Mateus 27
27
Jesus Pilatus izinnen duduzig dile
1Bomonge waliŋgatengaz, tamolpain nadin matugaz mai i Jesus dufunip imatoi nug dikibiai. 2I depaug duduzig ileg gowerner Pilatus depani.
3I demeselanilak me Jesus inan blanektamol Judas iloŋge i tulufunig silwer gaŋmalan tirti ŋaleg ileg waliŋgatengaz matugaz mai faun bulip pinidinoi inau.#Mat 26:15 4I pidin, Ŋa aunapaslak, me i tininnen tealak ŋa se ŋeblani. I dibol, Aitnen am‐oi ubolume, o sibe kibinewoi. 5I gaŋmalan tempellon sezaneg ileg siben klagun isase.#Apos 1:18 6Ge waliŋgatengaz i gaŋmalan me deŋaleg dibol, Gaŋmalan me medaeŋ kunuplon tenaunen me kagin tea, me daz inan gaŋmalanlakoi.#Mar 12:41 7Mewoi i dikibiaig bodkamaŋ inan tan, panu baswain denaunen, me didad. 8Mewoi tan me gazo e mai Daz Tan e deblani.#Apos 1:19 9Meginge profet Jeremia ibollak me niŋon inau. I ibol, I gaŋmalan tirti me Israel ai tininoi naon denaulak#Sak 11:12, 13; Jer 32:6–9 10me deŋaleg bodkamaŋ inan tanoi detani, Ujanzen peteŋanaglak egin.
Pilatus Jesus sedazeime
11Jesus i gowerner naonnen itiuz. Gowerner i sedazeg ibol, O Juda nadin kiŋ? Jesus i ipai, O ubollak. 12Ge waliŋgatengaz matu mai tinin desaeg i to ibol.#Mat 26:63; Jes 53:7 13Meginge Pilatus i ipai, Azu funfun i owoi diboldime, me dab so paniume? 14Ge i auan so jabi, uf azu taimonoi so ibol. Meginge gowerner i gauz izut.#Joh 19:9
15Ubou ujan elon gowerner kagin ta uziime, i sebenekai ta mewoi i diboldime pasip tamolpain pinidinime. 16Saen melon sebenaekai ta biŋan salandaŋan imade, nean Barabas. 17I detemanilag Pilatus i pidin, It ŋepasip ŋepanaŋoi, Barabas, tea, Jesus, me Kristus deblanidime? 18I iloŋ i jenain isuklon diabilak. 19Ta mai, i betenaeknen pezatiulak matalmeg inan iwon totol ta inaug ise. I ipai, Tamol taoz ewoi mai so anau mon, ŋa gazomnen iwoi ŋaenmin alanged.#Mat 21:38; Joh 11:47, 48; 12:19 20Waliŋgaten matu mai i tamolpain malandaŋan Barabasoi digodoi, Jesus funip imatoi ladin depasi. 21Gowerner faun te pidin, Azuazu menen it menen it ŋepasip ŋepanaŋoi abol? I dibol, Barabas. 22Pilatus ipidin, Meginpe Jesusoi, me i Kristus deblanidime, ŋa dodin ŋenauwoi? I daŋan dibol, Segauz jakebazeklak zai. 23I ibol, Aitoi, abaŋte salan ta inaulak? Ge i gik dibolge diwog, Jakebazeklak zai.
24Meginge Pilatus mug iloŋ i inaunen tea, tamolai i mug wagai gauz denaudime, i naz ŋaleg tamolai malanzen meladinlon niman flanig ibol, Tamol e inan daz ŋa tinignen teaboi, aŋ sebami.#Deut 21:6 25Tamolai daŋan auan diabig dibol, Inan daz am mai, nunumagaz mai toanamawoi.#Apos 5:28; Mat 23:35 26Meginge i Barabas pasi pinidin, Jesus ibitig dezaiwoi ipinidin.
27Uzig gowerner inan opas Jesus betenaekablon duduzig ileg daup ujan daŋan izinnen detemani. 28Inan jamel depasig dazan guzeb ta dipila depani. 29Faiag ta deŋaleg talit egin denaug gatenlon dunule depani, dugudin disibinia didug dogodoani egin denaug dibol, O Juda nadin kiŋ, am pez apanoame. 30I dujusunig tok dowozaig lasen detaze.#Jes 50:6 31I naon dikibiani dibinilag i jamel melaen dazan guzeb depasig siben inan jamel dipila depanig dezaiwoi duduzig dile.
