Johanes 16
16
Jesus azu ta imugseg ibol, meglaum segatek pinidin
1Aŋ bubumi so feaniwoi abaŋ e daŋanoi ŋepaiaŋlak.#Joh 14:29 2I sinagoglon dipisiaŋoi, au, saen ta iduwoi tata funaŋmap iboloi i Anut dinig uzat inauime.#Mat 5:11; 24:9 3Abaŋ e Mam ŋa mai so diloŋlakoi denauwoi.#Joh 15:21 4Ge azu e ŋepaiaŋ, aŋ saen idumap lami isouwoi ŋa get ŋabollak. Abaŋ ewoi funlon so ŋepaiaŋlak, ŋa aŋ maig temadelak.#Luk 22:53; Joh 13:19; 14:29
Jesus Taman izinnen ilawoi, Auanuzgun iduwoi
5Ge gazo me i noagge ŋaselak izinnen ŋalaŋame. Tata so sidiziag, o domten ulaume?#Joh 7:33; 13:36 6Ge abaŋ ewoi ŋepaiaŋlakoi aŋ bubumi muzuan. 7Ŋa bo malik ŋepaiaŋ, ŋa ŋalemap me aŋoi gauai. Ge ŋa so ŋalemap Ilonŋaleknen aŋ ziminen so iduwoi; ge ŋa ŋalemap ŋa ziminen ŋenaupa isowoi.#Joh 14:16, 26 8I isemap i tealakgaz aupasekoi bebanawoi, taozoi betenaekoi mai.#Kor I 14:24 9I ŋa ladinlon so malik me aupasek ewoi bebanawoi.#Joh 3:18; 8:21 10Ŋa Mam izinnen ŋalemap faun so denasagoi, mewoi taozoi bebanawoi.#Apos 5:31; Rom 4:25 11Tan e inan ujanzen inan kagin get betenaelak so iduse, mewoi betenaekoi bebanawoi.#Joh 12:31; 14:30
Auanuzgun Anut azu flaleime
12Ŋa azu kuzum ta mai ŋepaiaŋoige aŋ gazo aŋalenen so aloŋ.#Kor I 3:1 13Ge maliknen Uz isemap i azu malik daŋan ilonlon duzaŋoi, ge i siben sinan so iboloi, tea, azu iloŋime me iboloi, abaŋ loantapnen mai i peteŋanaŋoi.#Joh 14:26; Joh I 2:27 14I ŋa biŋag bisawoi, i ŋainag menen iŋalep aŋ paiaŋoi. 15Mam inan abaŋ daŋan me ŋainag mai, mewoi ŋa ŋabol i ŋainag menen ta iŋalep peteŋanaŋoi.#Joh 17:10
Meglaum ladin kin mon alanmap uzip gaid zigiawoi
16Kitek ta maip aŋ so anasagoi, faun te kitektap aŋ anasagoi, ŋa Mam izinnen ŋalawoilakoi.#Joh 14:19 17Meginge inan meglaum aenta nug dikibiaig dibol, Abaŋte i paiad, kitektap aŋ so anasagoi, faun te kitektap aŋ anasagoi, me ŋa Mam izinnen ŋalaŋame? 18I mewoi dibol, Abaŋte i ibol, kitektap? I ibolimelak me id so taloŋ. 19Me Jesus iloŋ i desedazewoi tinidin denaudime, mewoi i pidin, Kitek ta maip aŋ so anasagoi, faun te kitektap aŋ anasagoi, me ŋabollakoi aŋ nug sodoz panipani?#Luk 9:45; Joh 9:2 20Malik mok malik, ŋa aŋ ŋepaiaŋ, aŋ ata asagaimap mon amadowoi, ge tealakgaz judin isawoi. Aŋ bubumi alanoi, ge alan me bulip zigiaŋoi.#Mar 16:10 21Pain ai inauwoi inaumap i buben alan, inan saen idulakoi. Ge ai duzi binimap i mug buben alanlak me ilon so isou, tea, ai inaulakoi mewoi ilon gauai.