Mateus 2
2
JESUS I AI KAMO MADELAK, 2
Maŋautamol Jesus denasiwoi dise
1Maria Jesus Betlehemnen Judea fatulon kiŋ Herodes inan saenlon inaulag, nasi, maŋautamol ta ist baŋenlonge Jerusalemnen diseg dibol,#Luk 2:1 2Judagaz nadin kiŋ wozi itaselak me domten? Am inan patui ad baŋenlon anasilakoi am i izinnen duguma asebenaip godoaniwoi ase. 3Kiŋ Herodes me iloŋtag i izut deladal, Jerusalem daŋan mai. 4I tamolpain nadin waliŋtamol ujanujan gazekmaŋau mai itemanag sidizia, Kristus domten itasawoi. 5I depai, Judea fatu Betlehemnen profet megin gazelakoi:#Mika 5:1; Joh 7:42 6Me o Betlehem Judea fatulon, o Juda nadin getadin ilonlon so mok mitin; olonpa kibiaipanek ta isowoi i ŋainag tamolpain Israel itizinawoi.
7Meginge Herodes kukumlon maŋautamol wigidinge sodoz pinidin, patui saŋepte itaselak? 8I Betlehemnen inauge dile, ibol, Alap aiwoi alaŋai gauai, aŋ anasimap asop apaiagpe ŋaloŋoi, ŋa maip ŋalap izinnen dagug ŋesebenaip ŋogodoaniwoi. 9I kiŋ inan auan diloŋlag i dile, me nasi, patui get nadin panulon denasilak i imugseg ileg ai kamo madoime aben me fonlak igunig ien. 10Patui me denasimeg i gauz mok zigia. 11I ab melon didulemeg i ai kamo inan tinan Maria maig dil. I Jesus naonnen dugudin sibiniag dogodoani. Meginge i nadin jes dipasge i ai kamo lo abaŋ depani, gold, japatan zuŋan gamun, mozgazeŋ mai.#Kan 72:10, 15; Jes 60:6 12Anut dienminlon ipidin i Herodes izinnen so dimulpa dilawoi. I dal talon nadinnen dimulge dile.
Herodes Betlehemnen ai Kamo ifug dimat
13I dilelag, nasi, Ujanzen inan eŋel ta Josef ienminlon izinnen itaseg ibol, Umais, ai kamo tinan mai uŋalpa Egiptanen uwau, aon mado, ŋa o ŋepaop umulpa uso. Herodes ai kamo funip imatoi kankanime. 14I imaisge ai kamo, inan tinan mai iŋalge tidomlon Egiptanen diau. 15I melak demadeg Herodes imatmeg eginmeg. Ujanzen profetlon ibollak me niŋon inauwoi, Egiptanenge inag ai ŋewagi.#Hosea 11:1
16Meginge Herodes iloŋ maŋautamol i se dowozailak i buzun kekazun isa, i inan opas inauge ai kamo tamol me daŋan Betlehemnen fatu gezaŋenlon daŋan mai me umaz azugen so nenazilak difug dimat. Ai kamo inan umaz mewoi get patuimaŋau isidiziag dibolge iloŋlak. 17Azu profet Jeremia ibollak me niŋon inaulak:#Jer 31:15 18Ramanen auan ta diloŋ, dita desagai gauz mok. Rahel inan nanunoi ita, i ilon deŋalewoige i imoi, inan nanun mug tealakoi.#Gen 35:19
Josefgaz Egiptanenge dimulge dise
19Ge Herodes imatlag Ujanzen inan eŋel ta Egiptanen Josef ienminlon izinnen itaseg ibol, 20Umais, ai kamo, inan tinan mai uŋalpa Israel fatulon ula. I ai kamo dufunip imatoi jaeŋ ifulak me dimatlakoi,#Ekso 4:19 21i imaisge ai kamo, inan tinan mai iŋalge Israel fatulon dile. 22Ge i iloŋlag Arkelaus Judeanen inan taman Herodes abenlon gaten madoime, i melak ilanen izez. Ienminlon Anut kibiai panig i Galilea inan tuzuteklon ile. 23I panu nean Nasaret melon ileg made. Profetgaz dibollak niŋon inauwoi, i Nasaretwain deblaniwoi.#Luk 1:20; 2:39; Jes 11:1; 53:2; Joh 1:46
Currently Selected:
Mateus 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 2
2
JESUS I AI KAMO MADELAK, 2
Maŋautamol Jesus denasiwoi dise
1Maria Jesus Betlehemnen Judea fatulon kiŋ Herodes inan saenlon inaulag, nasi, maŋautamol ta ist baŋenlonge Jerusalemnen diseg dibol,#Luk 2:1 2Judagaz nadin kiŋ wozi itaselak me domten? Am inan patui ad baŋenlon anasilakoi am i izinnen duguma asebenaip godoaniwoi ase. 3Kiŋ Herodes me iloŋtag i izut deladal, Jerusalem daŋan mai. 4I tamolpain nadin waliŋtamol ujanujan gazekmaŋau mai itemanag sidizia, Kristus domten itasawoi. 5I depai, Judea fatu Betlehemnen profet megin gazelakoi:#Mika 5:1; Joh 7:42 6Me o Betlehem Judea fatulon, o Juda nadin getadin ilonlon so mok mitin; olonpa kibiaipanek ta isowoi i ŋainag tamolpain Israel itizinawoi.
