Johanes 17
17
Jesus sibenoi godoani
1Jesus azu e ibolge i malan biseg didlak itadge ibol, Mam, saen idu, oina Ai biŋan bisa, meginpe Ai i o biŋa bisawoi.#Joh 11:41 2O i tamolpain daŋanoi gaten unaulakoi, o i panilak me dedeŋaneknen bas pinidinoi.#Mat 9:6; 11:27 3Dedeŋaneknen bas ŋan me, i o Anut malik, me Jesus Kristus o unaug iselak, i mai diloŋoi.#Joh I 5:20 4Uzat o ŋa panaglak me ŋenau ŋibinilak, melon ŋa tanlak oina biŋa ŋibise.#Joh 4:34 5Mam, gazo o sibe izinen get tan so ienmeg ŋa kubel tadaŋanlak melon o biŋag bisa.#Joh 1:1; 17:24; Fil 2:6
Jesus inan meglaumoi godoani
6Ŋa tan elonge o tamol panaglak me oina nea ŋepeteŋanalak; i oinalakge o ŋa panaglak, i oina azu duzi depanilak.#Joh 17:9; Mat 6:9 7I mug diloŋ abaŋ daŋan o ŋa panaglak me oina. 8Azu o ŋa panaglak me ŋipinidinge deŋale, i malik diloŋ ŋa o izinnenge ŋase, i ladinlon malik mai o ŋa noagge naselak.#Joh 16:30 9Ŋa iwoi gadiŋ ŋenauŋame, ŋa gazo tealakgazoi so ŋabolŋame, tea, gazo tamolai o ŋa panaglak iwoi ŋagodŋame, i oinalakoi.#Joh 6:37, 44 10I ŋainaglak me oina mai, oina me ŋainag mai, i‐lon ŋa biŋag biseg ienime.#Joh 16:15 11Ŋa mug tanlak tea, ge i tealakgaz leŋadinlon demadodime, me ŋa o izinen ŋalaŋame. Mam gun, oina nealon tamolai o ŋa panaglak me dab pinidinpe, i id egin ladin taimon demadowoi.#Joh 10:30 12O ŋa panaglak me ŋa i maig amademeg oina nealon dab ŋipinidinlak, ta so padal, padalnen ai siben mon, azu gazek niŋon inauwoilakoi.#Joh 6:39; Kan 41:10; 109:8; Joh 15:11; 16:24 13Ge gazo o izinen ŋalaŋame, abaŋ e tanlak ŋabolŋame me i sebadin ŋainag zigiek idusap deŋalewoi. 14Ŋa oina azu ŋipinidinlak, ge tealakgaz i dumuguna, i tan e inan kaginlon so ditozlakoi, ŋa sibeg mai melon so ŋatozlak egin.#Joh 15:19 15Ŋa so ŋagod o i tanlak upasoi, tea, Salantamanoi o i tizinawoi.#Tes II 3:3; Joh I 5:18 16I tan ewain tea, ŋa mai tan e inan tea egin.#Joh 6:63 17Oina azu maliklon i gun unaupa, oina azu me malik niŋon. 18O tan elon noagge ŋaselak egin ŋa i ŋanauge panupanulon dilanenoi ŋipidinlak.#Joh 20:21 19Iwoi ŋa sibeg gun noagŋame, meginpe i mai malik niŋonlon gun demadowoi.#Heb 10:10
Jesus panupanuwainoi godoani
20Ŋa iwoi mon so ŋagodŋame, tea, aenta i aloupa oina azulon ŋa ladinlon maliknen iwoi mai ŋogodoano. 21I daŋan ladin taimonoi, Mam, o ŋalon ŋa olon taimonlak egin; i idlon taimonoi, meginmap tealakgaz ladinlon malikoi o ŋa noagge ŋase.#Gal 3:26 22Kubel o ŋa panaglak me ŋa i ŋipinidin, i daŋan taimonoilakoi, id taimonlak egin.#Apos 4:32 23Ŋa i‐lon, o ŋalon, meginpe i bubudin taimon mok mon; tealakgaz diloŋoi o ŋa noagge ŋase, o ŋa ilo panaglak egin i mai ilo pinidinlak me mai diloŋoi.#Kor I 6:17 24Mam, ŋa ŋabol tamolai o ŋa panaglak me ŋa maip amadowoi, i ŋainag kubel me tan fod so ienmeg oina ilopaneklon panaglak me diloŋoi.#Joh 10:29; 12:26 25O Mam taoz, tealakgaz o so diloŋlak, ge ŋa o ŋaloŋlak, ŋan e i diloŋ o ŋa noagge ŋase. 26Ŋa oina nea diloŋoi ŋipidinlak, faun te ŋipidinoi, meginpe ilopanek melon o ŋa ilo panaglak ladinlon ienmap, ŋa mai ladinlon ŋemadowoi.#Rom 8:39
Currently Selected:
Johanes 17: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Johanes 17
