Markus 5
5
Jesus Gerasenawain ikibine
1I mas aen akilon Gerasena fatulon ditase. 2Jesus waglonge tapas idumeg buntaimon tamol ta uzgatafdaŋan fedafodlonge iseg i mai naon tazetaze. 3I fedafodlon madoime, ta i ipaunen tea, ŋuzaŋuzlon mai tea. 4I saen kuzumlon zaeŋlon ŋuzaŋuzlon mai depaulak, ge ŋuzaŋuz i tetazi pasi, zaeŋ mai zubutalak. Ta i gik ibolpa pozotoaninen tea. 5Bo ad mai i fedafodlon did ilonnen mai mademeg ibobge siben patlon tale. 6I Jesus dal makaiulon nasimeg ipalug i Jesus sigiani. 7I ibob kekauk, ibol, Ŋa o mai abaŋte mon, Jesus, o Anut Ujanzen mok inan Ai? Anut neanlon ŋa o ŋepao, O ŋa so titiliag mon.#Mar 1:24 8Jesus i ipailakoi, Uzgataf, o tamol melonpa tapas udu. 9Jesus i sedaze, O nea ite? I ipai, Inag neag Legion, am kuzumpanulakoi. 10I Jesus gauz godoani, i fatu melonpa so kuduawoi. 11Ge men did tiliŋanlon boz malan ujan detemanig dunuameg ditoz. 12I Jesus dogodoanimeg depai, Am noamap boz zidinnen alawoi, am i ladinlon adulawoi. 13I so pizianag dile. Uzgataf didug bozlon didule. Boz pifoldaŋan 2000 egin gazaplonge depalug maslon didug idid pasi.
14Boz inan tizinek diauge panulon, dallak umlon mai dibol. Meginge abaŋ dodin idulak me tamolai denasiwoi dise. 15I Jesus izinnen diseg ai buga salandaŋanlak matalmeg denasi, i jameldaŋan, ilon kankan tidukdaŋan mai. I denasitag dizut. 16I me abaŋ me denasilak i ai bugadaŋan bozoi mai idulak me sai diani. 17Ge i dimaisge Jesus nadin fatu biniwoi digod. 18I waglak idusemeg tamol i buga salandaŋanlak i Jesus maip dilawoi ibol. 19Ge Jesus ibitig ipai, O ina fatu inan tamolai zidinnen ulap Ujanzen abaŋ ujan inaug o kibiniolak, i owoi teŋaen alange ilon panolak me sai pinidinmap utoz. 20I ibinge ileg Dekapolis fatulon Jesus iwoi abaŋ ujan inaulak me ibolge daŋan dizut.#Mar 7:32; Mat 4:25
Jairus inan aipain fuŋuni, pain daz idulak me kibine.
21Jesus waglon faun dil akilon daiatag tamolpain malanzen i izinnen detemani. Jesus i naz aenlon imade. 22Men ubouab inan gaten ta izinnen ise, i nean Jairus. I Jesus nasimeg i nien funlon ibal idug, 23gauz igosmeg ibol, Inag nanugpain imatoi inauime, o usop nima fonlak unaumap maiai binip basoi.#Mar 7:32 24Jesus i maig dile.
Tamolpain malan ujan mok i dububuzig duzig dile. 25Pain ta umaz 12 daz idulak. 26I kibinekkamaŋ kuzum peadinlon gauz alan inaug madeg i inan jes daŋan bezaselak. 27I Jesusoi biŋ iloŋge i tamolai malan ujan ilonnen muzin pasig inan jamel ititi. 28I ibollakoi, Ŋa inan jamel mon ŋititimap ŋa tinig gauaioi. 29Buntaimon daz bubuaik bini, inan tininlon mai dab ipani, inan maiai alan ikibinelak. 30Jesus i buntaimon inan zagun ilelak iloŋmeg i tamolai malan ujan ilonnen idaŋseg ibol, It inag jamel titilak?#Luk 6:19 31Inan meglaum Jesus depai, Tamolai malan ujan o dububuzomeg uwilume, ge o ubol, It titaglak? 32I malan laŋaige tilianig nasiwoi, it me inaulak. 33Pain me siben iwoi inaulak me iloŋge i izez izutge tinin terere ibolmeg iseg Jesus naonnen ibal idug inan azu daŋan ipai. 34Jesus i ipai, Nanugpain, ilolon maliklakoi kibiniolak, mazozdaŋan ula, oina maiai binop tini gauaioi.
35Jesus azu ibolmeg ai ta ubouab gaten inan ablonge diseg dibol, Oina nanupain mug imat pasi. Aitoi peteŋanek se dal funiwoi? 36Jesus azu dibolmeg iloŋge i ubouab gaten ipai, So uzut mon, ilolon mon malik.