Jesus duduzig Golgatanen dezai
32I didug dilemeg i tamol ta mai naon tazetaze, i Kirenewain, nean Simon, me jakebazek gegaun depanig joaze. 33I fatu ta nean Golgata, me fun lasen inan aben, men ditaseg 34i wain kisipandaŋan ta depani. Ge i musi nasig i so imili.#Kan 69:22 35I dezai dibinig i inan jamel gaŋmalan egin dititig leŋadinlon dewaeg deŋale.#Kan 22:19 36Meginge i dematal men ditizinig demade. 37Gaten fon jawadan degaze, megin: E me Jesus, Juda nadin kiŋ. 38Wagaitamol azugen i maig dezai, ta waŋlon ta ŋaslon.#Jes 53:12 39I me denenazig dilemeg i dizan dewaig, getadin detanig depanimeg#Kan 22:8; 109:25 40dibol, O Anut inan tempel pitiŋinip nal tolpa faun sasenen uloŋ, o sibe patu pasipe. O Anut aitap, jakebazeklakpa udu.#Joh 2:19 41Waliŋgatengaz, gazekmaŋau matugaz mai dizawaik depanimeg dibol, 42Aenta putudin pasilak, i siben patun pasinen so iloŋ. I Israel nadin kiŋ gazo e jakebazeklakpa idupe, id i ilodlon malikoi. 43I Anut inau paniime. Anut segauz patun pasiwoi, i iwoi iboltap, i ibollakoi, Ŋa Anut inan Ai.#Kan 22:9 44Wagaitamol i maig dezailak me mai megin mon dizan dewai.
Jesus imat
45Admetelaen 12 fatu jabi idug mafuz panig ileg admetelaen 3 iduse. 46Admetelaen 3‐lon Jesus iwogge ibol, Eli, Eli lama sabaktani? Me fun, Ŋainag Anut, ŋainag Anut, dodinge o ŋa binaglak?#Kan 22:2; Jes 53:2–9 47Aenta melak demademeg diloŋge dibol, I Elias wagiime. 48Ilonnen ta palu ile, masnen mames ŋaleg iseg nazlon buig toklon isaeg auanlon inaug imili.#Kan 69:22 49Ge aenta dibol, Mademap tenasiwoi, Elias isop patun pasiwoi tat. 50Jesus faun te auan ujanlon iwogge inan uz ibinig ile.
Abaŋ kubel ta Jesus inan mateŋ uzi
51Nasi, tempellon jamel ujan geg denaulak me besesali azugen latnenge idug tanlak tapas, tan inini. Pat siben tezepale maig#Ekso 26:31; Heb 10:19, 20 52fedafod me gigia, gungaz kin kuzum get dien padallak tinidin fuŋunag dimais. 53I Jesus inan tiziaunen uzig fedafodlonge panu gunlon dileg kuzum zidinnen ditase.#Apos 26:23; Dan 12:2
54Opasgaten, aenta mai i Jesus ditizinimeg tan ninig abaŋ aenta mai inaumeg denasig i gauz dizutge dibol, Malik mok, i Anut ai talakge imat pasi.
55Pain Kuzum mai demade, kin ibennen abaŋ dab depani, i me Galileanenge duzig bian depalumeg diselak.#Luk 8:2, 3 56I ilonnen Maria Magdalena, Maria, Jakobus Josef mai tinadin, Sebedeus inan nanunai nadin tinadin mai.#Mat 20:20
Josef, Arimatiawain, Jesus inau
57Juzameg tamol filiandaŋan nean Josef, Arimatianenge ise. I me Jesus inan meglaum ta.#Ekso 34:25 58I Pilatus izinnen Jesus inan sesanunoi igodoi ile. Pilatus i ipaniwoi azu inaug ile. 59Josef sesanun ŋaleg jamel kebazan ikoklon puzig, 60siben inan fedafod faun me i get patlon ipasilak melon inau. I pat ujan lilig ileg fedafod auan segemani binig ile.#Jes 53:9 61Maria Magdalena, Maria ta mai fedafod dedaŋeg dematal.
62Kibineknen nal uzig waliŋgaten farisea mai Pilatus naonnen detemanig dibol, 63Tamoluja, am lama isou, sekaukwain baslon ibol, Nal tolpa faun ŋamaisoi.#Mat 12:40; Kor II 2:6, 8 64Mewoi ubolpa nal tollon inan malan ditiziniwoi, inan ai disop so deŋalewoi. Gazop tamolai dipidinoi, Imatlak imais e diboloi. Meginmap sekauk get zezaun egin gazop metalun mok ta denauwoi.#Mat 12:15 65Pilatus pidin, Opas e aŋalpa ala malan ditizini gauai. 66Meginge i dileg patlak bagoz denaug opas dipidinge i fedafod ditizini.#Dan 6:18
Currently Selected:
Mateus 27: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 27
27
Jesus Pilatus izinnen duduzig dile
1Bomonge waliŋgatengaz, tamolpain nadin matugaz mai i Jesus dufunip imatoi nug dikibiai. 2I depaug duduzig ileg gowerner Pilatus depani.
