Markus 1
1
JESUS ITASANEN DAL KIBINE, 1:1–13
Flaneknen Johanes inan uzat
1E me Jesus Kristus inan totol gamun inan fun. 2Profet Jesaia gazelak egin, Nasi, ŋa ŋainag totol ŋenaup ilawoi, i o naonen oina dal kibinewoi.#Maleak 3:1; Mat 11:10 3I auan ta fatu udaulon ibobime, Ujanzen inan dal kibinep pani, inan dal tiduk nau.#Jes 40:3 4Flaneknen Johanes fatu udaulon itaseg kankan buleknen aupasek pasinenoi flanek azu ipidin. 5Judea fatulonge Jerusalemnenge tamolai me mai daŋan detapasge i izinnen dile; i nadin aupasek beŋten denaumeg Johanes iflana. 6Ge Johanes i kamel fufulun inan jamel pilag dazuk siŋilon inan metagiz loanlon sububutig sis gubuzuztaen mai jani.#Mat 11:8 7I azu pidin, ibol, Ta i ŋa uzagge isoime, i inan tiwon me ŋainag nenaziime, i naonnen ŋetakokpa inan nienaten inan mol ŋeflalenen ŋa so ŋaduse. 8Ŋa aŋ nazlon ŋeflanaŋŋame, ge i aŋ Auanuzgunlon iflanaŋoi.
Johanes Jesus iflani
9Saen melon Jesus Nasaret panu Galileanenge iseg Johanes Jordanlon iflani.#Luk 2:51 10Nazlonge itaseg buntaimon i did fueg Uz bun egin fonlak idumeg inasi. 11Didlon auan ta ibol, O ŋainag nanugai waza, owoi ilog gamun funilak.#Kan 2:7
Satan Jesus kibiani
12Uzgun buntaimon Jesus seseŋanig fatu udaulon ile.#Kan 91:11 13Jesus nal forti fatu udaulon mademeg Satan Jesus ikibiani. I dazuk duguze leŋadinlon made, eŋelgaz i bian depalu.
JESUS I INAN AZULON KUBELMAŊAULON MAI SIBEN BOBOLOANIG I MALIK ANUT AI, 1:14—8:26
Johanes azu pidin
14I Johanes sebaneklon denaug mademeg Jesus Galileanen iseg Anut inan totol gamun fun iflalemeg 15ibol, Saen mug pisini, Anut inan kagin mug sizizlon iseg ienime. Tulufunaŋpa adaŋsa, totol gamun lamilon malik.#Gal 4:4
Jesus meglaum ta wigidin
16Jesus Galilea wililuk laŋten itozmeg i Simon, Andreas, Simon inan tain mai, nadin kakaŋ detanimeg il. Me i ij ŋalektamol. 17Jesus ipidin, Aŋ ŋa uzagmap ŋa ŋonoaŋpa aŋ ij aŋalame egin, megin tamolpain aŋaloi.#Mat 13:47 18I buntaimon nadin kakaŋ dibinig i duzig ditoz. 19I menge kin ileg i Jakobus, me Sebedeus inan ai, inan tain Johanes mai il. I nadin kakaŋ waglak deselanimeg demade. 20I buntaimon iwigidin. I nadin temadin uzatai mai dibinge Jesus duzig ditoz.
Jesus Kapernaumnen ile, uzgataf ta kudui
21I Kapernaumnen dile. Jesus buntaimon ubounallon nadin ubouablon iduleg azu fun ipeteŋana. 22I inan azuoi dizut, i azu inan fun mok egin azu peteŋanaime, gazekmaŋau egin tea.#Mat 7:28, 29 23Buntaimon nadin ubouablon uzgataf ta made. 24I ibobge ibol, Am o mai abaŋte, Jesus Nasaretwain? O am pitiŋinimawoi use? Ŋa o ŋaloŋ, o Anut inan Gun.#Mar 5:7; Kan 16:10 25Ge Jesus i gauz bebanig ibol, Aua to ibolp i‐lonpa tapas ula! 26Uzgataf i bubulese bubulele klagun ujanlon ibobmeg i ibini.#Mar 9:26 27I daŋan dizutge nug sidiziag dibol, Me abaŋte? Azu kagin faun ta! I fun egin uzgataf mai azu pidinge i auan duzi depanidime. 28Buntaimon iwoi biŋ Galilea fatu daŋanlon ile.
Petrus zauan, tamolai ta mai kibinia
29Buntaimon ubouab binig i Jakobus Johanes maig Simon Andreas mai nadin ablon diduse. 30Ge Simon inan zauan maiai funig ienmeg i pasak iwoi depai. 31Jesus i izinnen ipazge niman jabig ibiseg maiai i bini, i biadin ipalu.
32Juza melon ad idulemeg i maiaidaŋan buga salandaŋan me daŋan i izinnen diŋalge dise. 33Panu inan tamolpain daŋan ab naonnen detemani. 34Me i maiai ifulak sub ibenibendaŋan kuzum ikibinia, buga sladin kuzum mai ikudua. I buga sladin azu dibolnen piziana, i Jesus diloŋlakoi.#Apos 16:17, 18
Jesus panu aentalon mai azu pidin
35Bomon mon, fatu so sesalimeg, Jesus imaisge beŋten idug udau matonlon ile, melak igodoani. 36Simon aenta i maig demadelak i Jesus duzi. 37I denasimeg depai, Daŋan o debezanodime. 38Ge i pidin, Id panu talon talap melak mai azu fun ŋeflalewoi, ŋan mewoi ŋa ŋaselak. 39I ileg nadin ubouab Galilea fatu daŋanlon azu ipidin, buga sladin mai kudua.
Jesus tamol tinin pizapizdaŋan ikibine
40Ta pizapizdaŋan izinnen iseg dagun tan saemeg godoanig ipai, O so umoitap o ŋa kibiniagnen uloŋ. 41Jesus teŋaen alange niman woteg tinin ititig ipaig ibol, Ŋa so ŋamoi, tini gauaip mado. 42Buntaimon pizapiz ibinig tinin gauai. 43Jesus azu gegaun ipaig pasak inaug ile,#Mar 3:12; 7:36; Lew 14:2–32 44ipai, Dab nau, ta azu so pai mon. Tea, ulap waliŋtamol tini peteŋani, oina maiai binilakoi abaŋ Moses ibollak ja me nau, tamolpain diloŋnen. 45Ge i beŋten idug abaŋ ewoi gauz ibol, i inaug azu bebaŋeg ile. Meginge Jesus mug beŋten panulon ilanen tea, tea, muzinnen aben udaulon made. Ge tamolai aben daŋanlonge i izinnen dise.
Currently Selected:
Markus 1: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
