Johanes 9
9
Ai ta malan itaulak abaŋ nasiime
1Jesus igegge ilemeg i tamol ta nasi me dazlonge malan itaulak.#Apos 3:2 2Inan meglaum desedazeg dibol, Tamoluja, it auipas, ai e tat, tea, tinan taman tat, mewoi malan itauge inaulak?#Luk 13:2 3Jesus ibol, Tamol e mai, tinan taman mai au so dipas tea, i‐lon Anut inan nauknauk boboloanip iduwoi mewoi megin inaulak.#Joh 11:4 4Me i noagge ŋaselak me inan nauknauk id tenau mokoi, tidom iduime melon ta uzat inaunen tea.#Joh 5:17, 20; 11:9 5Ŋa tan fatulon ŋemademap saen melon ŋa fatu e inan sul.#Joh 8:12 6I megin ibolmeg i tanlak jasug nalog inaug ai malan itaulak me malan bubuni.#Mar 8:23 7I ipaig ibol, Ulap naz Siloamlon flani. Naz nean fun me Naug Iselak me. Mewoi i ileg flanig malan po ibolmeg imul. 8Meginlakoi mudubangaz, aenta mai i malan itaulak me get gadiŋ naon janimeg denasilak, i dibol, I me so tat se igodmeg matallak me. 9Aenta dibol, I ŋan me. Aenta dibol, Tea, ai a me i egin. Ge i ibol, Tea, ŋa ŋan ie. 10Meginge i depai, Dodin oina mala po ibol? 11I auadin jabig ibol, Tamol nean Jesus i nalog inaug ŋainag malag bubunig ipaiag, O nas Siloamlon ulap flani. Me ŋa ŋaleg ŋeflanig malag po ibol. 12Me i depai, I domten? I ibol, Ŋa so ŋaloŋ.
Farisea fun diloŋoi desedazedime
13I malan itaulak me farisea zidinnen duduzig dile.#Joh 5:9 14Nal Jesus nalog inaug ai malan po ibollak me ubou. 15Meginge farisea i mai desedaze, i dodin inaug malan po ibollak. I pidin, I nalog malaglak inaug ŋeflanig abaŋ ŋenasiŋame. 16Meginge farisea aenta dibol, E Anut inan tamol tea, i ubou gun so inauime. Aenta dibol, Tamol i aupasekdaŋan i dodin bagoz megin inaunen iloŋ? I mug malan azugen denau.#Joh 7:43; Joh 9:31, 33 17Meginge i malan itaulak me depai, O iwoi dodin ubol, i inaug mala po ibollakoi? I ibol, I profet.
18Meginge Judagaz i tinan taman so diwigidin disidiziameg i ai me get malan itau gazo po ibollak me ladinlon so malik. 19I sidiziag dipidin, E me aŋnami ai, me aŋ abol i malan itaulak? Me dodin i gazo abaŋ nasinen iloŋ? 20Inan tinan taman auadin diabig dibol, E me amnama ai me am aloŋ, i dazlonge malan itaulak me mai aloŋ. 21Ge dodin gazomnen abaŋ nasinen iloŋ me so aloŋ, me inan malan inaug po ibollak mai so aloŋ. I mug ai gauai, i sedaze, i siben dadonoi iboloi. 22Tinan taman Judagazoi dizezge azu e dibol. Judagaz wagam ladin taimon, tata i iwoi dibol, i Kristus, i sinagoglon depasiwoi.#Joh 7:13; 12:42 23Mewoilakoi tinan taman dibol, I mug ai gauai, i sedaze.