3I demeselanilak me Jesus inan blanektamol Judas iloŋge i tulufunig silwer gaŋmalan tirti ŋaleg ileg waliŋgatengaz matugaz mai faun bulip pinidinoi inau.#Mat 26:15 4I pidin, Ŋa aunapaslak, me i tininnen tealak ŋa se ŋeblani. I dibol, Aitnen am‐oi ubolume, o sibe kibinewoi. 5I gaŋmalan tempellon sezaneg ileg siben klagun isase.#Apos 1:18 6Ge waliŋgatengaz i gaŋmalan me deŋaleg dibol, Gaŋmalan me medaeŋ kunuplon tenaunen me kagin tea, me daz inan gaŋmalanlakoi.#Mar 12:41 7Mewoi i dikibiaig bodkamaŋ inan tan, panu baswain denaunen, me didad. 8Mewoi tan me gazo e mai Daz Tan e deblani.#Apos 1:19 9Meginge profet Jeremia ibollak me niŋon inau. I ibol, I gaŋmalan tirti me Israel ai tininoi naon denaulak#Sak 11:12, 13; Jer 32:6–9 10me deŋaleg bodkamaŋ inan tanoi detani, Ujanzen peteŋanaglak egin.
Pilatus Jesus sedazeime
11Jesus i gowerner naonnen itiuz. Gowerner i sedazeg ibol, O Juda nadin kiŋ? Jesus i ipai, O ubollak. 12Ge waliŋgatengaz matu mai tinin desaeg i to ibol.#Mat 26:63; Jes 53:7 13Meginge Pilatus i ipai, Azu funfun i owoi diboldime, me dab so paniume? 14Ge i auan so jabi, uf azu taimonoi so ibol. Meginge gowerner i gauz izut.#Joh 19:9
15Ubou ujan elon gowerner kagin ta uziime, i sebenekai ta mewoi i diboldime pasip tamolpain pinidinime. 16Saen melon sebenaekai ta biŋan salandaŋan imade, nean Barabas. 17I detemanilag Pilatus i pidin, It ŋepasip ŋepanaŋoi, Barabas, tea, Jesus, me Kristus deblanidime? 18I iloŋ i jenain isuklon diabilak. 19Ta mai, i betenaeknen pezatiulak matalmeg inan iwon totol ta inaug ise. I ipai, Tamol taoz ewoi mai so anau mon, ŋa gazomnen iwoi ŋaenmin alanged.#Mat 21:38; Joh 11:47, 48; 12:19 20Waliŋgaten matu mai i tamolpain malandaŋan Barabasoi digodoi, Jesus funip imatoi ladin depasi. 21Gowerner faun te pidin, Azuazu menen it menen it ŋepasip ŋepanaŋoi abol? I dibol, Barabas. 22Pilatus ipidin, Meginpe Jesusoi, me i Kristus deblanidime, ŋa dodin ŋenauwoi? I daŋan dibol, Segauz jakebazeklak zai. 23I ibol, Aitoi, abaŋte salan ta inaulak? Ge i gik dibolge diwog, Jakebazeklak zai.
24Meginge Pilatus mug iloŋ i inaunen tea, tamolai i mug wagai gauz denaudime, i naz ŋaleg tamolai malanzen meladinlon niman flanig ibol, Tamol e inan daz ŋa tinignen teaboi, aŋ sebami.#Deut 21:6 25Tamolai daŋan auan diabig dibol, Inan daz am mai, nunumagaz mai toanamawoi.#Apos 5:28; Mat 23:35 26Meginge i Barabas pasi pinidin, Jesus ibitig dezaiwoi ipinidin.
27Uzig gowerner inan opas Jesus betenaekablon duduzig ileg daup ujan daŋan izinnen detemani. 28Inan jamel depasig dazan guzeb ta dipila depani. 29Faiag ta deŋaleg talit egin denaug gatenlon dunule depani, dugudin disibinia didug dogodoani egin denaug dibol, O Juda nadin kiŋ, am pez apanoame. 30I dujusunig tok dowozaig lasen detaze.#Jes 50:6 31I naon dikibiani dibinilag i jamel melaen dazan guzeb depasig siben inan jamel dipila depanig dezaiwoi duduzig dile.
