Mateus 12
12
Jesus fariseagaz ubou naloi ibebana
1Saen melon Jesus ubounallon um ta aten tezepaleg ile. Inan meglaum pitol ifug i dimaisge niŋon dunueg diani. 2Ge fariseagaz me denasig depai, Nasi, oina meglaum denaudime me ubou inan kagin so duzidime.#Ekso 20:10 3Ge i pidin, Dawid inan daup mai pitol ifumeg i inaulak aŋ so usuti?#Sam I 21:7 4I Anut inan ablon iduleg pez panek inan sepalaŋ me jani, me i inan daup mai dianinen tealak, tea, waliŋtamol sebadin mon dianiwoi?#Lew 24:9 5Aŋ kibiaiŋlon so usuti tat, waliŋtamol tempellon ubou debenenaidime me tinidinnen ja tea?#Num 28:9 6Ge ŋa aŋ ŋepaiaŋ, Ta elak madoime i tempel beleŋaniime. 7Ge aŋ abaŋ ewoi azu gauai aloŋpe, Ŋa teŋae alannenoi ŋabol, janaukoi tea, me fun aloŋpe aŋ i tinidinnen tealak me so ameselanape.#Mat 9:13; Hosea 6:6 8Tamolai i ubou inan Ujanzenlakoi.
Tamol niman miliaudaŋan Jesus Uboulon kibine
9I menge ileg nadin ubouablon idule. 10Nasi, tamol ta niman miliaudaŋan melak imade. I desedazeg dibol, Ubou nallon maiai kibineknen me kagin tat? I depeneŋaniwoi mewoi.#Luk 14:3 11Ge i pidin, Aŋ tamol it tat belelek taimondaŋan, me i uboulon loflon ibal idutap i so jabip bisa ŋalewoi? 12Tamol bo dodin belelek beleŋanig ujan? Me sinan uboulon gauai tenaunen me kagin.#Luk 14:5 13Meginge i tamol ipai, Oina nima wote. I woteg aenta egin faun gauai. 14Ge fariseagaz tapas didug iwoi detemanig dikibiai, dodin mon i dufunip imatoi.#Joh 5:16
Jesus ŋalek uzekoi isaziz
15Jesus me iloŋge i menge sazizge ile. Kuzum i duzidime. I maiailak me daŋan ikibinia. 16I kibiai pinidin, i beŋten so denauwoi.#Mat 8:4; Jes 42:1–4 17Profet Jesaia ibollak niŋon inauwoi me ibol,#Mat 3:17 18Nasi, ŋainag uzatai ŋa ŋipilianilak, inag bubeg, iwoi nitug gamun funiime. Ŋa inag Uz i fonlak ŋenaup iduwoi, i gobgaz betenaek taozoi azu ipidinoi. 19I pusaik tea, so iboboi, inan auan dallak so diloŋoi. 20Gezazad loan tiziŋinilak me i so pisiniwoi, lamp inan mol inan nanek malan jabilak me so sufuniwoi, i me inaup ilap inan betenaek taoz seŋanip itasawoi eginmap. 21Inan neanlon gobgaz dusuzuazoudime.
