Markus 6
6
Nasaretnen i Jesus demeselani
1Jesus menge ileg inan mezaunfatulon itase, inan meglaum mai i duzig dile. 2Ubounal idug Jesus ubouablon azu fun flaleg pinidin. Kuzum inan auan diloŋge i meladin kebazange dibol, Maŋau e daŋan i domten iŋale, ilon kaginkagin dodin mon i panilak? Tiwon aitlon abaŋ iben mok inauime!#Joh 7:15 3I sasekkamaŋ tea tat, Maria inan ai, Jakobus, Joses, Judas Simon mai tidin? Inan liun id izidnen so tat demadodime? I iwoi ladin bebaze. 4Jesus i pidin, Profet i mezaunfatulon mon biŋan tea. Profet bo biŋandaŋan, ge inan taintauangaz zidinnen, samungaz ilonlon mai tea. 5I melak tiwon sinan nauknauk ta inaunen so iloŋ, tea, maiaidaŋan taitai mon fodinlak niman inaug kibinia.#Mar 6:13 6I ladinlon so maliklakoi i ilon inau lo teag funi. I panupanu lilitig itozge kagin azu peteŋana.#Mat 8:10
Jesus inan totol twelf uzat pinidin
7Jesus ai twelf wigidinge kagin ta fun inaug totol azauzu inaug dile. I uzgataf nadin getadin denaup demadowoi pinidin. 8I pidin i tazeŋlon abaŋ ta so debezauwoi, tea, tok mon, ge sepalaŋ tea, badam tea, gaŋmalan inan badam tea. 9Ge nienaten didizlawoi. I ibol, Sino azugen so unule mon. 10I pidin, Aŋ ab talak adusemap aŋ melak amado, panu me ibinip alemap eginmap. 11Aben talon i aŋ so diŋiliaŋmap, nami azu dab so depanaŋtap, aŋ alemap peneŋanekoi niemi inan kulukal ututep ipinidin. 12I dimaisge dileg tulufunek didaŋsanenoi azu dibol. 13I buga sladin kuzum dukudua, kuzum maiaidaŋan me gazeŋlon dububunag dikibinia.#Jak 5:14, 15
Flaneknen Johanes imat
14Kiŋ Herodes biŋ iloŋ, daŋan mug Jesus inan nean diloŋlakoi. Aenta dibol, Flaneknen Johanes mateŋlonge fuŋunig imaislak, mewoi inan tininlon tiwon me uzat denaudime. 15Ge aenta dibol, I Elias. Aenta dibol, I profet ta, profet getnen ta egin. 16Ge Herodes azu me iloŋge i ibol, Johanes me ŋa klagun ŋugusutilak me fuŋunig imaislak. 17Herodes i Herodias, inan tain Filipus inan painoi, me i siben iŋalelak iwoi opas inauge Johanes diabig depaug sebaneklon inaulak. 18Johanes Herodes ipailakoi, O oina tai inan pain ŋalenen me kagin tea.#Lew 18:16 19Herodias i iwoi teŋaen alan, funip imatoige inaunen so iloŋ. 20Herodes Johanesoi izut, i iloŋ i tamol taoz gun mai, mewoi itizini. Herodes Johanes inan auan iloŋge ilon deladal, ge i inan azu iloŋoi imat. 21Ge Herodes inan nallon gatengazoi, opasgatenoi, Galilea fatu inan ujanujangazoi mai taz inaumeg dal itase.
22Herodias inan nanunpain idug dug itazig Herodes, inan mezazeŋgaz mai gamun ifu. Kiŋ aipain ipai, Abaŋtewoi tat, ilo ibolime me ubolpa ŋa ŋepanowoi. 23I ibol, Malik mok, segauz ubol, ŋainag kiŋdom won‐haf mai ŋepanonen ŋaloŋ.#Est 5:3, 6 24Aipain e ileg inan tinan ipai, Abaŋtewoi ŋaboloi? Tinan ibol, Flaneknen Johanes inan gatenoi ubolpe. 25I pasak kiŋ izinnen ileg igodge ipai, Ŋa ewoi ŋabol, O gazo e Flaneknen Johanes inan gaten tabizdaŋan panagoi. 26Kiŋ i teŋaen alan mok, ge stemanek azu ibollakoi, inan mezazeŋgazoi mai i aipain ipailak me ibitinen imoi.#Luk 18:23 27Kiŋ buntaimon tizinek daup inan opas ta inauge Johanes inan gaten ŋalep isowoi ipai. I ileg sebaneklon klagun gusutig. 28Inan gaten tabizlon ŋaleg iseg aipain pani. Aipain i inan tinan ipani. 29Meglaum diloŋge i diseg sesanun deŋaleg fedafodlon denau.