Jesus duduzig Golgatanen dezai
32I didug dilemeg i tamol ta mai naon tazetaze, i Kirenewain, nean Simon, me jakebazek gegaun depanig joaze. 33I fatu ta nean Golgata, me fun lasen inan aben, men ditaseg 34i wain kisipandaŋan ta depani. Ge i musi nasig i so imili.#Kan 69:22 35I dezai dibinig i inan jamel gaŋmalan egin dititig leŋadinlon dewaeg deŋale.#Kan 22:19 36Meginge i dematal men ditizinig demade. 37Gaten fon jawadan degaze, megin: E me Jesus, Juda nadin kiŋ. 38Wagaitamol azugen i maig dezai, ta waŋlon ta ŋaslon.#Jes 53:12 39I me denenazig dilemeg i dizan dewaig, getadin detanig depanimeg#Kan 22:8; 109:25 40dibol, O Anut inan tempel pitiŋinip nal tolpa faun sasenen uloŋ, o sibe patu pasipe. O Anut aitap, jakebazeklakpa udu.#Joh 2:19 41Waliŋgatengaz, gazekmaŋau matugaz mai dizawaik depanimeg dibol, 42Aenta putudin pasilak, i siben patun pasinen so iloŋ. I Israel nadin kiŋ gazo e jakebazeklakpa idupe, id i ilodlon malikoi. 43I Anut inau paniime. Anut segauz patun pasiwoi, i iwoi iboltap, i ibollakoi, Ŋa Anut inan Ai.#Kan 22:9 44Wagaitamol i maig dezailak me mai megin mon dizan dewai.
Jesus imat
45Admetelaen 12 fatu jabi idug mafuz panig ileg admetelaen 3 iduse. 46Admetelaen 3‐lon Jesus iwogge ibol, Eli, Eli lama sabaktani? Me fun, Ŋainag Anut, ŋainag Anut, dodinge o ŋa binaglak?#Kan 22:2; Jes 53:2–9 47Aenta melak demademeg diloŋge dibol, I Elias wagiime. 48Ilonnen ta palu ile, masnen mames ŋaleg iseg nazlon buig toklon isaeg auanlon inaug imili.#Kan 69:22 49Ge aenta dibol, Mademap tenasiwoi, Elias isop patun pasiwoi tat. 50Jesus faun te auan ujanlon iwogge inan uz ibinig ile.
Abaŋ kubel ta Jesus inan mateŋ uzi
51Nasi, tempellon jamel ujan geg denaulak me besesali azugen latnenge idug tanlak tapas, tan inini. Pat siben tezepale maig#Ekso 26:31; Heb 10:19, 20 52fedafod me gigia, gungaz kin kuzum get dien padallak tinidin fuŋunag dimais. 53I Jesus inan tiziaunen uzig fedafodlonge panu gunlon dileg kuzum zidinnen ditase.#Apos 26:23; Dan 12:2
54Opasgaten, aenta mai i Jesus ditizinimeg tan ninig abaŋ aenta mai inaumeg denasig i gauz dizutge dibol, Malik mok, i Anut ai talakge imat pasi.
55Pain Kuzum mai demade, kin ibennen abaŋ dab depani, i me Galileanenge duzig bian depalumeg diselak.#Luk 8:2, 3 56I ilonnen Maria Magdalena, Maria, Jakobus Josef mai tinadin, Sebedeus inan nanunai nadin tinadin mai.#Mat 20:20
Josef, Arimatiawain, Jesus inau
57Juzameg tamol filiandaŋan nean Josef, Arimatianenge ise. I me Jesus inan meglaum ta.#Ekso 34:25 58I Pilatus izinnen Jesus inan sesanunoi igodoi ile. Pilatus i ipaniwoi azu inaug ile. 59Josef sesanun ŋaleg jamel kebazan ikoklon puzig, 60siben inan fedafod faun me i get patlon ipasilak melon inau. I pat ujan lilig ileg fedafod auan segemani binig ile.#Jes 53:9 61Maria Magdalena, Maria ta mai fedafod dedaŋeg dematal.
62Kibineknen nal uzig waliŋgaten farisea mai Pilatus naonnen detemanig dibol, 63Tamoluja, am lama isou, sekaukwain baslon ibol, Nal tolpa faun ŋamaisoi.#Mat 12:40; Kor II 2:6, 8 64Mewoi ubolpa nal tollon inan malan ditiziniwoi, inan ai disop so deŋalewoi. Gazop tamolai dipidinoi, Imatlak imais e diboloi. Meginmap sekauk get zezaun egin gazop metalun mok ta denauwoi.#Mat 12:15 65Pilatus pidin, Opas e aŋalpa ala malan ditizini gauai. 66Meginge i dileg patlak bagoz denaug opas dipidinge i fedafod ditizini.#Dan 6:18
New Testament published by the British and Foreign Bible Society in 1960. Genesis published by the Australian Bible Society in 1971.