Israel Kan 94
94
1O Ujazen, o wagaz inan Anut,
o wagaz inan Anut, lelamanpa utasa!
2O tan inan betenaek, umaispe;
ŋagaswain naon idusanen pinidin!
3O Ujazen, saen pitep salanbibian,
au, saen pitep salanbibian zigiawoi?
4Nadin azu fezafuz dewalidime,
auadin fezafuz, salannaukgaz daŋan.
5O Ujazen, oina tamolpain dupuzotoana,
oina fuzagaz domodoanadime.
6Painbob lotamol mai difudime,
temadin tealak me disiadin dimatdime;
7I dibol, Ujanzen so nasiime,
Jakob inan Anut dab so paniime.
8O tamolpain ladin bekanilak, aloŋ!
Gedagad aŋ, saŋeptap lami kagindaŋanoi?
9I me tiliŋan fun inaulak, i so iloŋ?
I me malan kibinelak, i so nasiime?
10I me panupanu pututaime, i so pututiime?
I me tamol diloŋnen dal peteŋanaime,
11Ujanzen me tamol nadin kankan iloŋ,
i jaeŋ taimon egin mon iloŋ.
12Patun isap tamol me o pututiume, O Ujazen,
ŋan me i o kibiaiŋ inan azu peteŋaniume,
13inan saen salanlon ilon ŋalewoilakoi,
salanbibiangazoi lof ta sazemap eginmap.
14Ujanzen inan tamolpain so ibinoilakoi;
inan fuzan i so ibiniwoi;
15abaŋ tiduk taleknen me taozgaz zidinnen faun iduwoi,
bubudin tidukdaŋan i duzi depaniwoi.
16It naog ŋalep salanbibian daŋe pinidinoi?
It naog iŋalp salannaukgaz diŋiawoi?
17Ujanzen aneg so idupe,
nitug i get kin pasak fatu matonlon madope.
18Ŋa ŋabolge, Inag nieg iauime,
oina ilopanek segatekdaŋan, O Ujazen, stemanaglak.
19Inag bubeg jaeŋjaeŋ funagmap,
oina iloŋaleknen nitug jaun paniime.
20Kibiaipanekgaz sladin o maip apeleŋaniwoi tat,
i me nadin kibiaiklon kagin salan nean denaudime?
21I taozgaz difuwoi detemanidime,
tinidinnen tealak me dimatoi demeselanadime.
22Ge Ujanzen i ŋainag kaboŋ gegaun,
inag Anut i ŋainag seafuknen pat.
23I nadin aupasek bulip fodinlak iduwoi,
nadin salannauk naon i gezeŋanap teaboi;
Ujanzen inad Anut i gezeŋanap teaboi.
Currently Selected:
Israel Kan 94: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