37Ai aenta i so idauzi, Petrus, Jakobus, inan tain Johanes mai mon. 38I ubouab gaten inan ab izinnen ditaseg i tiŋia pisinimeg, beŋten desagai ditameg mai il. 39I ablon idug ibol, Aitoi aŋ tiŋia gauz abiame? Aipain me so imat, ien padal.#Joh 11:11; Apos 20:10 40I didiwa depani. Ge i daŋan betetanag muzinnen didug aipain inan taman tinan, aenta i maig demadodime me mon iŋalge aipain ienime men didule. 41Niman jabimeg i ipai, Talita kumi! Azu me, Aipain, ŋa o ŋepao, umais.#Luk 7:14 42Aipain pasak imaisge itoz, i umaz twelf imadelak. Buntaimon i dizut malan itau. 43Jesus i kibiai gegaun ipinidin, i aenta so dipidinoi. I aipain anaŋ depaniwoi mai ipidin.#Mar 1:44
Currently Selected:
Markus 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Markus 5
5
Jesus Gerasenawain ikibine
1I mas aen akilon Gerasena fatulon ditase. 2Jesus waglonge tapas idumeg buntaimon tamol ta uzgatafdaŋan fedafodlonge iseg i mai naon tazetaze. 3I fedafodlon madoime, ta i ipaunen tea, ŋuzaŋuzlon mai tea. 4I saen kuzumlon zaeŋlon ŋuzaŋuzlon mai depaulak, ge ŋuzaŋuz i tetazi pasi, zaeŋ mai zubutalak. Ta i gik ibolpa pozotoaninen tea. 5Bo ad mai i fedafodlon did ilonnen mai mademeg ibobge siben patlon tale. 6I Jesus dal makaiulon nasimeg ipalug i Jesus sigiani. 7I ibob kekauk, ibol, Ŋa o mai abaŋte mon, Jesus, o Anut Ujanzen mok inan Ai? Anut neanlon ŋa o ŋepao, O ŋa so titiliag mon.#Mar 1:24 8Jesus i ipailakoi, Uzgataf, o tamol melonpa tapas udu. 9Jesus i sedaze, O nea ite? I ipai, Inag neag Legion, am kuzumpanulakoi. 10I Jesus gauz godoani, i fatu melonpa so kuduawoi. 11Ge men did tiliŋanlon boz malan ujan detemanig dunuameg ditoz. 12I Jesus dogodoanimeg depai, Am noamap boz zidinnen alawoi, am i ladinlon adulawoi. 13I so pizianag dile. Uzgataf didug bozlon didule. Boz pifoldaŋan 2000 egin gazaplonge depalug maslon didug idid pasi.
14Boz inan tizinek diauge panulon, dallak umlon mai dibol. Meginge abaŋ dodin idulak me tamolai denasiwoi dise. 15I Jesus izinnen diseg ai buga salandaŋanlak matalmeg denasi, i jameldaŋan, ilon kankan tidukdaŋan mai. I denasitag dizut. 16I me abaŋ me denasilak i ai bugadaŋan bozoi mai idulak me sai diani. 17Ge i dimaisge Jesus nadin fatu biniwoi digod. 18I waglak idusemeg tamol i buga salandaŋanlak i Jesus maip dilawoi ibol. 19Ge Jesus ibitig ipai, O ina fatu inan tamolai zidinnen ulap Ujanzen abaŋ ujan inaug o kibiniolak, i owoi teŋaen alange ilon panolak me sai pinidinmap utoz. 20I ibinge ileg Dekapolis fatulon Jesus iwoi abaŋ ujan inaulak me ibolge daŋan dizut.#Mar 7:32; Mat 4:25
Jairus inan aipain fuŋuni, pain daz idulak me kibine.
21Jesus waglon faun dil akilon daiatag tamolpain malanzen i izinnen detemani. Jesus i naz aenlon imade. 22Men ubouab inan gaten ta izinnen ise, i nean Jairus. I Jesus nasimeg i nien funlon ibal idug, 23gauz igosmeg ibol, Inag nanugpain imatoi inauime, o usop nima fonlak unaumap maiai binip basoi.#Mar 7:32 24Jesus i maig dile.
Tamolpain malan ujan mok i dububuzig duzig dile. 25Pain ta umaz 12 daz idulak. 26I kibinekkamaŋ kuzum peadinlon gauz alan inaug madeg i inan jes daŋan bezaselak. 27I Jesusoi biŋ iloŋge i tamolai malan ujan ilonnen muzin pasig inan jamel ititi. 28I ibollakoi, Ŋa inan jamel mon ŋititimap ŋa tinig gauaioi. 29Buntaimon daz bubuaik bini, inan tininlon mai dab ipani, inan maiai alan ikibinelak. 30Jesus i buntaimon inan zagun ilelak iloŋmeg i tamolai malan ujan ilonnen idaŋseg ibol, It inag jamel titilak?#Luk 6:19 31Inan meglaum Jesus depai, Tamolai malan ujan o dububuzomeg uwilume, ge o ubol, It titaglak? 32I malan laŋaige tilianig nasiwoi, it me inaulak. 33Pain me siben iwoi inaulak me iloŋge i izez izutge tinin terere ibolmeg iseg Jesus naonnen ibal idug inan azu daŋan ipai. 34Jesus i ipai, Nanugpain, ilolon maliklakoi kibiniolak, mazozdaŋan ula, oina maiai binop tini gauaioi.
35Jesus azu ibolmeg ai ta ubouab gaten inan ablonge diseg dibol, Oina nanupain mug imat pasi. Aitoi peteŋanek se dal funiwoi? 36Jesus azu dibolmeg iloŋge i ubouab gaten ipai, So uzut mon, ilolon mon malik.
37Ai aenta i so idauzi, Petrus, Jakobus, inan tain Johanes mai mon. 38I ubouab gaten inan ab izinnen ditaseg i tiŋia pisinimeg, beŋten desagai ditameg mai il. 39I ablon idug ibol, Aitoi aŋ tiŋia gauz abiame? Aipain me so imat, ien padal.#Joh 11:11; Apos 20:10 40I didiwa depani. Ge i daŋan betetanag muzinnen didug aipain inan taman tinan, aenta i maig demadodime me mon iŋalge aipain ienime men didule. 41Niman jabimeg i ipai, Talita kumi! Azu me, Aipain, ŋa o ŋepao, umais.#Luk 7:14 42Aipain pasak imaisge itoz, i umaz twelf imadelak. Buntaimon i dizut malan itau. 43Jesus i kibiai gegaun ipinidin, i aenta so dipidinoi. I aipain anaŋ depaniwoi mai ipidin.#Mar 1:44
New Testament published by the British and Foreign Bible Society in 1960. Genesis published by the Australian Bible Society in 1971.