Mateus 3
3
JOHANES JESUS NAON IŊALGE ITOZ, JESUS UZAT IŊALE, 3–4
Johanes Jesus naon iŋalge itoz
1Saen melon Flaneknen Johanes itaseg Judea fatu udaulon azu pidinge ibol,#Luk 1:13 2Aŋ tulufunaŋpa adaŋsa, didnen kagin mug sizizlon iseg ien.#Mat 4:17 3I me iwoi profet Jesaia kibiaige ibol, Auan ta fatu udaulon ibobime, Ujanzen inan dal ujan ikibine, inan dal mitinmitin me tiduk anau.#Jes 40:3; Joh 1:28
4Ge Johanes inan jamel kamel fufulunlon pizilak, metagiz talinlak sububuti, inan anaŋ me sis gubuzuztaen mai.#Kiŋ II 1:8 5Meginge Jerusalemgaz izinnen dile, Judea daŋan mai, fatu Jordan gezaŋenlon daŋan mai. 6I naz Jordan melon iflana, nadin aupasek beŋten denau. 7Ge i farisea sadukea mai kuzum i izinnen flanekoi disemeg ilge i pidin, Aŋ mot suzumen malandaŋan, it aŋ kibiai panaŋlak aŋ buzun loantapnenoi auwoi?#Mat 12:34; 23:33 8Mewoi nami tulufunek idaŋsanen idusap niŋon anau. 9Sebami lamilon so amugsap aboloi, Abraham me amnama temamaged. Ŋa aŋ ŋepaiaŋ, Anut pat elon Abraham nanungaz fuŋunanen iloŋime.#Rom 2:28, 29; 4:12; Joh 8:33; Luk 13:7–9 10Plagis mug jadabinlon inaug ienime, mewoi ja daŋan niŋon gauai so inauime me tazep ja malanlon sezanewoi.
11Ŋa bo aŋ tulufunek adaŋsanenoi nazlon ŋeflanaŋŋame, ge ta i uzagge isoime i ŋa beleŋanag, i inan nienaten ŋebezaunen ŋa so ŋadusaŋame. I aŋ Auanuzgunlon jalon mai iflanaŋoi.#Joh 1:26, 27, 33; Apos 1:5; 19:4; Mat 13:30 12Inan salu nimanlon ienime, i inan piziŋineknen aten ikok inauwoi. I inan whit me inan badlon idizlawoi, ge fufain i ja sufuninen tealak melon imaziwoi.
Johanes Jesus iflani
13Uzig Jesus Galileanenge Jordannen iseg Johanes i flaniwoi ibol. 14Ge Johanes i bitig ibol, O bo ŋa flanagoi, ge o ŋa izignen usoume? 15Ge Jesus auan jabig ipai, Segauz gazo megin nauwoi, taoz daŋan idusanenoi id megin tenauwoi Anut ibollakoi. Meginge i Au ibol. 16Jesus flani binig i buntaimon nazlonge dublak iduseg, nasi, i fonlak did fue, Anut inan Uz i fonlak bun egin idumeg Johanes inasi. 17Nasi, didnen auan ta ibol, E me ŋainag ai wazan, iwoi ilog gamun funilak.#Mat 17:5; Jes 42:1
Currently Selected:
Mateus 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 3
3
JOHANES JESUS NAON IŊALGE ITOZ, JESUS UZAT IŊALE, 3–4
Johanes Jesus naon iŋalge itoz
1Saen melon Flaneknen Johanes itaseg Judea fatu udaulon azu pidinge ibol,#Luk 1:13 2Aŋ tulufunaŋpa adaŋsa, didnen kagin mug sizizlon iseg ien.#Mat 4:17 3I me iwoi profet Jesaia kibiaige ibol, Auan ta fatu udaulon ibobime, Ujanzen inan dal ujan ikibine, inan dal mitinmitin me tiduk anau.#Jes 40:3; Joh 1:28
4Ge Johanes inan jamel kamel fufulunlon pizilak, metagiz talinlak sububuti, inan anaŋ me sis gubuzuztaen mai.#Kiŋ II 1:8 5Meginge Jerusalemgaz izinnen dile, Judea daŋan mai, fatu Jordan gezaŋenlon daŋan mai. 6I naz Jordan melon iflana, nadin aupasek beŋten denau. 7Ge i farisea sadukea mai kuzum i izinnen flanekoi disemeg ilge i pidin, Aŋ mot suzumen malandaŋan, it aŋ kibiai panaŋlak aŋ buzun loantapnenoi auwoi?#Mat 12:34; 23:33 8Mewoi nami tulufunek idaŋsanen idusap niŋon anau. 9Sebami lamilon so amugsap aboloi, Abraham me amnama temamaged. Ŋa aŋ ŋepaiaŋ, Anut pat elon Abraham nanungaz fuŋunanen iloŋime.#Rom 2:28, 29; 4:12; Joh 8:33; Luk 13:7–9 10Plagis mug jadabinlon inaug ienime, mewoi ja daŋan niŋon gauai so inauime me tazep ja malanlon sezanewoi.
11Ŋa bo aŋ tulufunek adaŋsanenoi nazlon ŋeflanaŋŋame, ge ta i uzagge isoime i ŋa beleŋanag, i inan nienaten ŋebezaunen ŋa so ŋadusaŋame. I aŋ Auanuzgunlon jalon mai iflanaŋoi.#Joh 1:26, 27, 33; Apos 1:5; 19:4; Mat 13:30 12Inan salu nimanlon ienime, i inan piziŋineknen aten ikok inauwoi. I inan whit me inan badlon idizlawoi, ge fufain i ja sufuninen tealak melon imaziwoi.
Johanes Jesus iflani
13Uzig Jesus Galileanenge Jordannen iseg Johanes i flaniwoi ibol. 14Ge Johanes i bitig ibol, O bo ŋa flanagoi, ge o ŋa izignen usoume? 15Ge Jesus auan jabig ipai, Segauz gazo megin nauwoi, taoz daŋan idusanenoi id megin tenauwoi Anut ibollakoi. Meginge i Au ibol. 16Jesus flani binig i buntaimon nazlonge dublak iduseg, nasi, i fonlak did fue, Anut inan Uz i fonlak bun egin idumeg Johanes inasi. 17Nasi, didnen auan ta ibol, E me ŋainag ai wazan, iwoi ilog gamun funilak.#Mat 17:5; Jes 42:1
New Testament published by the British and Foreign Bible Society in 1960. Genesis published by the Australian Bible Society in 1971.