Jesus inan totol dimul
30Totolgaz i Jesus izinnen dimulge abaŋ daŋan i denaulak, azu i fun deflalelak me sai depani. 31Jesus ipidin, Fatu ibennen matonlon asop jaeŋ kin aŋale. Kuzum diso diladime, mewoi uzat kin bininen tea, anaŋ dianinen mai dal gauai tea.
Jesus 5000 fatua
32I waglon fatu udau ibennen dejaua. 33Tamolpain i dejauameg dil, kuzum me diloŋge panu me daŋanlonge niedin mon depalug dimugseg ditase. 34Jesus ibalge i tamolai malan ujan ilge i iwoi teŋaen alan, i belelek tizinek tealak eginlakoi. I imaisge azu kuzum ipeteŋana.#Mat 9:36; Num 27:17; Hesek 34:5 35Kin sufuni idumeg inan meglaum izinnen diseg depai, E me udau, saen get ile.#Mar 8:1–9 36O i unaup dilawoi, i fatu panupanu lilitig dien melon dilap i sebadinoi janeknen didadoi. 37Ge i auadin jabig ipidin, Aŋ janeknen pinidinpa. Ge i depai, Am alap siliŋ 200‐lon sepalaŋ adadpa ipinidinmap dianiwoi? 38Ge i pidin, Aŋ sepalaŋ pite? Alap anasi. I me diloŋmeg i dibol, Faif, ij azugen mai. 39I kibiai pinidin i daŋan wozou zazep demataloi, kebasik fonlak. 40Meginge malan ibeniben dematal, talon 100, talon 50. 41Jesus sepalaŋ faif ij azug mai wozai iŋalmeg didlak itadge baz panig bufateg tamolai dewae dipinidinoi meglaum pinidin. I ij azugen me mai tamolai ilonnen iwae.#Mar 7:34
42I daŋan dianig loadin didi. 43Nenamun dinonge ij inan maig sazeg 12 auannen.#Deut 18:5 44Sepalaŋ dianilak me tamol 5000.
Jesus mas atenlak itoz
45Jesus buntaimon inan meglaum seseŋanag waglak diduseg i dimugpa dil aentalon Betsaidanen dilawoi, i siben tamolai malan ujan inauge dilemeg imade. 46I Alao! pidinlag i godoaniwoi didlak iduse. 47Juzalon wag mas atenlak ien, i siben dilnen made. 48I dikoi lo teameg il, tim i diŋialakoi. Tidom kekazek alanlon Jesus mas atenlak itozge zidinnen itase. I nenazip ilawoi inau. 49Ge i Jesus naz atenlak itozmeg denasig i ladinlon dibol me buga, i dibob kekauk. 50I daŋan denasilakoi dizut gauai mok, tinidin ti ibol. Ge buntaimon i mai dikibiaige pidin, Segataŋpa amado, me ŋa sibeg, so azut mon! 51I zidinnen waglak iduseg tim me to ibol. Ge i ladinlon gauz dizut deladal.#Mar 4:39 52I sepalaŋoi fun so diloŋlakoi i bubudin se dadubge demade.