Farisea Jesus Beelsebub tininlon dizan dewai
22Meginge i ta buga salandaŋan i izinnen duduzig dise. I malan itau auan mai itau, me i kibineg auan itaulak azu ibol, abaŋ inasi maiime. 23Tamolpain malan ujan bezeteŋanag dibol, Me i Dawid inan ai tea tat? 24Ge farisea me diloŋge i dibol, E me Beelsebub, buga sladin nadin gaten neanlon mon buga sladin kuduaime.#Mat 9:34 25Inadin kankan iloŋmeg ipidin, Kiŋdom ta siben tezepalep malan ibeniben inauime me benenaip ienoi. Panu ta mai siben tezepalep inan boi nug siai demademap me iennen tea. 26Mewoi Satan i Satan kuduiime, i siben tezepalep inan boi diŋiamap inan kiŋdom dodin ienoi? 27Me ŋa Beelsebublon buga sladin ŋukuduamap nami ai aitlon dukuduadime? Mewoi i nami betenaekkamaŋ denauwoi. 28Ge ŋa Anut inan Uzlon buga sladin ŋukuduatap Anut inan kiŋdom aŋ ziminen idulak.#Joh I 3:8 29Ta i dodin tamol gegaun inan ablon idulap inan abaŋ zuaiwoi, i get tamol balif so ipaumap? Megin inaumap i inan abaŋ zuainen iloŋ.#Jes 49:24 30I ŋa mai teag i ŋa diŋiagime; i ŋa mai so atemaniame i sezaneime.#Mar 9:40; Joh 11:52
Anut inan Uz bitek me aupasek ujan mok
31Mewoi ŋa aŋ ŋepaiaŋ, tamolpain nadin aupasek daŋan, azu salan mai paze iduwoi, ge azu salan Uzoi me so paze iduwoi.#Heb 6:4, 6; 10:26; Joh I 5:10 32Ta i Tamolaioi azu salan ibolmap me paze iduknen paniwoi, ge me i Auanuzgunoi azu salan ibolime me so paze iduwoi, saen elon tea, saen loantapnen melon mai tea.#Luk 12:10; Tim I 1:13 33Ja anaup gauaimap inan niŋon me gauaioi, teamap, ja anaup salanmap inan niŋon mai salanoi, ja niŋonlon inan fun taloŋtamelakoi.#Mat 7:17 34Aŋ mot suzumen malandaŋan, aŋ slamimap aŋ dodin abaŋ gauai abolnen aloŋoi? Abaŋ melon buben fuamimelak menen auan ibollakoi. 35Tamol gauai inan jes gauailon abaŋ gauai beŋten inauime, ge tamol salan inan jes salanlon abaŋ salan beŋten inauime.#Luk 6:45; Mat 13:52 36Ge ŋa aŋ ŋepaiaŋ, Azu se daŋan me tamolpain diboldime mewoi betenaek nallon fun deflalewoi. 37Oina azulon taoz nuowoi, oina azulon meselanowoi.#Luk 19:22
Bagozoi tinidin denaug demadodime me Jesus bebana
38Meginge gazekmaŋau farisea mai taitai auan diabig dibol, Peteŋanek, o bagoz ta naup anasiwoi lama ibolime.#Mat 16:1 39Ge i auadin jabig pidin, Daz wozou e salan jaitdaŋan mai bagoz dedaleldime, ge bagoz ta so pinidinoi, tea, profet Jona inan bagoz me mon.#Mat 16:4 40Jona ad tol tidom tol ij ujan teŋaenlon madelak egin, megin Tamolai ad tol tidom tol tan ilonlon madowoi.#Jona 2:1 41Niniwe tamol daz wozou e mai betenaeklon dimaispa demeselanawoi, i Jona inan azuoi dutulufuna didaŋselakoi, ge nasi, ta i elak madoime i Jona beleŋaniime.#Jona 3:5 42Kwin ta jauan baŋenlonge betenaeklon daz wozou e mai dimaispa meselanawoi. I tan wadannenge Solomon inan maŋau iloŋoi ise, ge nasi, ta i elak madoime i Solomon beleŋaniime.#Kiŋ I 10:1–10
43Uzgataf tamol binip ilemap i fatu naz tealak me bufateg itozime, aben maloloi laŋaiime, ge so inasiime. 44Meginge ibol, Ŋainag ab ŋa ŋibinig ŋataselak melon ŋamulpa ŋalawoi. I ileg ab me se ien, gezeŋanilak, kibine mailak inasi. 45Meginge i ilaime uz sewen ta mai me i siben debeleŋanig sladin mok me iŋalge tamol me tininlon diduleg demadodime. Tamol me inan saen wadanlon mug salan mok imadoime, get madelak me beleŋani. Daz wozou salan e zidinnen mai megin iduwoi.#Pet II 2:20
Jesus inan taintauan
46I megin tamolpain malan ujan azu pidinmeg, nasi, inan tinan taingaz mai beŋten ditiuzge i mai dikibiaioi dibol.#Mat 13:55 47Ta i ipai, Ina tina taigaz mai o maip ikibiaiwoi beŋten demadodime.#Luk 2:49 48Ge ai i azu ipailak me auan jabig ibol, Ŋainag nen me it? Nainag taig me itgaz? 49I inan niman inan meglaum fodinlak iwoteg ibol, Nasi, e ŋainag nen, ŋainag taiggaz. 50Ta i ŋainag Mam didlon madoime inan auan uzi paniime, i ŋainag taig, liug nen mai.#Rom 8:29
Currently Selected:
Mateus 12: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Mateus 12
12
Jesus fariseagaz ubou naloi ibebana
1Saen melon Jesus ubounallon um ta aten tezepaleg ile. Inan meglaum pitol ifug i dimaisge niŋon dunueg diani. 2Ge fariseagaz me denasig depai, Nasi, oina meglaum denaudime me ubou inan kagin so duzidime.#Ekso 20:10 3Ge i pidin, Dawid inan daup mai pitol ifumeg i inaulak aŋ so usuti?#Sam I 21:7 4I Anut inan ablon iduleg pez panek inan sepalaŋ me jani, me i inan daup mai dianinen tealak, tea, waliŋtamol sebadin mon dianiwoi?#Lew 24:9 5Aŋ kibiaiŋlon so usuti tat, waliŋtamol tempellon ubou debenenaidime me tinidinnen ja tea?#Num 28:9 6Ge ŋa aŋ ŋepaiaŋ, Ta elak madoime i tempel beleŋaniime. 7Ge aŋ abaŋ ewoi azu gauai aloŋpe, Ŋa teŋae alannenoi ŋabol, janaukoi tea, me fun aloŋpe aŋ i tinidinnen tealak me so ameselanape.#Mat 9:13; Hosea 6:6 8Tamolai i ubou inan Ujanzenlakoi.
