Israel Kan 135
135
1Ujanzen kalel apani.
Ujanzen nean kalel apani,
Ujanzen inan begabeg, aŋ kalel abip apani,
2Aŋ me Ujanzen inan ablon atiuzame,
inad Anut inan ab damondamonlon!
3Ujanzen kalel apani, Ujanzen i gauailakoi;
inan neanoi dug abi, i kanimdaŋanlakoi!
4Ujanzen i sibenoi Jakob pilianilak,
Israel inan fun egin iŋale.
5Ujanzen i ujan me ŋaloŋlak,
inad Ujanzen i tibud aenta daŋan nenaza.
6Ujanzen inauwoi ibolime me inauime,
didlon tanlak mai,
mas betabet daŋanlon mai.
7Ŋan i inaug uitaen tan wadannen ditasadime,
ui inan lelei mai inauime,
inan abenlonge tim mai inaug iduime.
8Ŋan i Egipta nadin ai matu ifulak,
tamol dazuk mai nadin matu;
9i me o ilonnen, O Egipta,
bagoz maŋaumaŋau mai inaulak,
Farao, inan begabeg daŋan mai leŋadinlon.
10I me panu kuzum ifulak,
kiŋ tiwodindaŋan mai siadinlak,
11Sihon, Amorgaz nadin kiŋ,
Og, Bazan inan kiŋ,
Kanaan fatu inan kiŋdom daŋan mai,
12inadin tan me fuzan ipinidin,
au, inan tamolpainbadim Israel ipinidinlak.
13O Ujazen, oina nea dedeŋanipnen,
O Ujazen, oina biŋa me saen tezepalek daŋanlon ienlalonoi.
14Ujanzen inan tamolpainbadim nadin azu tiduk inaup itasawoi,
inan begabeg nadin alanoi i teŋaen alanoi.
15Panupanuwain nadin mazoz me silwer gold mon mai,
tamol nimadin inan uzat.
16I auadindaŋan, ge azu so dibol,
i meladindaŋan, ge abaŋ so denasi,
17i tiliŋadindaŋan, ge azu so diloŋ,
auadinlon jaeŋ mai so ien.
18Mazoz deteŋanidime i mazoz mai dikolŋan!
Es, daŋan me i denau dipinidindime megin.
19O Israelbadim, Ujanzen ikibine!
O Aronbadim Ujanzen ikibine!
20O Lewibadim, Ujanzen ikibine!
Aŋ me Ujanzenoi azutame, Ujanzen ikibine!
21Sionlonpa Ujanzen patun isap madowoi,
i me Jerusalemnen madoime!
Ujanzen kalel apani!
Currently Selected:
Israel Kan 135: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
