Israel Kan 59
59
Kanamkamaŋ inan. So Pitiŋini Mon, sinan. Dawid inan Miktam. Saul tamol inaug Dawid funiwoi ab ditizini menen.
1O ŋainag Anut, inan agez nimanlon tetazag ŋiliag,
didiŋiagoi dimaisdime iwoi tizinagpe,
2me i abaŋ salan denaudime iwoi tetazag ŋiliag,
tamol daz fuzekoi dimatdime iwoi patug pasipe.
3Nasi, i dufunagoi defenafundime;
wagaitamol didiŋiagoi detemanidime.
4O Ujazen, ŋa kagin ta ŋodoloanig auŋapas mailak mewoi tea,
tinignen teameg i depalug abaŋ dikibinedime.
Sifililiop aneg uduwoi usop, nasi!
5O Ujazen, Anut daupdaŋan, o Israel nadin Anut.
Tiziaupa panupanu naon pinidinpe;
abaŋ salanoi defeleleanig ditozdime me se ubinpa so dile mon. Sela
6Nal daŋan juzalon dimul disodime,
gaun egin dibobdime,
panulon desekeleanig ditozdime.
7Aon demadodime, auadinlon dibobdime,
fiziŋodinlon disiŋezdime —
It, ladin ibol, id diloŋoi?
8Ge o, Ujazen, iwoi di uwaume;
panupanu daŋan dizadin uwaiume.
9O ŋa inag Tiwog, ŋa owoi kalel ŋabiwoi;
O Anut, o ŋainag kaboŋlakoi.
10Inag Anut ilopanek segatekdaŋanlon ŋa mai naon tazetazewoi;
inag Anut inaup seŋanagpa ŋatasap ŋainag agez ŋailoi.
11So ufup dimat mon, teap ŋainag tamolpain ladin padaloi;
oina tiwolon unaup agez depeselaup dibal diduwoi,
O Ujazen, amnama gubiz!
12Unaupa, i auadin inan aupasekoi, fiziŋodin inan azuoi
amag ta nadin ŋagas kaginlon iaboi.
Meselanek azu sekauk mai diboldime menen.
13Buzun kekazunlon naup teaboi,
unaup ilap meladin teaboi,
meginpe tamolpain diloŋoi Anut Jakob inan gaten madoime tan geglonge. Sela
14Nal daŋan juzalon dimul,
gaun egin dibobdime,
panu desekeleanig ditozdime,
15Anaŋoi delaŋaige ditozdime,
loadin so didimap i dibobdime.
16Ge ŋa oina tiwooi dug ŋabiwoi;
bomon mon ŋa oina ilopanek segatekdaŋan dug ŋabiwoi.
O ŋainag kaboŋ unaug madelak,
inag alan nauklon o ŋainag seafuknen.
17O ŋainag Tiwog ŋa owoi kalel ŋabiwoi,
O Anut, o ŋainag kaboŋlakoi,
Anut me ilopanek segatekdaŋan panagime me.
Currently Selected:
Israel Kan 59: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 59
59
Kanamkamaŋ inan. So Pitiŋini Mon, sinan. Dawid inan Miktam. Saul tamol inaug Dawid funiwoi ab ditizini menen.
1O ŋainag Anut, inan agez nimanlon tetazag ŋiliag,
didiŋiagoi dimaisdime iwoi tizinagpe,
2me i abaŋ salan denaudime iwoi tetazag ŋiliag,
tamol daz fuzekoi dimatdime iwoi patug pasipe.
3Nasi, i dufunagoi defenafundime;
wagaitamol didiŋiagoi detemanidime.
4O Ujazen, ŋa kagin ta ŋodoloanig auŋapas mailak mewoi tea,
tinignen teameg i depalug abaŋ dikibinedime.
Sifililiop aneg uduwoi usop, nasi!
5O Ujazen, Anut daupdaŋan, o Israel nadin Anut.
Tiziaupa panupanu naon pinidinpe;
abaŋ salanoi defeleleanig ditozdime me se ubinpa so dile mon. Sela
6Nal daŋan juzalon dimul disodime,
gaun egin dibobdime,
panulon desekeleanig ditozdime.
7Aon demadodime, auadinlon dibobdime,
fiziŋodinlon disiŋezdime —
It, ladin ibol, id diloŋoi?
8Ge o, Ujazen, iwoi di uwaume;
panupanu daŋan dizadin uwaiume.
9O ŋa inag Tiwog, ŋa owoi kalel ŋabiwoi;
O Anut, o ŋainag kaboŋlakoi.
10Inag Anut ilopanek segatekdaŋanlon ŋa mai naon tazetazewoi;
inag Anut inaup seŋanagpa ŋatasap ŋainag agez ŋailoi.
11So ufup dimat mon, teap ŋainag tamolpain ladin padaloi;
oina tiwolon unaup agez depeselaup dibal diduwoi,
O Ujazen, amnama gubiz!
12Unaupa, i auadin inan aupasekoi, fiziŋodin inan azuoi
amag ta nadin ŋagas kaginlon iaboi.
Meselanek azu sekauk mai diboldime menen.
13Buzun kekazunlon naup teaboi,
unaup ilap meladin teaboi,
meginpe tamolpain diloŋoi Anut Jakob inan gaten madoime tan geglonge. Sela
14Nal daŋan juzalon dimul,
gaun egin dibobdime,
panu desekeleanig ditozdime,
15Anaŋoi delaŋaige ditozdime,
loadin so didimap i dibobdime.
16Ge ŋa oina tiwooi dug ŋabiwoi;
bomon mon ŋa oina ilopanek segatekdaŋan dug ŋabiwoi.
O ŋainag kaboŋ unaug madelak,
inag alan nauklon o ŋainag seafuknen.
17O ŋainag Tiwog ŋa owoi kalel ŋabiwoi,
O Anut, o ŋainag kaboŋlakoi,
Anut me ilopanek segatekdaŋan panagime me.
New Testament published by the British and Foreign Bible Society in 1960. Genesis published by the Australian Bible Society in 1971.