Israel Kan 71
71
1Olon, Ujazen, ŋa ŋeseafuŋame;
unaupa ŋa mamai so ŋeŋalewoi!
2Oina taozlon tetazag ŋiliag, gateg pasipe;
tiliŋa diŋiagpe, patug pasipe!
3O ŋawoi seafuknen pat unaupe,
kaboŋ gegaun patug pasinen,
o ŋainag pat kaboŋ mailakoi.
4O ŋainag Anut, gateg pasipe, salanbibian nimanlonpa,
tamol taoz tea salan mai me inan jabeklon.
5O Ujazen, o ŋainag suzuazouknen,
O Ujazen, ai kiteklonge o inag naupanek.
6Nen noagmeglonge ŋa patug ŋepanolak;
o me nen tininlonge duzaglak,
owoi sansan kalel ŋabiŋame.
7Kuzumoi ŋa medapep egin;
ge o ŋainag seafuk gegaun.
8Owoi kalel jabek auag fuam,
ad melaen daŋan oina kubeloi megin.
9Ŋa dinou ŋenaumap so meselanag mon;
zagug teamap so binag mon.
10Ŋainag agez ŋawoi dibol,
i nug dikibiai dufunagoi denaudime.
11I dibol, Anut i binilak;
uzip abi,
tata i tetazip ŋalenen so madoime.
12O Anut, o ŋawoi makaiu so made mon;
O inag Anut, pasak aneg udupe!
13Ŋawoi uf denaudime i mamai deŋalep depadaloi;
donoag alanoi dedalel
me dizawaik biŋadin salan mai toanawoi.
14Ge ŋa dedeŋanip ŋusuzuazouwoi,
ŋa kalel ŋabip se ile mon.
15Oina nauknauk taozoi auag iboloi,
ad melaen daŋan oina patunisanenoi mai,
i kuzum ŋusutanen tea.
16Ujanzen Anut inan nauknauk ujan sinanlon ŋa ŋaduwoi,
oina taozoi kalel ŋabiwoi, oina mon.
17O Anut, ai faunlonge o kagin peteŋanaglak,
gazo mai oina nauknauk kubel ŋisigianiŋame.
18Mewoi dinou ŋenaup waŋawaŋdaŋanmap mai,
o Anut so binag mon,
daz uzek daŋan oina tiwo ŋisigiani
ŋipinidinpa eginmap.
19O Anut, oina tiwo, oina taoz mai
did isaeime.
O abaŋ ujan unaulak,
O Anut, it o egin?
20O noagge ŋa abaŋ salan kuzum ŋenasilak,
o faun bas panagoi;
tan tiglonpa
o faun duzagpa latnen noagoi.
21O unaup biŋag faun gauaioi,
ilog mai faun ŋalewoi.
22Ŋa harplon owoi faun kalel ŋabiwoi,
O ŋainag Anut, o bube maliklak mewoi;
ŋa laiarlon kalel ŋabip ŋepanowoi.
Israel inan Gun Niŋon.
23Fiziŋog zigieklon muguzuŋ inauwoi,
ŋa owoi kalel ŋabimap;
o nitug mai gaten pasilak me mai.
24Baleg oina anen idunen taozoi iboloi
nal melaen daŋan,
I me donoag alanoi dedalellak
i mamai deŋaleg biŋadin mai salanlak.
Currently Selected:
Israel Kan 71: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
