Israel Kan 132
132
Tet inan kanam.
1O Ujazen, Dawid mado gauaioi ilo isou,
abaŋ muzuan i joazelak menen;
2i Ujanzen Malik e ipailak me,
Jakob inan Ujanzen Tiwondaŋan azu malik ipailak,
3Ŋa inag ablon so ŋadulawoi,
ŋainag badimlak so ŋaenoi;
4ŋa malag wonoŋlon so matutoi,
malag siliŋon kin so ienoi,
5ŋa Ujanzen inan aben ŋenasimap eginmap,
au, Jakob inan Ujanzen Tiwondaŋan inan madoknen aben.
6Anasi, id Efratanen menen taloŋlak,
Jaar umlon telaŋaige tenasi.
7Inan madoknen abenlon talaŋan;
inan nien satuklon sibiniadpa tagodoi!
8Umaispa, Ujazen, oina madoknen abenlon ula,
o oina tiwo inan temaneknen kunup mai.
9Oina waliŋgaz taoz dunulap ditozoi,
oina gungaz judinlon muguzuŋ denauwoi.
10Oina begabeg Dawidoi
o oina buzugusekwain inan naon so feani mon.
11Ujanzen Dawid azu Malik mok ipailak,
me faun bitinen tea:
Oina daz inan ai ta
ŋa oina pezatiulak ŋenauwoi.
12Oina ai ŋainag temaneknen sigianek mai
me ŋa ŋepeteŋanawoi me dagom depanimap,
inadin ai mai dedeŋanipnen
oina pezatiulak demataloi.
13Ujanzen Sion pilianilak;
i melak madowoi, ibol:
14E me ŋainag madoknen aben sansanpe;
elak ŋemadowoi, mewoi bubeg ibollak.
15Inan abaŋ gauai ŋikibinep ŋipinidinoi;
inan waizgaz sepalaŋ ŋipinidinoi.
16Inan waliŋtamol patunisanen nulap ŋipinidinoi,
inan gungaz judindaŋan muguzuŋ denauwoi.
17Melak ŋa Dawidoi fai ta ŋenaup isawoi;
ŋa inag buzugusekwainoi sul ta ŋikibinelak.
18Inan agez ŋa mamai ŋunulap ŋipinidinoi,
ge i siben tininlak lilitekkubel inan lelei lelamanoi.
Currently Selected:
Israel Kan 132: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
