Mateus 13
13
Abaŋ fabuloi Jesus azu faŋan ibol
1Jesus nal melon ablakge tapas idug wililuk laŋten imatal. 2Tamolpain malan ujanzen lol depasig izinnen ditaseg i waglak iduseg matal. Tamolpain malan ujanzen me daŋan laŋten ditiuz, 3i abaŋ kuzum azu faŋanlon ipidin ibol, Nasi, saektamol fabul patun sezanewoi ile. 4I sezanemeg fabul aenta dal gezaŋenlon dibal didu. Ma diseg me dunua. 5Ge aenta tan patdaŋanlak dibal didu, me tan gauz tea. Me buntaimon disa, i tan tig tealakoi. 6Ge ad itaseg i nunutag demakaz, i dubudin tealakoi. 7Fabul aenta faiag ilonnen dibal didu, ge faiag isag melon i dedadag. 8Aenta tan gauailon dibal didu, niŋon inau, aenta hundertpa, aenta sikstipa, aenta tirtipa. 9Tata i tiliŋandaŋan me iloŋoi.
Azu faŋan inan fun
10Inan meglaum diseg depai, Aitoige azu faŋanlon pidinume? 11I auadin jabig ibol, Aŋ bo didnen kiŋdom inan fun toaneklak me aloŋoi panaŋlak, ge i so pinidinlak. 12Ta i iloŋnendaŋan me ta mai ipaniwoi, i subuŋandaŋan madowoi. Ge i me iloŋnen tealak, me inan iloŋnen kinkin ienime me mai wozaiwoi.#Mat 25:29; Mar 4:25; Luk 8:18 13Mewoi ŋa azu faŋanlon azu ŋipidinŋame, i denasimeg so denasidime, azu diloŋmeg i bubudinlon so diloŋdime, azu fun mai dab so depani.#Deut 29:3 14I‐lon malik Jesaia inan azu imugseg ibollak me niŋon inau, me ibol, Tiliŋamilon aloŋmap aloŋoi, ge inan fun dab so apaniwoi. 15Tamolpain e nadin bubudin bekanilakoi, tiliŋadinlon diloŋnen muzuanlak, meladin denaug kadum, teatap i meladinlon denasiwoi, tiliŋadinlon diloŋoi, bubudinlon dab depaniwoi, i didiŋiagpa ŋa i ŋikibiniawoi. 16Nami melami inasilakoi, tiliŋami iloŋlakoi i patun isap ienoi.#Luk 10:23, 24 17Malik, ŋa aŋ ŋepaiaŋ, profet kuzum tamol taoz mai abaŋ aŋ ailame me diloi tinidin denaug demade, ge so dillak, abaŋ aŋ aloŋame tiliŋadinlon diloŋoi ge so diloŋlak.
Azu faŋan ibollak iflale
18Mewoi fabul sezanekoi azu faŋan aloŋ. 19Tata kiŋdomoi azu tiliŋadinlon diloŋpa ge inan fun dab so depanimap salanbibian i isop fabul bubenlon ipaelak me wozaiime. E me dal gezaŋenlon ipaelak me. 20Ge me i tan patdaŋanlak melon sezanelak i azu iloŋime buntaimon jaun isag ŋaleime. 21Ge i sibenlon dabin tea, saen kitek ta kin mon segatig madoime, ge azuoi modoanek ŋalek uzek mai itasemap buntaimon i Anut miz paniime. 22Fabul patun faiaglon sezanelak i azu iloŋime, ge tan inan jaeŋ funek, filian inan sewozaik azu me stoanimap i niŋon so inauime.#Mat 6:19–34; Tim I 6:9 23Ge me i tan gauailon sezanelak i azu tiliŋanlon iloŋime, fun mai dab paniime. I niŋon inauime, aenta hundertpa, aenta sikstipa, aenta tirtipa.
Bazalon ud mai isa
24Azu faŋan ta mai ipidin, ibol, Didnen kiŋdom i tamol ta kilian, me i inan umlon fabul patun gauai sezanelak.#Mat 13:36 25Ge ileg idozmeg inan agez iseg baza ilonlon ud mai isezaneg ile.#Mar 4:27 26Ge fabul inan nabun isameg niŋon inaug ud mai ditase. 27Begabeg diseg nadin abfun depai, Tamoluja, o oina umlon fabul gauai so upae tat? Mewoi ud me domtenge ditase? 28I pidin, Agez i inaulak. Begabeg i depai, O uboltap am alap azabpa atemaniwoi? 29I ibol, Tea, aŋ ud azabetap aŋ baza mai azaboi tat. 30Auzun segauz temanip disap melaunsaenlonpa. Melaunsaenlon niŋon ŋalekai ŋipidinoi, Malanmalan ud atemanip atebazep amazi, ge baza me inag badlon idizi.#Mat 3:12
Didnen kiŋdom me mustard patun egin
31Azu faŋan ta ipidin ibol, Didnen kiŋdom me mustard patun egin. Tamol ta iŋaleg inan umlon ipae. 32Patun aenta daŋan me i egin mitin tea, ge isamap i sagau aenta nenazap ja egin inauime, Meginpe ma did paenlon me disop inan zaenlak nadin uz denaudime.
