Israel Kan 107
107
TEZEPALEK 5
1Ujanzen i gauailakoi aŋ pez apani;
inan ilopanek segatekdaŋan me dedeŋanipnen!
2Ujanzen idad iŋallak me megin diboloi,
me i alannauklonge idad iŋallak me,
3kazag baŋen, jauzti,
doloau jauan baŋen mailonge
i iŋal temanalak me.
4Aenta i fatu udaulon ditozse ditozle,
panu demadonen inan dal ta so denasi;
5Pitol ifug nazoi dimat maig,
tinidin bodo ibol.
6Meginge i nadin alanlon Ujanzen dewagig
i nadin alanlonge tataz iŋal.
7I dal tiduklon idauzig
i madoknen panulon ditaseg eginmeg.
8Ujanzen inan ilonpanek segatekdaŋanoi i pez depaniŋan,
tamolaioi nauknauk kubel inaulak menen.
9Me i nazoi imat me naz paniime,
pitol funiime me abaŋ gauai paniime.
10Aenta i mafuz kisikas metalunlon mai dematal,
sebanek alanlon pineklon mai demadelak.
11I Anut inan azu liwon diabilakoi,
Latnen Mok inan kibiaioi fiziŋodin dusuni.
12Uzat gegaunlon bubudin magoz;
i dibal didug ta so anedin idu.
13Meginge i nadin alanlon Ujanzen dewagig
i nadin modoaneklon tataz iŋal.
14I mafuz kisikas metalun mailonge idauzig
tinidin depaulak me ipas.
15Ujanzen inan ilopanek segatekdaŋan pez depaniŋan,
tamolaioi nauknauk kubel inaulak menen.
16I dalauan bronslon dikibinelak pitiŋiniime,
kem inan bubu i gusutaime.
17Aenta nadin kagin salan sinan maiai ifu,
nadin nauk salanoi alan denaug demade.
18Anaŋ daŋan sizidin isa,
mateŋ inan dalauan siziz depani.
19Nadin alanlon i Ujanzen dewagig
i nadin alanlonge tataz iŋal.
20I inan azu inau idug kibinia,
tataz iŋalge i so depadal.
21I inan ilopanek segatekdaŋanoi Ujanzen pez depaniŋan,
tamolaioi nauknauk kubel inaulak menen!
22I pez paneknen ja denauŋan,
zigieknen kanamlon inan nauknaukoi diboloi.
23Aenta maslon didug waglon ditoz,
mas naz ujanlon dadeŋ uzat denau;
24i Ujanzen inan nauknauk denasi,
nauknauk kubel betabetlon inaulak me.
25I ibolge tim imaisge faze,
mas inan kizikoz kukudi.
26Kizikoz did dumuzumuzig tiglon didu,
nadin zoazuklon bubudin iau.
27Tamol aiu ifulak egin gojogoja dibol,
meladin kadumge demade.
28Meginge nadin alanlon i Ujanzen dewagig
i nadin modoaneklon tataz iŋal.
29I inaug tim me imat,
mas inan kizikoz me to dibol.
30Meginge i maninoi ladin gauai,
i idauzig i lipan dilawoi dibollak melon didu.
31I Ujanzen inan ilopanek segatekdaŋanoi pez depaniŋan,
tamolaioi inan nauknauk kubel inaulak menen!
32Tamolpain nadin medaeŋlon i biŋan dibisaŋan,
matugaz nadin temaneklon nean disigianiwoi.
33I naz ibulig tan kazak inauime,
naz bubuaik me tan kekakak inau,
34tan anaŋ gauzlak me waetaen toani,
inan tamolpain sladinlakoi.
35Fatu udau inaug uilon wililuk itase,
tan kazaklon naz bubuaik ditase.
36I inauge pitol ifulak melak demadodime,
i panu madoknen men deŋaledime.
37I fabulpatun desezane, greip um mai depaedime,
niŋon kuzum diŋal.
38Inan bazlon daz kuzumime;
i inaup nadin dazuk mai teabnen tea.
39Aenta i meladin teap aenta alan denaumap
modoanek, alannauk bubudin salanlon mai,
40kiŋ nadin ai fodinlak dizawaik waliime,
i inaug fatu salan dal tealak melon ditozse ditozladime.
41Ge waizgaz i alannauklonge bisiadinime,
inadin samungaz i belelek pifoldaŋan egin inauime.
42Tiduk ditozdime me denasip ladin gauai,
salannauk daŋan siben auan butuniime.
43Tata i ilon kaginkagindaŋan i abaŋ e dab paniwoi;
tamol Ujanzen inan ilopanek segatekdaŋan me ladin kankanoi.