Jesus Genesaretnen ile
53I dedaialag i Genesaretnen laŋten pitiau detani. 54Waglakge tapas didug tamolai buntaimon Jesus diloŋ. 55I fatu me daŋanlon depaluse depaluleg, maiai ifulak me kapaldaŋan i aben domten tat madoime me diloŋge men debezanig diladime. 56I domten tat aben ibenibenlon itaseg, panu kiteklon, panu ujanlon, panu muzinnen dallak tat, melak i maiaigaz denaug i dogodoani, i Jesus inan jamel didin mon dititiwoi. Me i dititilag i daŋan ikibinia.#Mar 5:27, 28; Apos 5:15; 19:11
Currently Selected:
Markus 6: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 6
6
Nasaretnen i Jesus demeselani
1Jesus menge ileg inan mezaunfatulon itase, inan meglaum mai i duzig dile. 2Ubounal idug Jesus ubouablon azu fun flaleg pinidin. Kuzum inan auan diloŋge i meladin kebazange dibol, Maŋau e daŋan i domten iŋale, ilon kaginkagin dodin mon i panilak? Tiwon aitlon abaŋ iben mok inauime!#Joh 7:15 3I sasekkamaŋ tea tat, Maria inan ai, Jakobus, Joses, Judas Simon mai tidin? Inan liun id izidnen so tat demadodime? I iwoi ladin bebaze. 4Jesus i pidin, Profet i mezaunfatulon mon biŋan tea. Profet bo biŋandaŋan, ge inan taintauangaz zidinnen, samungaz ilonlon mai tea. 5I melak tiwon sinan nauknauk ta inaunen so iloŋ, tea, maiaidaŋan taitai mon fodinlak niman inaug kibinia.#Mar 6:13 6I ladinlon so maliklakoi i ilon inau lo teag funi. I panupanu lilitig itozge kagin azu peteŋana.#Mat 8:10
Jesus inan totol twelf uzat pinidin
7Jesus ai twelf wigidinge kagin ta fun inaug totol azauzu inaug dile. I uzgataf nadin getadin denaup demadowoi pinidin. 8I pidin i tazeŋlon abaŋ ta so debezauwoi, tea, tok mon, ge sepalaŋ tea, badam tea, gaŋmalan inan badam tea. 9Ge nienaten didizlawoi. I ibol, Sino azugen so unule mon. 10I pidin, Aŋ ab talak adusemap aŋ melak amado, panu me ibinip alemap eginmap. 11Aben talon i aŋ so diŋiliaŋmap, nami azu dab so depanaŋtap, aŋ alemap peneŋanekoi niemi inan kulukal ututep ipinidin. 12I dimaisge dileg tulufunek didaŋsanenoi azu dibol. 13I buga sladin kuzum dukudua, kuzum maiaidaŋan me gazeŋlon dububunag dikibinia.#Jak 5:14, 15
Flaneknen Johanes imat
14Kiŋ Herodes biŋ iloŋ, daŋan mug Jesus inan nean diloŋlakoi. Aenta dibol, Flaneknen Johanes mateŋlonge fuŋunig imaislak, mewoi inan tininlon tiwon me uzat denaudime. 15Ge aenta dibol, I Elias. Aenta dibol, I profet ta, profet getnen ta egin. 16Ge Herodes azu me iloŋge i ibol, Johanes me ŋa klagun ŋugusutilak me fuŋunig imaislak. 17Herodes i Herodias, inan tain Filipus inan painoi, me i siben iŋalelak iwoi opas inauge Johanes diabig depaug sebaneklon inaulak. 18Johanes Herodes ipailakoi, O oina tai inan pain ŋalenen me kagin tea.#Lew 18:16 19Herodias i iwoi teŋaen alan, funip imatoige inaunen so iloŋ. 20Herodes Johanesoi izut, i iloŋ i tamol taoz gun mai, mewoi itizini. Herodes Johanes inan auan iloŋge ilon deladal, ge i inan azu iloŋoi imat. 21Ge Herodes inan nallon gatengazoi, opasgatenoi, Galilea fatu inan ujanujangazoi mai taz inaumeg dal itase.
22Herodias inan nanunpain idug dug itazig Herodes, inan mezazeŋgaz mai gamun ifu. Kiŋ aipain ipai, Abaŋtewoi tat, ilo ibolime me ubolpa ŋa ŋepanowoi. 23I ibol, Malik mok, segauz ubol, ŋainag kiŋdom won‐haf mai ŋepanonen ŋaloŋ.#Est 5:3, 6 24Aipain e ileg inan tinan ipai, Abaŋtewoi ŋaboloi? Tinan ibol, Flaneknen Johanes inan gatenoi ubolpe. 25I pasak kiŋ izinnen ileg igodge ipai, Ŋa ewoi ŋabol, O gazo e Flaneknen Johanes inan gaten tabizdaŋan panagoi. 26Kiŋ i teŋaen alan mok, ge stemanek azu ibollakoi, inan mezazeŋgazoi mai i aipain ipailak me ibitinen imoi.#Luk 18:23 27Kiŋ buntaimon tizinek daup inan opas ta inauge Johanes inan gaten ŋalep isowoi ipai. I ileg sebaneklon klagun gusutig. 28Inan gaten tabizlon ŋaleg iseg aipain pani. Aipain i inan tinan ipani. 29Meglaum diloŋge i diseg sesanun deŋaleg fedafodlon denau.