Didnen kiŋdom me sepalaŋ didinen abaŋ egin
33Azu faŋan ta ipidin ibol, Didnen kiŋdom me sepalaŋ didinen abaŋ egin, me pain ta iŋaleg kau tenaek tol mai kubulig ileg mug daŋan isol pasi.#Luk 13:20, 21 34E daŋan Jesus tamolpain azu faŋanlon ipidin, azu faŋan tealon i azu ta so ipidin.#Mar 4:33, 34 35Azu ta melon niŋon inauwoi, profet ta ibollak: Ŋa azu faŋanlon auag ŋubufatewoi, abaŋ funlonge miŋianig ienlak me ŋaboloi.#Kan 78:2
Ud umlon isalak inan flalek
36Meginge i tamolpain malan ujan me ibinge ablak iduse. Inan meglaum izinnen diseg dibol, Um inan udoi azu faŋan flalep penama.#Mat 13:24–30 37I auadin jabig ibol, Me i fabul gauai ipaeime me Tamolai. 38Um me fatufatu. Fabul gauai me Anut inan kiŋdom inan nanungaz. Ud me salantaman inan nanungaz.#Kor I 3:9 39Agez me sizinialak me Satan. Melaunsaen me saen wadan. Niŋon ŋalekai me eŋelgaz. 40Ud detemanig jalon demazilak egin, megin saen wadanlon iduwoi. 41Tamolai i inan eŋelgaz inaupa dilap i inan kiŋdomlon ilopasek aupasekoi mai, salanbibian daŋan mai detemanap,#Mat 25:31–46 42ja inan abenlon siziniap dilawoi. Melak tiŋia iduwoi, liwodin mai grigra iboloi.#Mat 8:12 43Meginpe taozgaz ad egin nadin Temadin inan kaginlon nunutawoi. Me i tiliŋadindaŋan i iloŋoi.
Didnen kiŋdom me jes ta egin
44Didnen kiŋdom me jes egin me umlon miŋianig ienmeg tamol ta inasig ŋaleg pap ipani. Meginge zigemeg ileg inan abaŋ daŋan idad ileg um me idad ŋale.#Mat 19:29; Luk 14:33; Fil 3:7
Didnen kiŋdom me betabut egin
45Ta mai, didnen kiŋdom me dadeŋtamol egin me i betabut gizaud ibezani. 46Betabut dadeŋ gegaun ta inasilag inan abaŋ daŋan idad ileg me mon idad iŋale.#Met 8:10, 11
Didnen kiŋdom me kakaŋ egin
47Faun te didnen kiŋdom me kakaŋ egin, me i maslon tanig ij funfun didule.#Mat 22:9, 10 48Kakaŋ fuamge alouge dublak dezaeg dematalge dipiliani, gauai me tabiz talon didizle, ge salasala me desezaneg dile. 49Megin mai saen wadanlon iduwoi. Eŋelgaz dilap salasalagaz me taozgaz leŋadinlon demadodime me ibennen denaup#Mat 25:32 50ja inan abenlon disiziniap dilawoi. Melak tiŋia iduwoi, liwodin mai grigra iboloi. 51Aŋ abaŋ e daŋan aloŋ pasi? I depai, Au. 52I pidin, Mewoi gazekmaŋau daŋan i didnen kiŋdomoi kagin iŋalelak i abfun egin me i inan jeslonge niŋon faun getnen ta mai iŋalime.
Mezaupanugaz Jesus demeselani
53Jesus azu faŋan e ibol binig i imaisge ile. 54I inan mezaunfatulon itasemeg i nadin ubouablon azu flale pinidin. Meginge i dizutge dibol, Tamol e kaginkagin tiwon inan nauknauk mai domten iŋale? 55I ab inan sasekkamaŋ inan ai tea tat? Inan tinan me Maria so deblanidime? Jakobus, Josef, Simon Judas mai inan tain tea tat? 56Inan liungaz i id maig so temadotame tat? Mewoi Tamol e abaŋ e daŋan domten iŋallak?#Joh 7:15, 22 57I‐lon mugek itase. Ge Jesus ipidin, Profet i biŋandaŋan, ge inan mezaunfatulon tea, inangaz ilonnen mai tea.#Joh 4:44 58I melak nauknauk ujan kuzum so inau, i ladinlon so malikimelakoi.