Tamol niman miliaudaŋan Jesus Uboulon kibine
9I menge ileg nadin ubouablon idule. 10Nasi, tamol ta niman miliaudaŋan melak imade. I desedazeg dibol, Ubou nallon maiai kibineknen me kagin tat? I depeneŋaniwoi mewoi.#Luk 14:3 11Ge i pidin, Aŋ tamol it tat belelek taimondaŋan, me i uboulon loflon ibal idutap i so jabip bisa ŋalewoi? 12Tamol bo dodin belelek beleŋanig ujan? Me sinan uboulon gauai tenaunen me kagin.#Luk 14:5 13Meginge i tamol ipai, Oina nima wote. I woteg aenta egin faun gauai. 14Ge fariseagaz tapas didug iwoi detemanig dikibiai, dodin mon i dufunip imatoi.#Joh 5:16
Jesus ŋalek uzekoi isaziz
15Jesus me iloŋge i menge sazizge ile. Kuzum i duzidime. I maiailak me daŋan ikibinia. 16I kibiai pinidin, i beŋten so denauwoi.#Mat 8:4; Jes 42:1–4 17Profet Jesaia ibollak niŋon inauwoi me ibol,#Mat 3:17 18Nasi, ŋainag uzatai ŋa ŋipilianilak, inag bubeg, iwoi nitug gamun funiime. Ŋa inag Uz i fonlak ŋenaup iduwoi, i gobgaz betenaek taozoi azu ipidinoi. 19I pusaik tea, so iboboi, inan auan dallak so diloŋoi. 20Gezazad loan tiziŋinilak me i so pisiniwoi, lamp inan mol inan nanek malan jabilak me so sufuniwoi, i me inaup ilap inan betenaek taoz seŋanip itasawoi eginmap. 21Inan neanlon gobgaz dusuzuazoudime.