Currently Selected:
Israel Kan 107: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 107
107
TEZEPALEK 5
1Ujanzen i gauailakoi aŋ pez apani;
inan ilopanek segatekdaŋan me dedeŋanipnen!
2Ujanzen idad iŋallak me megin diboloi,
me i alannauklonge idad iŋallak me,
3kazag baŋen, jauzti,
doloau jauan baŋen mailonge
i iŋal temanalak me.
4Aenta i fatu udaulon ditozse ditozle,
panu demadonen inan dal ta so denasi;
5Pitol ifug nazoi dimat maig,
tinidin bodo ibol.
6Meginge i nadin alanlon Ujanzen dewagig
i nadin alanlonge tataz iŋal.
7I dal tiduklon idauzig
i madoknen panulon ditaseg eginmeg.
8Ujanzen inan ilonpanek segatekdaŋanoi i pez depaniŋan,
tamolaioi nauknauk kubel inaulak menen.
9Me i nazoi imat me naz paniime,
pitol funiime me abaŋ gauai paniime.
10Aenta i mafuz kisikas metalunlon mai dematal,
sebanek alanlon pineklon mai demadelak.
11I Anut inan azu liwon diabilakoi,
Latnen Mok inan kibiaioi fiziŋodin dusuni.
12Uzat gegaunlon bubudin magoz;
i dibal didug ta so anedin idu.
13Meginge i nadin alanlon Ujanzen dewagig
i nadin modoaneklon tataz iŋal.
14I mafuz kisikas metalun mailonge idauzig
tinidin depaulak me ipas.
15Ujanzen inan ilopanek segatekdaŋan pez depaniŋan,
tamolaioi nauknauk kubel inaulak menen.
16I dalauan bronslon dikibinelak pitiŋiniime,
kem inan bubu i gusutaime.
17Aenta nadin kagin salan sinan maiai ifu,
nadin nauk salanoi alan denaug demade.
18Anaŋ daŋan sizidin isa,
mateŋ inan dalauan siziz depani.
19Nadin alanlon i Ujanzen dewagig
i nadin alanlonge tataz iŋal.
20I inan azu inau idug kibinia,
tataz iŋalge i so depadal.
21I inan ilopanek segatekdaŋanoi Ujanzen pez depaniŋan,
tamolaioi nauknauk kubel inaulak menen!
22I pez paneknen ja denauŋan,
zigieknen kanamlon inan nauknaukoi diboloi.
23Aenta maslon didug waglon ditoz,
mas naz ujanlon dadeŋ uzat denau;
24i Ujanzen inan nauknauk denasi,
nauknauk kubel betabetlon inaulak me.
25I ibolge tim imaisge faze,
mas inan kizikoz kukudi.
26Kizikoz did dumuzumuzig tiglon didu,
nadin zoazuklon bubudin iau.
27Tamol aiu ifulak egin gojogoja dibol,
meladin kadumge demade.
28Meginge nadin alanlon i Ujanzen dewagig
i nadin modoaneklon tataz iŋal.
29I inaug tim me imat,
mas inan kizikoz me to dibol.
30Meginge i maninoi ladin gauai,
i idauzig i lipan dilawoi dibollak melon didu.
31I Ujanzen inan ilopanek segatekdaŋanoi pez depaniŋan,
tamolaioi inan nauknauk kubel inaulak menen!
32Tamolpain nadin medaeŋlon i biŋan dibisaŋan,
matugaz nadin temaneklon nean disigianiwoi.
33I naz ibulig tan kazak inauime,
naz bubuaik me tan kekakak inau,
34tan anaŋ gauzlak me waetaen toani,
inan tamolpain sladinlakoi.
35Fatu udau inaug uilon wililuk itase,
tan kazaklon naz bubuaik ditase.
36I inauge pitol ifulak melak demadodime,
i panu madoknen men deŋaledime.
37I fabulpatun desezane, greip um mai depaedime,
niŋon kuzum diŋal.
38Inan bazlon daz kuzumime;
i inaup nadin dazuk mai teabnen tea.
39Aenta i meladin teap aenta alan denaumap
modoanek, alannauk bubudin salanlon mai,
40kiŋ nadin ai fodinlak dizawaik waliime,
i inaug fatu salan dal tealak melon ditozse ditozladime.
41Ge waizgaz i alannauklonge bisiadinime,
inadin samungaz i belelek pifoldaŋan egin inauime.
42Tiduk ditozdime me denasip ladin gauai,
salannauk daŋan siben auan butuniime.
43Tata i ilon kaginkagindaŋan i abaŋ e dab paniwoi;
tamol Ujanzen inan ilopanek segatekdaŋan me ladin kankanoi.
New Testament published by the British and Foreign Bible Society in 1960. Genesis published by the Australian Bible Society in 1971.