Israel Kan 42
42
TEZEPALEK 2
Kanamkamaŋ inan. Kora inan ai nadin Maskil.
1Isi san ujan moklon nazoi
jaeŋ funiime egin,
megin, O Anut, owoi
nitug jaeŋ funiime.
2Nitug Anutoi nazoi egin imat,
Anut basoi.
Saŋeptap ŋalap
Anut inan naon ŋenasiwoi?
3Ad tidom mai
melaug me ŋainag anaŋ egin,
meginmeg tamol gaid depaiag,
Oina Anut ŋan?
4Ŋa ŋainag bubeg beŋten ŋenaumeg
ŋa abaŋ e ilog isou:
ŋa get tamolai malan ujanujan maig atozge
wozou asaeg ŋa ŋamugge ŋedauzig
muguzuŋlon peznen kanam abimeg ale,
malan ujan me ubou denasilak me ilog isou.
5O nitug, dodinge o jau tea,
dodinge iloglon uzezume?
Anutoi suzuazoupe, ŋa faun te biŋan ŋibisawoilakoi,
ŋa inag dinek, ŋa inag Anut mai.
6Nitug iloglon alanime,
mewoi ŋa Jordan fatulonge,
Hermonnenge, did Misarnen maig
owoi ilog isou.
7Naz lululeklon liŋan gauz inaumeg
betabet ta betabet aenta ipaiime;
oina kizikoz mas pisinek mai
ŋa kekazaglak.
8Adlon Ujanzen inan ilopanek segatekdaŋan kibiai paniime;
tidomlon inan dug ŋa izignen ienime,
ŋainag basnen inan Anut ŋogodoaniŋame.
9Ŋa Anut, ŋainag pat, ŋepaiŋame,
Dodinge o ŋa ilo padallak?
Dodinge ŋa agez inan modoanekoi
ŋatameg ŋemadoŋame?
10Dai salan ŋamatnenoi tiniglon ienime egin,
inag daŋekgaz dizag dewaidime,
i gaid depaiag, dibol,
Oina Anut me ŋan?
11Nitug, o dodinge jau tea,
dodinge iloglon uzezume?
Anutlon suzuazoupe, ŋa faun te biŋan ŋibisawoi,
ŋainag dinek, ŋainag Anut mai.
Currently Selected:
Israel Kan 42: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 42
42
TEZEPALEK 2
Kanamkamaŋ inan. Kora inan ai nadin Maskil.
1Isi san ujan moklon nazoi
jaeŋ funiime egin,
megin, O Anut, owoi
nitug jaeŋ funiime.
2Nitug Anutoi nazoi egin imat,
Anut basoi.
Saŋeptap ŋalap
Anut inan naon ŋenasiwoi?
3Ad tidom mai
melaug me ŋainag anaŋ egin,
meginmeg tamol gaid depaiag,
Oina Anut ŋan?
4Ŋa ŋainag bubeg beŋten ŋenaumeg
ŋa abaŋ e ilog isou:
ŋa get tamolai malan ujanujan maig atozge
wozou asaeg ŋa ŋamugge ŋedauzig
muguzuŋlon peznen kanam abimeg ale,
malan ujan me ubou denasilak me ilog isou.
5O nitug, dodinge o jau tea,
dodinge iloglon uzezume?
Anutoi suzuazoupe, ŋa faun te biŋan ŋibisawoilakoi,
ŋa inag dinek, ŋa inag Anut mai.
6Nitug iloglon alanime,
mewoi ŋa Jordan fatulonge,
Hermonnenge, did Misarnen maig
owoi ilog isou.
7Naz lululeklon liŋan gauz inaumeg
betabet ta betabet aenta ipaiime;
oina kizikoz mas pisinek mai
ŋa kekazaglak.
8Adlon Ujanzen inan ilopanek segatekdaŋan kibiai paniime;
tidomlon inan dug ŋa izignen ienime,
ŋainag basnen inan Anut ŋogodoaniŋame.
9Ŋa Anut, ŋainag pat, ŋepaiŋame,
Dodinge o ŋa ilo padallak?
Dodinge ŋa agez inan modoanekoi
ŋatameg ŋemadoŋame?
10Dai salan ŋamatnenoi tiniglon ienime egin,
inag daŋekgaz dizag dewaidime,
i gaid depaiag, dibol,
Oina Anut me ŋan?
11Nitug, o dodinge jau tea,
dodinge iloglon uzezume?
Anutlon suzuazoupe, ŋa faun te biŋan ŋibisawoi,
ŋainag dinek, ŋainag Anut mai.
New Testament published by the British and Foreign Bible Society in 1960. Genesis published by the Australian Bible Society in 1971.