Israel Kan 74
74
Asaf inan Maskil ta.
1O Anut, dodinge betetenamag sansanpe?
dodinge oina buzu inan jakas oina badin inan belelekoi imaisime?
2Oina medaeŋ ilo isou, o wagam uŋallak,
o me oina fuza inan wozouoi udad ŋalelak!
Did Sion, o madelak, ilo isou.
3Nie duzip panu dedeŋanig pitiŋinilak deleŋani;
agez ab gunlon abaŋ daŋan petefazalak!
4Oina daŋekgaz ab gun ilonnen diboblak;
sebadin nadin bagoz bagoz denau.
5Dalauan latnen i plagislon
abau maŋaumaŋaulon sigineklak ditiziŋini.
6Abau maŋaumaŋau inan gazekdaŋan me mai
daŋan plagis hamerlon mai dipisini.
7I oina ab gun dutunig;
oina nea inan madoknen aben i foa depanig tan aten mai dezaze.
8I sebadin ladin ibol, Id tupuzotoana gauai mokoi;
ubouab fatu inan panu daŋanlon demazi.
9Am nama bagoz so anasi;
profet ta mug so madoime,
tata leŋamalon abaŋ e inan saenoi so iloŋ.
10Saen pitep, O Anut, daŋektamol dizan iwaiwoi?
Agez i gaid neaoi azu salan iboloi?
11Dodinge nima pizianiume,
dodinge oina nima waŋ petazelon nuleg ien?
12Anut inag Kiŋ bo wagamnen,
tan bisonlon patunisanen kibineime.
13Tiwolon mas tezepale;
mas atenlak dragon getadin o petefazalak.
14Lewiatan getadin o petefazalak,
i me anaŋ egin fatu udau inan dazuk pinidinlak.
15O naz bubuaik tezebabeg naz ta itase;
naz gaid palulak me unaug kaza ibol.
16Ad tidom mai me oina,
o fulei, patui ad mai unaulak.
17Tan inan geggeg o unaulak;
o kazag jauazti mai fun.
18E ilo isou, O Ujazen, agez dizan iwaiime,
tamolai Anut mai so dikollak i neaoi azu salan dibol.
19O oina bun inan nitun dazuk duguze so pinidin mon;
oina waizgaz nadin madoknen sansanpe so ilo padal mon.
20Oina temaneknen dab pani;
tanlak aben mafuz panilak melon wagaipanu kuzum dien.
21Unaup puzotoanalak me mamai so deŋalewoi;
waizgaz alangaz mai me oina neaoi kalel diabiwoi.
22O Anut, umaispa, oina kagin fun flale;
tamolai Anut mai so dikollak me nal melaen daŋan owoi azu salan diboldime, ilo isou!
23Oina daŋekgaz nadin kininai so ilo padal mon,
oina agez nadin liŋan ujan sansan imaisime me.
Currently Selected:
Israel Kan 74: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
