Israel Kan 14
14
Kanamkamaŋ inan. Dawid inan kanam.
1Tamol gedagad bubenlon ibol,
Anut ta so madoime.
I demaulak, nauknauk salan mok denaudime,
tata abaŋ gauai ta so inauime.
2Ujanzen didlonge tamol nunudingaz deleŋanaime,
tata ilon kagindaŋan ditozdime me iloilakoi,
Anut debezanidime me.
3I daŋan dezegailak, megin mon daŋan demaulak;
tata kagin gauai ta so inauime,
taimon ta mai tea.
4I diloŋnen tea, salannauk inan tamol daŋan,
me ŋainag tamolpain sepalaŋ egin dianidime,
Ujanzen bo so dewagidime?
5Men i dizut dizeznen ujanlon demadowoi,
Anut i taozgaz nadin wozou maig demadodimelakoi.
6Aŋ tamol waiz inan ilon gazek kubuli paniwoi anauame,
ge Ujanzen i inan seafuknen.
7O Israel nadin putudinpaseknen Sionlonpa isopes!
Ujanzen inan tamolpain nadin abaŋ faun kibine pinidinmap,
Jakob zigewoi, Israel jaun isawoi.
Currently Selected:
Israel Kan 14: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
