Israel Kan 106
106
1Ujanzen kalel apani!
Ujanzen pez apani, i gauailakoi;
inan ilopanek segatekdaŋan me dedeŋanipnen!
2It Ujanzen inan nauknauk ujan ibolnen iloŋ,
it inan kalel daŋan beŋten inaunen iloŋ?
3Putudin isap me azu detali tidukdime,
me i saen daŋanlon kagin taozlon ditozdime!
4O Ujazen, ŋawoi ilo isou, o oina tamolpainbadim zidinnen lo udumap;
o i tataz uŋalmap ŋa dinagpe;
5meginpe ŋa oina pilianekgaz nadin madoknen gauai ŋenasiwoi
oina tamolpainbadim inan jaunlon zigiagoi,
oina fuzagaz maip auama fezafuzoi.
6Id, idinad mamgaz mai autapaslak;
id tenau salanlak, id Anut mai so takol.
7Idinad mamgaz Egiptanen demademeg,
i oina nauknauk kubel dab so depanilak;
i oina ilopanek segatekdaŋan dadon isaknen me ladin so isou,
ge Sutan Mok Mas Dazan izinnen liwon diabi.
8I bo siben neanoi putudin pasi,
inan tiwon zen boboloaniwoilakoi.
9I Mas Dazan bebanig kaza ibol;
i betabet mon fatu udaulon egin idauzi.
10Megin i daŋek inan nimanlonge patun pasilak,
agez tiwonlonge tetazi ŋalelak.
11Naz daŋekgaz dotoanalak;
taimon ta malan tea.
12Meginge i inan azu ladinlon malik,
i iwoi kalel diabi.
13Ge i kin pasak inan nauknauk ladin padal;
inan kibiai malan so denau.
14Ge fatu udaulon bulases denaug anaŋoi jaeŋ sufutana alan,
udaulon Anut dikibiani.
15I dibollak me ipinidin,
ge maiai salan mai i leŋadinlon inaug idu.
16Nadin panulon tamol ta Moses Aronoi mai
Anut inan gunoi jenaidin isuig
17tan gageg Datan teŋalig
Abiram inan wozou toana.
18Nadin wozoulon ja mai itase;
jabalen salanbibiangaz nana pasi.
19Bulmakau nanun Horebnen deteŋani,
mazoz dewaelak naonnen dibal didug digod.
20Anut inan kubel abenlon bulmakau
kebasik janiime inan nitun denau.
21I Anut, nadin Patunpaseknen, ladin padal,
i me Egiptanen abaŋ ujan inaulak me,
22Ham inan fatulon kubelmaŋau inaulak,
Mas Dazan izinnen abaŋ iben mok inaug dizutlak.
23Mewoi i inaup depadaloi ibol —
Moses, i pilianilak,
liluŋlon Anut naonnen
buzun so feanipe i megin inaupe.
24Meginge i fatu gauai dezezeŋani,
inan blani panek ladinlon so malikmeg.
25Nadin tazaslon duŋuzuz,
Ujanzen inan auan dagom so depani.
26Mewoi i inan niman biseg Malik e ibol,
i inaup i fatu udaulon dibal diduwoi.
27Nadin begazadingaz panupanulon pezezeŋanewoi,
fatufatulon siziniawoi.
28Meginge i Peor inan Baal mai detemani,
ja ses dimatlak iwoi denaulak mudan menen i diani.
29I denau denaumeglon Anut buzun depanig
maiai salan i ilonnen itase.
30Meginge Pinehas liluŋlon imais igodge
maiai salan me bini.
31Me kagin taoz e Anut ibol,
daz uzeklonpa uzek talon dedeŋanipnen.
32Meriba nazlon mai buzun depanig,
Moses iwoi inau alan;
33i denaulak melon ilon alange
i azulon zegailak.
34I fatu menwain so difug dimatlak,
Ujanzen ibollak egin,
35tea, i panupanu mai depeleŋana,
i denaulak me duzi depani.
36Nadin mazoz bian depalug
nadin amaglon didule.
37Nadin ai aipain mai ja denaug
buga sladin dipinidin;
38i daz tininnen tea me dewalig,
nadin ai aipain mai nadin daz,
me i Kanaan inan tibud ja denaug dipinidinmeg
tan me dazlon foa depanilak.
39Meginge i nadin nauknauklon foadaŋan,
nadin nauklon i jaitpain deteŋani.
40Ujanzen inan tamolpainbadimoi buzun isa,
i inan fuzanoi sizin isa;
41I panupanuwain nimadinlon inau,
meginge me i dezezeŋanalak i kibiai pinidin.
42Nadin agez i domodoana,
i nadin tiwodin paenlon demade.
43Saen kin kuzum i tataz iŋal,
ge i nadin kankanlon Anut liwon diabig
i nadin zegaik sinan gauai so demade.
44I bo nadin alan dab ipani,
nadin tiŋia iloŋmeg.
45I iwoi inan temaneknen ilon isou,
inan ilopanek segatekdaŋan zen buzun ibini.
46I inaug panupanuwain i desebanalak
me iwoi teŋeadin alan.
47O Ujazen, amnama Anut, putuma pasipe,
panupanu leŋadinlonpa ŋiliamaŋan
meginpe am oina nea gun pez apaniwoi,
oina kaleloi auama fezafuzoi.
48Patun isap Ujanzen, Israel nadin Anut,
dedeŋanip dedeŋanipnen!
Tamolai daŋan diboloi, Malik!
Ujanzenoi kalel abi.
Currently Selected:
Israel Kan 106: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Israel Kan 106
106
1Ujanzen kalel apani!