Jesus inan totol dimul
30Totolgaz i Jesus izinnen dimulge abaŋ daŋan i denaulak, azu i fun deflalelak me sai depani. 31Jesus ipidin, Fatu ibennen matonlon asop jaeŋ kin aŋale. Kuzum diso diladime, mewoi uzat kin bininen tea, anaŋ dianinen mai dal gauai tea.
Jesus 5000 fatua
32I waglon fatu udau ibennen dejaua. 33Tamolpain i dejauameg dil, kuzum me diloŋge panu me daŋanlonge niedin mon depalug dimugseg ditase. 34Jesus ibalge i tamolai malan ujan ilge i iwoi teŋaen alan, i belelek tizinek tealak eginlakoi. I imaisge azu kuzum ipeteŋana.#Mat 9:36; Num 27:17; Hesek 34:5 35Kin sufuni idumeg inan meglaum izinnen diseg depai, E me udau, saen get ile.#Mar 8:1–9 36O i unaup dilawoi, i fatu panupanu lilitig dien melon dilap i sebadinoi janeknen didadoi. 37Ge i auadin jabig ipidin, Aŋ janeknen pinidinpa. Ge i depai, Am alap siliŋ 200‐lon sepalaŋ adadpa ipinidinmap dianiwoi? 38Ge i pidin, Aŋ sepalaŋ pite? Alap anasi. I me diloŋmeg i dibol, Faif, ij azugen mai. 39I kibiai pinidin i daŋan wozou zazep demataloi, kebasik fonlak. 40Meginge malan ibeniben dematal, talon 100, talon 50. 41Jesus sepalaŋ faif ij azug mai wozai iŋalmeg didlak itadge baz panig bufateg tamolai dewae dipinidinoi meglaum pinidin. I ij azugen me mai tamolai ilonnen iwae.#Mar 7:34
42I daŋan dianig loadin didi. 43Nenamun dinonge ij inan maig sazeg 12 auannen.#Deut 18:5 44Sepalaŋ dianilak me tamol 5000.
Jesus mas atenlak itoz
45Jesus buntaimon inan meglaum seseŋanag waglak diduseg i dimugpa dil aentalon Betsaidanen dilawoi, i siben tamolai malan ujan inauge dilemeg imade. 46I Alao! pidinlag i godoaniwoi didlak iduse. 47Juzalon wag mas atenlak ien, i siben dilnen made. 48I dikoi lo teameg il, tim i diŋialakoi. Tidom kekazek alanlon Jesus mas atenlak itozge zidinnen itase. I nenazip ilawoi inau. 49Ge i Jesus naz atenlak itozmeg denasig i ladinlon dibol me buga, i dibob kekauk. 50I daŋan denasilakoi dizut gauai mok, tinidin ti ibol. Ge buntaimon i mai dikibiaige pidin, Segataŋpa amado, me ŋa sibeg, so azut mon! 51I zidinnen waglak iduseg tim me to ibol. Ge i ladinlon gauz dizut deladal.#Mar 4:39 52I sepalaŋoi fun so diloŋlakoi i bubudin se dadubge demade.
Jesus Genesaretnen ile
53I dedaialag i Genesaretnen laŋten pitiau detani. 54Waglakge tapas didug tamolai buntaimon Jesus diloŋ. 55I fatu me daŋanlon depaluse depaluleg, maiai ifulak me kapaldaŋan i aben domten tat madoime me diloŋge men debezanig diladime. 56I domten tat aben ibenibenlon itaseg, panu kiteklon, panu ujanlon, panu muzinnen dallak tat, melak i maiaigaz denaug i dogodoani, i Jesus inan jamel didin mon dititiwoi. Me i dititilag i daŋan ikibinia.#Mar 5:27, 28; Apos 5:15; 19:11
New Testament published by the British and Foreign Bible Society in 1960. Genesis published by the Australian Bible Society in 1971.