Israel Kan 101
101
Dawid inan kanam ta.
1Ŋa sipinek kaginoi talek tidukoi mai ŋaboloi;
O Ujazen, ŋa owoi dug ŋabiwoi.
2Dal ja teanen dab ŋepaniwoi.
O saŋeptap izignen usowoi?
Ŋa bubeg taimondaŋan ŋatozoi
ŋainag ablon.
3Abaŋ salan ta malaglon
so ŋenaup ienoi.
Miz depanig ditozdime nadin uzat ŋezezeŋani;
inadin kagin so biagoi.
4Buben gisigas me ŋibitip ibennen ienoi;
abaŋ salan ŋa dab so ŋepaniwoi.
5I me kukumkukum inan mudubanoi uf inauime
me ŋa ŋenaup padaloi.
Tamol malan latnen buben gisigas mai ŋa ŋibitip i so madowoi.
6Tamol fatulon bubudin malikge demadodime me fodinlak naog leleiwoi;
meginpe i ŋa maip temadowoi;
i me dal ja tealak melon itozime
i biag paluwoi.
7Tamol ta i sekauk inaug itozime
i ŋainag ablon so madowoi;
tamol ta i azu sekauk ibolime,
i izignen gaid so madowoi.
8Bomon uziuzip ŋa tamolai nadin fatulon
salanbibian daŋan ŋipitiŋinawoi,
salannaukgaz daŋan ŋugusutap
Ujanzen inan panu melon.
Currently Selected:
Israel Kan 101: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
