Israel Kan 56
56
Kanamkamaŋ inan. Bun terebintlak men matal. Dawid inan miktam. Filista Gatlon Dawid diabimeg i sepalelak.
1O Anut, kanim ŋale panagpe, tamol dupuzotoanagdimelakoi;
nal melaen daŋan agez domodoanagdime;
2ŋainag agez ad melaen daŋan dipiziagdime,
kuzum sebadin tinidin deŋaleg dimugge ŋa mai azoi.
3Ŋa ŋazezmap
ŋa o ŋenau ŋepanoŋame.
4Anut, ŋan i me inan azuoi kalel ŋabiŋame,
es, Anut, ŋa so ŋazezmeg, ŋenau ŋepaniŋame,
tamol tininlon abaŋte noagnen iloŋ?
5Ad melaen daŋan inag uzat dipitiŋiniwoi defenafundime;
inadin kankan daŋanlon donoag alanoi didiŋiag.
6I detemanig defenafun,
inag nieg ban dab depanidime.
I ŋa dufunagoi malag denaudime egin,
7megin nadin salannaukoi naon pinidinpe;
O Anut, buzulon tamolpain betetanap diduwoi.
8Ŋadaŋse ŋadaŋlelak o sutig uloŋ;
ŋainag melaug oina jaliŋlon tigili!
I oina buklon so gaze tat?
9Meginpe, nal ŋa ŋawogmap,
ŋainag agez dutuzubulip dimuloi.
E me ŋaloŋ, Anut i ŋa mailak.
10Anut, me inan azuoi kalel ŋabiŋame,
Ujanzen, inan azuoi ŋa kalel ŋabiŋame,
11Anut, ŋa kin so ŋazezmeg, ŋenau ŋepaniŋame.
Tamol abaŋte tat ŋawoi inaunen iloŋ?
12O Anut, azu malik e ŋabollak me ŋuzi ŋepanimokoi;
ŋa pez paneknen ja ta ŋenaup ŋepanowoi.
13O mateŋlonge nitug tetazi ŋalelak,
au, nieg so peselauwoi o dab panilak,
ŋa Anut naonnen, basnen lelamanlon
ŋatozoilakoi.
Currently Selected:
Israel Kan 56: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