Farisea Jesus Beelsebub tininlon dizan dewai
22Meginge i ta buga salandaŋan i izinnen duduzig dise. I malan itau auan mai itau, me i kibineg auan itaulak azu ibol, abaŋ inasi maiime. 23Tamolpain malan ujan bezeteŋanag dibol, Me i Dawid inan ai tea tat? 24Ge farisea me diloŋge i dibol, E me Beelsebub, buga sladin nadin gaten neanlon mon buga sladin kuduaime.#Mat 9:34 25Inadin kankan iloŋmeg ipidin, Kiŋdom ta siben tezepalep malan ibeniben inauime me benenaip ienoi. Panu ta mai siben tezepalep inan boi nug siai demademap me iennen tea. 26Mewoi Satan i Satan kuduiime, i siben tezepalep inan boi diŋiamap inan kiŋdom dodin ienoi? 27Me ŋa Beelsebublon buga sladin ŋukuduamap nami ai aitlon dukuduadime? Mewoi i nami betenaekkamaŋ denauwoi. 28Ge ŋa Anut inan Uzlon buga sladin ŋukuduatap Anut inan kiŋdom aŋ ziminen idulak.#Joh I 3:8 29Ta i dodin tamol gegaun inan ablon idulap inan abaŋ zuaiwoi, i get tamol balif so ipaumap? Megin inaumap i inan abaŋ zuainen iloŋ.#Jes 49:24 30I ŋa mai teag i ŋa diŋiagime; i ŋa mai so atemaniame i sezaneime.#Mar 9:40; Joh 11:52
Anut inan Uz bitek me aupasek ujan mok
31Mewoi ŋa aŋ ŋepaiaŋ, tamolpain nadin aupasek daŋan, azu salan mai paze iduwoi, ge azu salan Uzoi me so paze iduwoi.#Heb 6:4, 6; 10:26; Joh I 5:10 32Ta i Tamolaioi azu salan ibolmap me paze iduknen paniwoi, ge me i Auanuzgunoi azu salan ibolime me so paze iduwoi, saen elon tea, saen loantapnen melon mai tea.#Luk 12:10; Tim I 1:13 33Ja anaup gauaimap inan niŋon me gauaioi, teamap, ja anaup salanmap inan niŋon mai salanoi, ja niŋonlon inan fun taloŋtamelakoi.#Mat 7:17 34Aŋ mot suzumen malandaŋan, aŋ slamimap aŋ dodin abaŋ gauai abolnen aloŋoi? Abaŋ melon buben fuamimelak menen auan ibollakoi. 35Tamol gauai inan jes gauailon abaŋ gauai beŋten inauime, ge tamol salan inan jes salanlon abaŋ salan beŋten inauime.#Luk 6:45; Mat 13:52 36Ge ŋa aŋ ŋepaiaŋ, Azu se daŋan me tamolpain diboldime mewoi betenaek nallon fun deflalewoi. 37Oina azulon taoz nuowoi, oina azulon meselanowoi.#Luk 19:22
Bagozoi tinidin denaug demadodime me Jesus bebana
38Meginge gazekmaŋau farisea mai taitai auan diabig dibol, Peteŋanek, o bagoz ta naup anasiwoi lama ibolime.#Mat 16:1 39Ge i auadin jabig pidin, Daz wozou e salan jaitdaŋan mai bagoz dedaleldime, ge bagoz ta so pinidinoi, tea, profet Jona inan bagoz me mon.#Mat 16:4 40Jona ad tol tidom tol ij ujan teŋaenlon madelak egin, megin Tamolai ad tol tidom tol tan ilonlon madowoi.#Jona 2:1 41Niniwe tamol daz wozou e mai betenaeklon dimaispa demeselanawoi, i Jona inan azuoi dutulufuna didaŋselakoi, ge nasi, ta i elak madoime i Jona beleŋaniime.#Jona 3:5 42Kwin ta jauan baŋenlonge betenaeklon daz wozou e mai dimaispa meselanawoi. I tan wadannenge Solomon inan maŋau iloŋoi ise, ge nasi, ta i elak madoime i Solomon beleŋaniime.#Kiŋ I 10:1–10
43Uzgataf tamol binip ilemap i fatu naz tealak me bufateg itozime, aben maloloi laŋaiime, ge so inasiime. 44Meginge ibol, Ŋainag ab ŋa ŋibinig ŋataselak melon ŋamulpa ŋalawoi. I ileg ab me se ien, gezeŋanilak, kibine mailak inasi. 45Meginge i ilaime uz sewen ta mai me i siben debeleŋanig sladin mok me iŋalge tamol me tininlon diduleg demadodime. Tamol me inan saen wadanlon mug salan mok imadoime, get madelak me beleŋani. Daz wozou salan e zidinnen mai megin iduwoi.#Pet II 2:20
Jesus inan taintauan
46I megin tamolpain malan ujan azu pidinmeg, nasi, inan tinan taingaz mai beŋten ditiuzge i mai dikibiaioi dibol.#Mat 13:55 47Ta i ipai, Ina tina taigaz mai o maip ikibiaiwoi beŋten demadodime.#Luk 2:49 48Ge ai i azu ipailak me auan jabig ibol, Ŋainag nen me it? Nainag taig me itgaz? 49I inan niman inan meglaum fodinlak iwoteg ibol, Nasi, e ŋainag nen, ŋainag taiggaz. 50Ta i ŋainag Mam didlon madoime inan auan uzi paniime, i ŋainag taig, liug nen mai.#Rom 8:29
New Testament published by the British and Foreign Bible Society in 1960. Genesis published by the Australian Bible Society in 1971.