24Faun te malan itaulak me dewagig depai, Anut biŋan bisa, am aloŋ tamol e i aupasekbibian.#Jos 7:19 25I auadin jabig ibol, I aupasekbibian tat, tea, ŋa so ŋaloŋ: abaŋ taimon me ŋaloŋ, get malag itaulak me gazo abaŋ ŋenasinen ŋaloŋ. 26I faun mug depai, I dodin nuolak? Dodin oina mala inaug po ibol? 27I auadin jabig pidin, Ŋa mug ŋepaiaŋlak, me aŋ dab so apanilak. Aitoige faun aloŋoi? Aŋ mai inan meglaum anauwoi? 28I depeneŋanig dibol, O inan meglaum, ge am Moses inan meglaum. 29Am aloŋ Anut i Moses mai dikibiailak, ai e bo am so aloŋ, i domtenge itase? 30Tamol auadin jabig i pidin, Ne, abaŋ e iben mok, me aŋ i domtenge iselak me so aloŋ, ge i ŋainag malag kibineg po ibollak. 31Id bo taloŋ Anut i aupasekbibian nadin gadiŋ dab so paniime, ge tamol ta i Anut biŋan bisaime inan uzi paniime, i me i iloŋime.#Jes 1:15; Kan 66:18; Met 15:29 32Tan e funlonge ta i dazlon malan itaulak itoz me tamol tata malan inaug po ibollak, menen ta so taloŋ. 33Tamol e Anut mai teape i abaŋ ta inaunen tea.#Joh 9:16 34Me i auan diabig depai, Aupasek moklon tina nuolak o kagin peteŋanamawoi ubolume? Me i debetetanig beŋten idu.
Jesus ai me mai dikibiai
35I debetetanilak me Jesus iloŋ. I nasitag i ipai, O Tamolai ilolon malik? 36I auan jabig ibol, I me ite, Ujazen, me ŋa iloglon malikoi? 37Jesus i ipai, O i nasilak, i o mai ikibiaiame ŋan i.#Joh 4:26; 10:25 38I ibol, Ujazen, ŋa iloglon malik. Meginge i naonnen ibal idug pez pani. 39Me Jesus ibol, Ŋa betenaekoi ŋaselak, tamolai me meladin itaulak me abaŋ denasiwoi, aenta me meladin po ibollak me meladin itauwoi.#Mat 13:11–15 40Farisea ta i maig demadodime i azu e diloŋge depai, Am mai melama itau?#Mat 23:26; 15:14 41Jesus i pidin, Aŋ melami itaupe aŋ aupasek teape; aŋ abol, Am abaŋ anasinen aloŋ, mewoilakoi nami ja ienime.#Met 26:12
Currently Selected:
Johanes 9: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Johanes 9
9
Ai ta malan itaulak abaŋ nasiime
1Jesus igegge ilemeg i tamol ta nasi me dazlonge malan itaulak.#Apos 3:2 2Inan meglaum desedazeg dibol, Tamoluja, it auipas, ai e tat, tea, tinan taman tat, mewoi malan itauge inaulak?#Luk 13:2 3Jesus ibol, Tamol e mai, tinan taman mai au so dipas tea, i‐lon Anut inan nauknauk boboloanip iduwoi mewoi megin inaulak.#Joh 11:4 4Me i noagge ŋaselak me inan nauknauk id tenau mokoi, tidom iduime melon ta uzat inaunen tea.#Joh 5:17, 20; 11:9 5Ŋa tan fatulon ŋemademap saen melon ŋa fatu e inan sul.#Joh 8:12 6I megin ibolmeg i tanlak jasug nalog inaug ai malan itaulak me malan bubuni.#Mar 8:23 7I ipaig ibol, Ulap naz Siloamlon flani. Naz nean fun me Naug Iselak me. Mewoi i ileg flanig malan po ibolmeg imul. 8Meginlakoi mudubangaz, aenta mai i malan itaulak me get gadiŋ naon janimeg denasilak, i dibol, I me so tat se igodmeg matallak me. 9Aenta dibol, I ŋan me. Aenta dibol, Tea, ai a me i egin. Ge i ibol, Tea, ŋa ŋan ie. 10Meginge i depai, Dodin oina mala po ibol? 11I auadin jabig ibol, Tamol nean Jesus i nalog inaug ŋainag malag bubunig ipaiag, O nas Siloamlon ulap flani. Me ŋa ŋaleg ŋeflanig malag po ibol. 12Me i depai, I domten? I ibol, Ŋa so ŋaloŋ.