17
Jesus sibenoi godoani
1Jesus azu e ibolge i malan biseg didlak itadge ibol, Mam, saen idu, oina Ai biŋan bisa, meginpe Ai i o biŋa bisawoi.#Joh 11:41 2O i tamolpain daŋanoi gaten unaulakoi, o i panilak me dedeŋaneknen bas pinidinoi.#Mat 9:6; 11:27 3Dedeŋaneknen bas ŋan me, i o Anut malik, me Jesus Kristus o unaug iselak, i mai diloŋoi.#Joh I 5:20 4Uzat o ŋa panaglak me ŋenau ŋibinilak, melon ŋa tanlak oina biŋa ŋibise.#Joh 4:34 5Mam, gazo o sibe izinen get tan so ienmeg ŋa kubel tadaŋanlak melon o biŋag bisa.#Joh 1:1; 17:24; Fil 2:6
Jesus inan meglaumoi godoani
6Ŋa tan elonge o tamol panaglak me oina nea ŋepeteŋanalak; i oinalakge o ŋa panaglak, i oina azu duzi depanilak.#Joh 17:9; Mat 6:9 7I mug diloŋ abaŋ daŋan o ŋa panaglak me oina. 8Azu o ŋa panaglak me ŋipinidinge deŋale, i malik diloŋ ŋa o izinnenge ŋase, i ladinlon malik mai o ŋa noagge naselak.#Joh 16:30 9Ŋa iwoi gadiŋ ŋenauŋame, ŋa gazo tealakgazoi so ŋabolŋame, tea, gazo tamolai o ŋa panaglak iwoi ŋagodŋame, i oinalakoi.#Joh 6:37, 44 10I ŋainaglak me oina mai, oina me ŋainag mai, i‐lon ŋa biŋag biseg ienime.#Joh 16:15 11Ŋa mug tanlak tea, ge i tealakgaz leŋadinlon demadodime, me ŋa o izinen ŋalaŋame. Mam gun, oina nealon tamolai o ŋa panaglak me dab pinidinpe, i id egin ladin taimon demadowoi.#Joh 10:30 12O ŋa panaglak me ŋa i maig amademeg oina nealon dab ŋipinidinlak, ta so padal, padalnen ai siben mon, azu gazek niŋon inauwoilakoi.#Joh 6:39; Kan 41:10; 109:8; Joh 15:11; 16:24 13Ge gazo o izinen ŋalaŋame, abaŋ e tanlak ŋabolŋame me i sebadin ŋainag zigiek idusap deŋalewoi. 14Ŋa oina azu ŋipinidinlak, ge tealakgaz i dumuguna, i tan e inan kaginlon so ditozlakoi, ŋa sibeg mai melon so ŋatozlak egin.#Joh 15:19 15Ŋa so ŋagod o i tanlak upasoi, tea, Salantamanoi o i tizinawoi.#Tes II 3:3; Joh I 5:18 16I tan ewain tea, ŋa mai tan e inan tea egin.#Joh 6:63 17Oina azu maliklon i gun unaupa, oina azu me malik niŋon. 18O tan elon noagge ŋaselak egin ŋa i ŋanauge panupanulon dilanenoi ŋipidinlak.#Joh 20:21 19Iwoi ŋa sibeg gun noagŋame, meginpe i mai malik niŋonlon gun demadowoi.#Heb 10:10
Jesus panupanuwainoi godoani
20Ŋa iwoi mon so ŋagodŋame, tea, aenta i aloupa oina azulon ŋa ladinlon maliknen iwoi mai ŋogodoano. 21I daŋan ladin taimonoi, Mam, o ŋalon ŋa olon taimonlak egin; i idlon taimonoi, meginmap tealakgaz ladinlon malikoi o ŋa noagge ŋase.#Gal 3:26 22Kubel o ŋa panaglak me ŋa i ŋipinidin, i daŋan taimonoilakoi, id taimonlak egin.#Apos 4:32 23Ŋa i‐lon, o ŋalon, meginpe i bubudin taimon mok mon; tealakgaz diloŋoi o ŋa noagge ŋase, o ŋa ilo panaglak egin i mai ilo pinidinlak me mai diloŋoi.#Kor I 6:17 24Mam, ŋa ŋabol tamolai o ŋa panaglak me ŋa maip amadowoi, i ŋainag kubel me tan fod so ienmeg oina ilopaneklon panaglak me diloŋoi.#Joh 10:29; 12:26 25O Mam taoz, tealakgaz o so diloŋlak, ge ŋa o ŋaloŋlak, ŋan e i diloŋ o ŋa noagge ŋase. 26Ŋa oina nea diloŋoi ŋipidinlak, faun te ŋipidinoi, meginpe ilopanek melon o ŋa ilo panaglak ladinlon ienmap, ŋa mai ladinlon ŋemadowoi.#Rom 8:39
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.