Mateus 28
28
Pain Jesus fedafodlon so denasi
1Ubou binig wik inan nal matulon, fatu sesaliwoi inaumeg, Maria Magdalena, Maria ta mai fedafod denasiwoi dile. 2Nasi, mim ujan idu, Ujanzen inan eŋel ta idulakoi i iseg pat buli ibennen ileg fonlak imatal. 3I lelei egin itase, inan jamel kebazan mok.#Mat 17:2 4Iwoi tizinek dizezge tinidin terere dibolge tamol dimatlak egin denau.#Apos 1:10 5Ge eŋel pain ipidin, Aŋ so azez mon! Ŋa ŋaloŋ aŋ Nasaretwain Jesus, jakebazeklak dezailak, me abezaniame. 6I en tea, i mug imais, i ibollak egin. Asop, tamolpain ienlak aben anasi.#Mat 12:40; 16:21; 17:23; 20:19; Apos 2:36 7Pasak alap inan meglaum pidinpa, i mateŋlonge imaislak, nasi, i aŋ imugpa Galileanen ilawoi, melak aŋ anasiwoi. Aloŋ, ŋa aŋ megin ŋepaiaŋlak.#Mat 26:32 8Meginge i dizutge zigia maimeg meglaum dipidinoi depalug dile. 9Nasi, Jesus i mai naon tazetazeg ibol, Pez e! I diseg nien diabig dogodoani. 10Meginge Jesus ipidin, Aŋ so azez mon, alap ŋainag taiggaz pidinpa i Galileanen dilawoi, melak i denasagoi.#Heb 2:11
Waliŋgatengaz i opas didad
11I dilemeg, nasi, opas ta panulon dileg waliŋgaten abaŋ idulak me daŋan sai dipinidin. 12I matugaz mai detemanig dikibiailag i opas gaŋmalan dipinidinge 13dibol, Tamolpain pidin, Tidomlon am aen apadalmeg inan meglaum diseg sesanun ponau deŋale.#Mat 27:64 14Gowerner azu e iloŋmap am auan ubutunip to iboloi, aŋ segauz amadowoi. 15Meginge i gaŋmalan deŋaleg kibiai dipinidinlak megin denau. Azu e get ilonlon sai dianilak, gazo mai ienime.
Medaeŋgaz totol gamun fatufatulon deŋalep dilawoi
16Meglaum elewen Galileanen did Jesus ibollak men dile.#Mat 28:7 17I denasimeg i dugudin sibiniag dogodoani, aenta ladinse ladinle.#Mat 11:27; Ef 1:20–22 18Jesus iseg ipidin, Ŋa abaŋ daŋan gaten ŋemadowoi panaglak, didlon tanlak mai.#Dan 7:14 19Mewoi aŋ alap panupanuwain ŋainag meglaum aŋalp aflana.#Mat 18:20; Joh 14:23 20Kagin ŋa aŋ ŋepaiaŋlak me kabe apeteŋana, i mai duzi depaniwoi. Anasi, aŋ sebami tea, ŋa aŋ maip temadowoi, saen geglonpe.
Currently Selected:
Mateus 28: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 28
28
Pain Jesus fedafodlon so denasi
1Ubou binig wik inan nal matulon, fatu sesaliwoi inaumeg, Maria Magdalena, Maria ta mai fedafod denasiwoi dile. 2Nasi, mim ujan idu, Ujanzen inan eŋel ta idulakoi i iseg pat buli ibennen ileg fonlak imatal. 3I lelei egin itase, inan jamel kebazan mok.#Mat 17:2 4Iwoi tizinek dizezge tinidin terere dibolge tamol dimatlak egin denau.#Apos 1:10 5Ge eŋel pain ipidin, Aŋ so azez mon! Ŋa ŋaloŋ aŋ Nasaretwain Jesus, jakebazeklak dezailak, me abezaniame. 6I en tea, i mug imais, i ibollak egin. Asop, tamolpain ienlak aben anasi.#Mat 12:40; 16:21; 17:23; 20:19; Apos 2:36 7Pasak alap inan meglaum pidinpa, i mateŋlonge imaislak, nasi, i aŋ imugpa Galileanen ilawoi, melak aŋ anasiwoi. Aloŋ, ŋa aŋ megin ŋepaiaŋlak.#Mat 26:32 8Meginge i dizutge zigia maimeg meglaum dipidinoi depalug dile. 9Nasi, Jesus i mai naon tazetazeg ibol, Pez e! I diseg nien diabig dogodoani. 10Meginge Jesus ipidin, Aŋ so azez mon, alap ŋainag taiggaz pidinpa i Galileanen dilawoi, melak i denasagoi.#Heb 2:11
Waliŋgatengaz i opas didad
11I dilemeg, nasi, opas ta panulon dileg waliŋgaten abaŋ idulak me daŋan sai dipinidin. 12I matugaz mai detemanig dikibiailag i opas gaŋmalan dipinidinge 13dibol, Tamolpain pidin, Tidomlon am aen apadalmeg inan meglaum diseg sesanun ponau deŋale.#Mat 27:64 14Gowerner azu e iloŋmap am auan ubutunip to iboloi, aŋ segauz amadowoi. 15Meginge i gaŋmalan deŋaleg kibiai dipinidinlak megin denau. Azu e get ilonlon sai dianilak, gazo mai ienime.
Medaeŋgaz totol gamun fatufatulon deŋalep dilawoi
16Meglaum elewen Galileanen did Jesus ibollak men dile.#Mat 28:7 17I denasimeg i dugudin sibiniag dogodoani, aenta ladinse ladinle.#Mat 11:27; Ef 1:20–22 18Jesus iseg ipidin, Ŋa abaŋ daŋan gaten ŋemadowoi panaglak, didlon tanlak mai.#Dan 7:14 19Mewoi aŋ alap panupanuwain ŋainag meglaum aŋalp aflana.#Mat 18:20; Joh 14:23 20Kagin ŋa aŋ ŋepaiaŋlak me kabe apeteŋana, i mai duzi depaniwoi. Anasi, aŋ sebami tea, ŋa aŋ maip temadowoi, saen geglonpe.
New Testament published by the British and Foreign Bible Society in 1960. Genesis published by the Australian Bible Society in 1971.