Currently Selected:
Mateus 13: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 13
13
Abaŋ fabuloi Jesus azu faŋan ibol
1Jesus nal melon ablakge tapas idug wililuk laŋten imatal. 2Tamolpain malan ujanzen lol depasig izinnen ditaseg i waglak iduseg matal. Tamolpain malan ujanzen me daŋan laŋten ditiuz, 3i abaŋ kuzum azu faŋanlon ipidin ibol, Nasi, saektamol fabul patun sezanewoi ile. 4I sezanemeg fabul aenta dal gezaŋenlon dibal didu. Ma diseg me dunua. 5Ge aenta tan patdaŋanlak dibal didu, me tan gauz tea. Me buntaimon disa, i tan tig tealakoi. 6Ge ad itaseg i nunutag demakaz, i dubudin tealakoi. 7Fabul aenta faiag ilonnen dibal didu, ge faiag isag melon i dedadag. 8Aenta tan gauailon dibal didu, niŋon inau, aenta hundertpa, aenta sikstipa, aenta tirtipa. 9Tata i tiliŋandaŋan me iloŋoi.
Azu faŋan inan fun
10Inan meglaum diseg depai, Aitoige azu faŋanlon pidinume? 11I auadin jabig ibol, Aŋ bo didnen kiŋdom inan fun toaneklak me aloŋoi panaŋlak, ge i so pinidinlak. 12Ta i iloŋnendaŋan me ta mai ipaniwoi, i subuŋandaŋan madowoi. Ge i me iloŋnen tealak, me inan iloŋnen kinkin ienime me mai wozaiwoi.#Mat 25:29; Mar 4:25; Luk 8:18 13Mewoi ŋa azu faŋanlon azu ŋipidinŋame, i denasimeg so denasidime, azu diloŋmeg i bubudinlon so diloŋdime, azu fun mai dab so depani.#Deut 29:3 14I‐lon malik Jesaia inan azu imugseg ibollak me niŋon inau, me ibol, Tiliŋamilon aloŋmap aloŋoi, ge inan fun dab so apaniwoi. 15Tamolpain e nadin bubudin bekanilakoi, tiliŋadinlon diloŋnen muzuanlak, meladin denaug kadum, teatap i meladinlon denasiwoi, tiliŋadinlon diloŋoi, bubudinlon dab depaniwoi, i didiŋiagpa ŋa i ŋikibiniawoi. 16Nami melami inasilakoi, tiliŋami iloŋlakoi i patun isap ienoi.#Luk 10:23, 24 17Malik, ŋa aŋ ŋepaiaŋ, profet kuzum tamol taoz mai abaŋ aŋ ailame me diloi tinidin denaug demade, ge so dillak, abaŋ aŋ aloŋame tiliŋadinlon diloŋoi ge so diloŋlak.
Azu faŋan ibollak iflale
18Mewoi fabul sezanekoi azu faŋan aloŋ. 19Tata kiŋdomoi azu tiliŋadinlon diloŋpa ge inan fun dab so depanimap salanbibian i isop fabul bubenlon ipaelak me wozaiime. E me dal gezaŋenlon ipaelak me. 20Ge me i tan patdaŋanlak melon sezanelak i azu iloŋime buntaimon jaun isag ŋaleime. 21Ge i sibenlon dabin tea, saen kitek ta kin mon segatig madoime, ge azuoi modoanek ŋalek uzek mai itasemap buntaimon i Anut miz paniime. 22Fabul patun faiaglon sezanelak i azu iloŋime, ge tan inan jaeŋ funek, filian inan sewozaik azu me stoanimap i niŋon so inauime.#Mat 6:19–34; Tim I 6:9 23Ge me i tan gauailon sezanelak i azu tiliŋanlon iloŋime, fun mai dab paniime. I niŋon inauime, aenta hundertpa, aenta sikstipa, aenta tirtipa.
Bazalon ud mai isa
24Azu faŋan ta mai ipidin, ibol, Didnen kiŋdom i tamol ta kilian, me i inan umlon fabul patun gauai sezanelak.#Mat 13:36 25Ge ileg idozmeg inan agez iseg baza ilonlon ud mai isezaneg ile.#Mar 4:27 26Ge fabul inan nabun isameg niŋon inaug ud mai ditase. 27Begabeg diseg nadin abfun depai, Tamoluja, o oina umlon fabul gauai so upae tat? Mewoi ud me domtenge ditase? 28I pidin, Agez i inaulak. Begabeg i depai, O uboltap am alap azabpa atemaniwoi? 29I ibol, Tea, aŋ ud azabetap aŋ baza mai azaboi tat. 30Auzun segauz temanip disap melaunsaenlonpa. Melaunsaenlon niŋon ŋalekai ŋipidinoi, Malanmalan ud atemanip atebazep amazi, ge baza me inag badlon idizi.#Mat 3:12
Didnen kiŋdom me mustard patun egin
31Azu faŋan ta ipidin ibol, Didnen kiŋdom me mustard patun egin. Tamol ta iŋaleg inan umlon ipae. 32Patun aenta daŋan me i egin mitin tea, ge isamap i sagau aenta nenazap ja egin inauime, Meginpe ma did paenlon me disop inan zaenlak nadin uz denaudime.
