai i me uzi paniime i melon bas madowoi.#Lew 18:5; Gal 3:12 6Ge taoz me ilonlon maliknenlon itasaime me megin ibol, Bubelon so ubol mon, it didlon idusawoi? Me ŋan Kristus zaep idunen.#Deut 30:12, 13 7Tea, it tiglon idulawoi? Me ŋan Kristus mateŋlonge zaep itasanen.#Kan 107:26 8Ge i dodin ibol? Azu o sizizlon ien, ŋan oina aualon bubelon mai. Ŋan me ilonlon maliknen inan azu am abolame me.#Deut 30:14 9Jesus i Ujanzen me oina aualon sigianimap, Anut i mateŋlonge fuŋunig imaislak me oina bubelon ilolon malik maimap o patu isap madowoi.#Kor I 12:3; Fil 2:11 10Tamol bubenlon ilonlon malikmeg taoz inauime, auanlon sigianimeg patun isaime. 11Azu gazek ibol, Me i ilonlon malikmap i mamai so toaniwoi.#Jes 28:16 12Judawain Grik mai liluŋlon geg tealak, Taimon i daŋan nadin Ujanzen, daŋan me i dewagidime i buben inan filian pinidinime.#Apos 10:34; 15:9 13Daŋan me Ujanzen neanoi diwogdime i putudin pasip demadowoilakoi.#Joel 3:5
14Ge dodin tamol i ladinlon so malikmap i dewagiwoi? Ge dodin i iwoi i azu so diloŋlak ladinlon malikoi? I totol teamap dodinpa i diloŋoi? 15Ge medaeŋ totol so denaupa dilemap i dodin azu diboloi? Gazelak egin, Niedin gamun e totol nadin me i azu gamun diboloi ditozdime!#Jes 52:7
Kuzum totol gamun dab so depani
16Ge daŋan totol gamun duzi so depanilak. Jesaia ibol, Ujazen, am it ipidinge i ladinlon maliklak?#Jes 53:1 17Mewoi ilonlon maliknen me Anut azu taloŋlak melon itasaime, ge taloŋnen me Kristus auanlon.#Joh 17:20
18Ŋa bo ŋabol, I so diloŋlak? Ge dodin, i diloŋ. Inadin babeŋ tan daŋanlon ile, nadin azu fatu wadannen itase.#Kan 19:5 19Ŋa faun te ŋabol, Israel i so diloŋ? Malan Moses ibollak me aloŋ, Ŋa ŋonoaŋpa tamolai so temanig demadelak iwoi jenaimi isuip amadowoi. Tamolai ladin kagin tealak iwoi ŋonoaŋpa buzumi isawoi.#Deut 32:21; Rom 11:11 20Jesaia i sililig ibol, Ŋa so debezanaglak i denasag, i ŋawoi sodoz so denaulak i zidinnen ŋa sibeg boboloanagge beŋten ŋatase.#Jes 65:1 21Ge Israeloi i ibol, Ŋa nal melaen daŋan nimag ŋowoteg ŋemade, tamolpain dagom tealak, auataleklon mai ditozdimelak iwoi.#Jes 65:2; Apos 28:22
Currently Selected:
Rom 10: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