Ujanzen pez apani, i gauailakoi;
inan ilopanek segatekdaŋan me dedeŋanipnen!
2It Ujanzen inan nauknauk ujan ibolnen iloŋ,
it inan kalel daŋan beŋten inaunen iloŋ?
3Putudin isap me azu detali tidukdime,
me i saen daŋanlon kagin taozlon ditozdime!
4O Ujazen, ŋawoi ilo isou, o oina tamolpainbadim zidinnen lo udumap;
o i tataz uŋalmap ŋa dinagpe;
5meginpe ŋa oina pilianekgaz nadin madoknen gauai ŋenasiwoi
oina tamolpainbadim inan jaunlon zigiagoi,
oina fuzagaz maip auama fezafuzoi.
6Id, idinad mamgaz mai autapaslak;
id tenau salanlak, id Anut mai so takol.
7Idinad mamgaz Egiptanen demademeg,
i oina nauknauk kubel dab so depanilak;
i oina ilopanek segatekdaŋan dadon isaknen me ladin so isou,
ge Sutan Mok Mas Dazan izinnen liwon diabi.
8I bo siben neanoi putudin pasi,
inan tiwon zen boboloaniwoilakoi.
9I Mas Dazan bebanig kaza ibol;
i betabet mon fatu udaulon egin idauzi.
10Megin i daŋek inan nimanlonge patun pasilak,
agez tiwonlonge tetazi ŋalelak.
11Naz daŋekgaz dotoanalak;
taimon ta malan tea.
12Meginge i inan azu ladinlon malik,
i iwoi kalel diabi.
13Ge i kin pasak inan nauknauk ladin padal;
inan kibiai malan so denau.
14Ge fatu udaulon bulases denaug anaŋoi jaeŋ sufutana alan,
udaulon Anut dikibiani.
15I dibollak me ipinidin,
ge maiai salan mai i leŋadinlon inaug idu.
16Nadin panulon tamol ta Moses Aronoi mai
Anut inan gunoi jenaidin isuig
17tan gageg Datan teŋalig
Abiram inan wozou toana.
18Nadin wozoulon ja mai itase;
jabalen salanbibiangaz nana pasi.
19Bulmakau nanun Horebnen deteŋani,
mazoz dewaelak naonnen dibal didug digod.
20Anut inan kubel abenlon bulmakau
kebasik janiime inan nitun denau.
21I Anut, nadin Patunpaseknen, ladin padal,
i me Egiptanen abaŋ ujan inaulak me,
22Ham inan fatulon kubelmaŋau inaulak,
Mas Dazan izinnen abaŋ iben mok inaug dizutlak.
23Mewoi i inaup depadaloi ibol —
Moses, i pilianilak,
liluŋlon Anut naonnen
buzun so feanipe i megin inaupe.
24Meginge i fatu gauai dezezeŋani,
inan blani panek ladinlon so malikmeg.
25Nadin tazaslon duŋuzuz,
Ujanzen inan auan dagom so depani.
26Mewoi i inan niman biseg Malik e ibol,
i inaup i fatu udaulon dibal diduwoi.
27Nadin begazadingaz panupanulon pezezeŋanewoi,
fatufatulon siziniawoi.
28Meginge i Peor inan Baal mai detemani,
ja ses dimatlak iwoi denaulak mudan menen i diani.
29I denau denaumeglon Anut buzun depanig
maiai salan i ilonnen itase.
30Meginge Pinehas liluŋlon imais igodge
maiai salan me bini.
31Me kagin taoz e Anut ibol,
daz uzeklonpa uzek talon dedeŋanipnen.
32Meriba nazlon mai buzun depanig,
Moses iwoi inau alan;
33i denaulak melon ilon alange
i azulon zegailak.
34I fatu menwain so difug dimatlak,
Ujanzen ibollak egin,
35tea, i panupanu mai depeleŋana,
i denaulak me duzi depani.
36Nadin mazoz bian depalug
nadin amaglon didule.
37Nadin ai aipain mai ja denaug
buga sladin dipinidin;
38i daz tininnen tea me dewalig,
nadin ai aipain mai nadin daz,
me i Kanaan inan tibud ja denaug dipinidinmeg
tan me dazlon foa depanilak.
39Meginge i nadin nauknauklon foadaŋan,
nadin nauklon i jaitpain deteŋani.
40Ujanzen inan tamolpainbadimoi buzun isa,
i inan fuzanoi sizin isa;
41I panupanuwain nimadinlon inau,
meginge me i dezezeŋanalak i kibiai pinidin.
42Nadin agez i domodoana,
i nadin tiwodin paenlon demade.
43Saen kin kuzum i tataz iŋal,
ge i nadin kankanlon Anut liwon diabig
i nadin zegaik sinan gauai so demade.
44I bo nadin alan dab ipani,
nadin tiŋia iloŋmeg.
45I iwoi inan temaneknen ilon isou,
inan ilopanek segatekdaŋan zen buzun ibini.
46I inaug panupanuwain i desebanalak
me iwoi teŋeadin alan.
47O Ujazen, amnama Anut, putuma pasipe,
panupanu leŋadinlonpa ŋiliamaŋan
meginpe am oina nea gun pez apaniwoi,
oina kaleloi auama fezafuzoi.
48Patun isap Ujanzen, Israel nadin Anut,
dedeŋanip dedeŋanipnen!
Tamolai daŋan diboloi, Malik!
Ujanzenoi kalel abi.
New Testament published by the British and Foreign Bible Society in 1960. Genesis published by the Australian Bible Society in 1971.