Didnen kiŋdom me sepalaŋ didinen abaŋ egin
33Azu faŋan ta ipidin ibol, Didnen kiŋdom me sepalaŋ didinen abaŋ egin, me pain ta iŋaleg kau tenaek tol mai kubulig ileg mug daŋan isol pasi.#Luk 13:20, 21 34E daŋan Jesus tamolpain azu faŋanlon ipidin, azu faŋan tealon i azu ta so ipidin.#Mar 4:33, 34 35Azu ta melon niŋon inauwoi, profet ta ibollak: Ŋa azu faŋanlon auag ŋubufatewoi, abaŋ funlonge miŋianig ienlak me ŋaboloi.#Kan 78:2
Ud umlon isalak inan flalek
36Meginge i tamolpain malan ujan me ibinge ablak iduse. Inan meglaum izinnen diseg dibol, Um inan udoi azu faŋan flalep penama.#Mat 13:24–30 37I auadin jabig ibol, Me i fabul gauai ipaeime me Tamolai. 38Um me fatufatu. Fabul gauai me Anut inan kiŋdom inan nanungaz. Ud me salantaman inan nanungaz.#Kor I 3:9 39Agez me sizinialak me Satan. Melaunsaen me saen wadan. Niŋon ŋalekai me eŋelgaz. 40Ud detemanig jalon demazilak egin, megin saen wadanlon iduwoi. 41Tamolai i inan eŋelgaz inaupa dilap i inan kiŋdomlon ilopasek aupasekoi mai, salanbibian daŋan mai detemanap,#Mat 25:31–46 42ja inan abenlon siziniap dilawoi. Melak tiŋia iduwoi, liwodin mai grigra iboloi.#Mat 8:12 43Meginpe taozgaz ad egin nadin Temadin inan kaginlon nunutawoi. Me i tiliŋadindaŋan i iloŋoi.
Didnen kiŋdom me jes ta egin
44Didnen kiŋdom me jes egin me umlon miŋianig ienmeg tamol ta inasig ŋaleg pap ipani. Meginge zigemeg ileg inan abaŋ daŋan idad ileg um me idad ŋale.#Mat 19:29; Luk 14:33; Fil 3:7
Didnen kiŋdom me betabut egin
45Ta mai, didnen kiŋdom me dadeŋtamol egin me i betabut gizaud ibezani. 46Betabut dadeŋ gegaun ta inasilag inan abaŋ daŋan idad ileg me mon idad iŋale.#Met 8:10, 11
Didnen kiŋdom me kakaŋ egin
47Faun te didnen kiŋdom me kakaŋ egin, me i maslon tanig ij funfun didule.#Mat 22:9, 10 48Kakaŋ fuamge alouge dublak dezaeg dematalge dipiliani, gauai me tabiz talon didizle, ge salasala me desezaneg dile. 49Megin mai saen wadanlon iduwoi. Eŋelgaz dilap salasalagaz me taozgaz leŋadinlon demadodime me ibennen denaup#Mat 25:32 50ja inan abenlon disiziniap dilawoi. Melak tiŋia iduwoi, liwodin mai grigra iboloi. 51Aŋ abaŋ e daŋan aloŋ pasi? I depai, Au. 52I pidin, Mewoi gazekmaŋau daŋan i didnen kiŋdomoi kagin iŋalelak i abfun egin me i inan jeslonge niŋon faun getnen ta mai iŋalime.
Mezaupanugaz Jesus demeselani
53Jesus azu faŋan e ibol binig i imaisge ile. 54I inan mezaunfatulon itasemeg i nadin ubouablon azu flale pinidin. Meginge i dizutge dibol, Tamol e kaginkagin tiwon inan nauknauk mai domten iŋale? 55I ab inan sasekkamaŋ inan ai tea tat? Inan tinan me Maria so deblanidime? Jakobus, Josef, Simon Judas mai inan tain tea tat? 56Inan liungaz i id maig so temadotame tat? Mewoi Tamol e abaŋ e daŋan domten iŋallak?#Joh 7:15, 22 57I‐lon mugek itase. Ge Jesus ipidin, Profet i biŋandaŋan, ge inan mezaunfatulon tea, inangaz ilonnen mai tea.#Joh 4:44 58I melak nauknauk ujan kuzum so inau, i ladinlon so malikimelakoi.
New Testament published by the British and Foreign Bible Society in 1960. Genesis published by the Australian Bible Society in 1971.