Israel Kan 21
21
Kanamkamaŋ inan. Dawid inan kanam.
1Ujazen, oina tiwolon kiŋ zigeime;
ina anen idunen sinan i gauz zigeime!
2Abaŋ mewoi buben jaeŋ sufutanilak me o i pani,
fiziŋon inan gadiŋ o so pizianilak. Sela
3O kibine gauaimeg i mai naon tazetazeame;
o lilitkubel golddaŋan gatenlak unauume.
4Bas madoknenoi igodge o i panilak,
nal melaen sansanpe.
5O i dinimeglon i biŋan ujandaŋan;
kubel zen sutan nauk mai o panilak.
6Au, o kibineg i dedeŋanig patun mok isag madoime;
o i maig amademeg ilon gauaige o jaun panilak.
7Kiŋ i Ujanzen inau panilakoi;
Sutan Mok inan ilopanek segatekdaŋanlon kiŋ so sazizoi.
8Oina nima dubudabpa oina agez daŋan iaboi;
oina nima waŋ i me o dumugunodime itit iloi.
9O unaup i ja ujan egin niniawoi,
o utasemap.
Ujanzen inan buzun kekazunlon itoŋoloi,
ja i nefaza pasiwoi.
10O nunudingaz pitiŋinap tanlak meladin teaboi,
i mai tubudin teaboi.
11I o dunuo alanoi kankantap,
salan nauk ta nean denaup i denaunen so diloŋoi.
12O unaupa i diauwoi;
o oina fi jaep dumudin usaewoi.
13Ujazen tiwolon bisiop mado!
am kanam abip tiwooi mai kalel abiwoi.
Currently Selected:
Israel Kan 21: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