Farisea fun diloŋoi desedazedime
13I malan itaulak me farisea zidinnen duduzig dile.#Joh 5:9 14Nal Jesus nalog inaug ai malan po ibollak me ubou. 15Meginge farisea i mai desedaze, i dodin inaug malan po ibollak. I pidin, I nalog malaglak inaug ŋeflanig abaŋ ŋenasiŋame. 16Meginge farisea aenta dibol, E Anut inan tamol tea, i ubou gun so inauime. Aenta dibol, Tamol i aupasekdaŋan i dodin bagoz megin inaunen iloŋ? I mug malan azugen denau.#Joh 7:43; Joh 9:31, 33 17Meginge i malan itaulak me depai, O iwoi dodin ubol, i inaug mala po ibollakoi? I ibol, I profet.
18Meginge Judagaz i tinan taman so diwigidin disidiziameg i ai me get malan itau gazo po ibollak me ladinlon so malik. 19I sidiziag dipidin, E me aŋnami ai, me aŋ abol i malan itaulak? Me dodin i gazo abaŋ nasinen iloŋ? 20Inan tinan taman auadin diabig dibol, E me amnama ai me am aloŋ, i dazlonge malan itaulak me mai aloŋ. 21Ge dodin gazomnen abaŋ nasinen iloŋ me so aloŋ, me inan malan inaug po ibollak mai so aloŋ. I mug ai gauai, i sedaze, i siben dadonoi iboloi. 22Tinan taman Judagazoi dizezge azu e dibol. Judagaz wagam ladin taimon, tata i iwoi dibol, i Kristus, i sinagoglon depasiwoi.#Joh 7:13; 12:42 23Mewoilakoi tinan taman dibol, I mug ai gauai, i sedaze.
24Faun te malan itaulak me dewagig depai, Anut biŋan bisa, am aloŋ tamol e i aupasekbibian.#Jos 7:19 25I auadin jabig ibol, I aupasekbibian tat, tea, ŋa so ŋaloŋ: abaŋ taimon me ŋaloŋ, get malag itaulak me gazo abaŋ ŋenasinen ŋaloŋ. 26I faun mug depai, I dodin nuolak? Dodin oina mala inaug po ibol? 27I auadin jabig pidin, Ŋa mug ŋepaiaŋlak, me aŋ dab so apanilak. Aitoige faun aloŋoi? Aŋ mai inan meglaum anauwoi? 28I depeneŋanig dibol, O inan meglaum, ge am Moses inan meglaum. 29Am aloŋ Anut i Moses mai dikibiailak, ai e bo am so aloŋ, i domtenge itase? 30Tamol auadin jabig i pidin, Ne, abaŋ e iben mok, me aŋ i domtenge iselak me so aloŋ, ge i ŋainag malag kibineg po ibollak. 31Id bo taloŋ Anut i aupasekbibian nadin gadiŋ dab so paniime, ge tamol ta i Anut biŋan bisaime inan uzi paniime, i me i iloŋime.#Jes 1:15; Kan 66:18; Met 15:29 32Tan e funlonge ta i dazlon malan itaulak itoz me tamol tata malan inaug po ibollak, menen ta so taloŋ. 33Tamol e Anut mai teape i abaŋ ta inaunen tea.#Joh 9:16 34Me i auan diabig depai, Aupasek moklon tina nuolak o kagin peteŋanamawoi ubolume? Me i debetetanig beŋten idu.
Jesus ai me mai dikibiai
35I debetetanilak me Jesus iloŋ. I nasitag i ipai, O Tamolai ilolon malik? 36I auan jabig ibol, I me ite, Ujazen, me ŋa iloglon malikoi? 37Jesus i ipai, O i nasilak, i o mai ikibiaiame ŋan i.#Joh 4:26; 10:25 38I ibol, Ujazen, ŋa iloglon malik. Meginge i naonnen ibal idug pez pani. 39Me Jesus ibol, Ŋa betenaekoi ŋaselak, tamolai me meladin itaulak me abaŋ denasiwoi, aenta me meladin po ibollak me meladin itauwoi.#Mat 13:11–15 40Farisea ta i maig demadodime i azu e diloŋge depai, Am mai melama itau?#Mat 23:26; 15:14 41Jesus i pidin, Aŋ melami itaupe aŋ aupasek teape; aŋ abol, Am abaŋ anasinen aloŋ, mewoilakoi nami ja ienime.#Met 26:12
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.