7Meginge Herodes kukumlon maŋautamol wigidinge sodoz pinidin, patui saŋepte itaselak? 8I Betlehemnen inauge dile, ibol, Alap aiwoi alaŋai gauai, aŋ anasimap asop apaiagpe ŋaloŋoi, ŋa maip ŋalap izinnen dagug ŋesebenaip ŋogodoaniwoi. 9I kiŋ inan auan diloŋlag i dile, me nasi, patui get nadin panulon denasilak i imugseg ileg ai kamo madoime aben me fonlak igunig ien. 10Patui me denasimeg i gauz mok zigia. 11I ab melon didulemeg i ai kamo inan tinan Maria maig dil. I Jesus naonnen dugudin sibiniag dogodoani. Meginge i nadin jes dipasge i ai kamo lo abaŋ depani, gold, japatan zuŋan gamun, mozgazeŋ mai.#Kan 72:10, 15; Jes 60:6 12Anut dienminlon ipidin i Herodes izinnen so dimulpa dilawoi. I dal talon nadinnen dimulge dile.
Herodes Betlehemnen ai Kamo ifug dimat
13I dilelag, nasi, Ujanzen inan eŋel ta Josef ienminlon izinnen itaseg ibol, Umais, ai kamo tinan mai uŋalpa Egiptanen uwau, aon mado, ŋa o ŋepaop umulpa uso. Herodes ai kamo funip imatoi kankanime. 14I imaisge ai kamo, inan tinan mai iŋalge tidomlon Egiptanen diau. 15I melak demadeg Herodes imatmeg eginmeg. Ujanzen profetlon ibollak me niŋon inauwoi, Egiptanenge inag ai ŋewagi.#Hosea 11:1
16Meginge Herodes iloŋ maŋautamol i se dowozailak i buzun kekazun isa, i inan opas inauge ai kamo tamol me daŋan Betlehemnen fatu gezaŋenlon daŋan mai me umaz azugen so nenazilak difug dimat. Ai kamo inan umaz mewoi get patuimaŋau isidiziag dibolge iloŋlak. 17Azu profet Jeremia ibollak me niŋon inaulak:#Jer 31:15 18Ramanen auan ta diloŋ, dita desagai gauz mok. Rahel inan nanunoi ita, i ilon deŋalewoige i imoi, inan nanun mug tealakoi.#Gen 35:19
Josefgaz Egiptanenge dimulge dise
19Ge Herodes imatlag Ujanzen inan eŋel ta Egiptanen Josef ienminlon izinnen itaseg ibol, 20Umais, ai kamo, inan tinan mai uŋalpa Israel fatulon ula. I ai kamo dufunip imatoi jaeŋ ifulak me dimatlakoi,#Ekso 4:19 21i imaisge ai kamo, inan tinan mai iŋalge Israel fatulon dile. 22Ge i iloŋlag Arkelaus Judeanen inan taman Herodes abenlon gaten madoime, i melak ilanen izez. Ienminlon Anut kibiai panig i Galilea inan tuzuteklon ile. 23I panu nean Nasaret melon ileg made. Profetgaz dibollak niŋon inauwoi, i Nasaretwain deblaniwoi.#Luk 1:20; 2:39; Jes 11:1; 53:2; Joh 1:46
New Testament published by the British and Foreign Bible Society in 1960. Genesis published by the Australian Bible Society in 1971.