Israel Kan 58
58
Kanamkamaŋ inan. So Pitiŋini Mon. Dawid inan Miktam.
1Aŋ tibudgaz, aŋ malik kagin tidukoi kibiaik anauame?
Aŋ tamol nadin aigaz tiduk bitiniaame?
2Tea, bubumilon aŋ abaŋ sekauk ikibiaiame;
nimami tanlak wagai nauk awaiame.
3Salanbibiangaz i tinadin tinidinlonge depezegaidime,
tinadin denaumeglon dezegai, azu sekauk diboldime.
4I tibiladindaŋan, mot inan tibilan egin,
gaunwin tiliŋanlon azu so iloŋ, tiliŋan dedanilak egin,
5meginpe motkamaŋ azu ipaip lalemap inan klagun so iloŋ,
motduzek maŋaudaŋan inan auan mai so iloŋ.
6O Anut, auadinlon liwodin pisini;
O Ujazen laion faun nadin bali ugut,
7Unaup naz idu iauime egin mamaspa teaboi;
kebasik egin dipiziŋinap dimiliauwoi.
8Unaupa i me tibilak bulip kokou inauime eginoi,
tinan imugseg ai inaumeg me ad kin so nasilak egin.
9Nami bod faiag bas tat kazak tat inan nanek dab so panip
i pasak mok inan wonananlon salanbibiangaz gezeŋanap dilawoi!
10Tamol taoz i naon panek me nasip buben gauaioi;
i salanbibiangaz nadin dazlon nien suguiwoi.
11Tamol diboloi, Malik taozgaz naon deŋalewoi;
malik, Anut tanlak abaŋ betenaeime me madoime.
Currently Selected:
Israel Kan 58: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 58
58
Kanamkamaŋ inan. So Pitiŋini Mon. Dawid inan Miktam.
1Aŋ tibudgaz, aŋ malik kagin tidukoi kibiaik anauame?
Aŋ tamol nadin aigaz tiduk bitiniaame?
2Tea, bubumilon aŋ abaŋ sekauk ikibiaiame;
nimami tanlak wagai nauk awaiame.
3Salanbibiangaz i tinadin tinidinlonge depezegaidime,
tinadin denaumeglon dezegai, azu sekauk diboldime.
4I tibiladindaŋan, mot inan tibilan egin,
gaunwin tiliŋanlon azu so iloŋ, tiliŋan dedanilak egin,
5meginpe motkamaŋ azu ipaip lalemap inan klagun so iloŋ,
motduzek maŋaudaŋan inan auan mai so iloŋ.
6O Anut, auadinlon liwodin pisini;
O Ujazen laion faun nadin bali ugut,
7Unaup naz idu iauime egin mamaspa teaboi;
kebasik egin dipiziŋinap dimiliauwoi.
8Unaupa i me tibilak bulip kokou inauime eginoi,
tinan imugseg ai inaumeg me ad kin so nasilak egin.
9Nami bod faiag bas tat kazak tat inan nanek dab so panip
i pasak mok inan wonananlon salanbibiangaz gezeŋanap dilawoi!
10Tamol taoz i naon panek me nasip buben gauaioi;
i salanbibiangaz nadin dazlon nien suguiwoi.
11Tamol diboloi, Malik taozgaz naon deŋalewoi;
malik, Anut tanlak abaŋ betenaeime me madoime.
New Testament published by the British and Foreign Bible Society in 1960. Genesis published by the Australian Bible Society in 1971.