#Jes 26:17 22Megin aŋ gazomnen bubumi alan, ge ŋa aŋ faun ŋenasaŋoi, meginpe bubumi zigewoi, nami zigiek tata so wiziaŋoi. 23Nal melon aŋ abaŋ tawoi so sidiziagoi. Malik mok malik, ŋa aŋ ŋepaiaŋ, abaŋtewoi tat aŋ neaglon Mam ogodoanimap i aŋ panaŋoi.#Joh 14:20; 14:13, 14 24Aŋ get inag neaglon abaŋ tawoi so agodlak. Ogodoanip aŋalep aŋnami zigiek dadon isawoi.#Joh 15:11; 17:13
Jesus azu beŋten ibol, ta so toani
25Abaŋ ewoi azu faŋanfaŋanlon ŋepaiaŋlak, ge saen ta iduwoi melon ŋa azu faŋanlon so ŋepaiaŋoi, tea, beŋten Mamoi ŋaboloi.#Joh 10:6 26Nal melon aŋ ŋainag neaglon agodoi, me ŋa so ŋepaiaŋ ŋa aŋoi Mam ŋogodoaniwoi. 27Mam siben aŋ ilon panaŋimelak, aŋ ŋa lami panag lamilon malik mai, ŋa Mam izinnenge ŋaselak.#Joh 14:21 28Ŋa Mam izinnenge ŋaseg tan elon ŋadu, faun tan e ŋibinip Mam izinnen ŋalaŋame.
29Inan meglaum dibol, Nasi, gazo o beŋten ubol, faŋanlon tea.#Joh 16:25 30Gazo am malik anasi o abaŋ daŋan uloŋume, tata sidiziomap mon tea, melon am lamalon malik o Anut izinnenge uselak. 31Jesus auadin jabig pidin, Aŋ gazo lamilon malik?#Sak 13:7; Mat 26:31 32Anasi, saen me iduwoi, gazo mug siziz, aŋ pititiliaŋoi, aŋ daŋan ibinagpa alawoi. Ge ŋa nieg taimon tea, Mam i ŋa mailakoi.#Mar 14:27; Joh 8:29 33Abaŋ e ŋa aŋ ŋepaiaŋlak aŋ mazozdaŋan amadowoi. Tanlak aŋ alan anaup atozoi, ge jumi isa, ŋa tanoi seŋanaglak.#Joh 14:27; Rom 5:1; Joh I 5:4
Currently Selected:
Johanes 16: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Johanes 16
16
Jesus azu ta imugseg ibol, meglaum segatek pinidin
1Aŋ bubumi so feaniwoi abaŋ e daŋanoi ŋepaiaŋlak.#Joh 14:29 2I sinagoglon dipisiaŋoi, au, saen ta iduwoi tata funaŋmap iboloi i Anut dinig uzat inauime.#Mat 5:11; 24:9 3Abaŋ e Mam ŋa mai so diloŋlakoi denauwoi.#Joh 15:21 4Ge azu e ŋepaiaŋ, aŋ saen idumap lami isouwoi ŋa get ŋabollak. Abaŋ ewoi funlon so ŋepaiaŋlak, ŋa aŋ maig temadelak.#Luk 22:53; Joh 13:19; 14:29
Jesus Taman izinnen ilawoi, Auanuzgun iduwoi
5Ge gazo me i noagge ŋaselak izinnen ŋalaŋame. Tata so sidiziag, o domten ulaume?#Joh 7:33; 13:36 6Ge abaŋ ewoi ŋepaiaŋlakoi aŋ bubumi muzuan. 7Ŋa bo malik ŋepaiaŋ, ŋa ŋalemap me aŋoi gauai. Ge ŋa so ŋalemap Ilonŋaleknen aŋ ziminen so iduwoi; ge ŋa ŋalemap ŋa ziminen ŋenaupa isowoi.#Joh 14:16, 26 8I isemap i tealakgaz aupasekoi bebanawoi, taozoi betenaekoi mai.#Kor I 14:24 9I ŋa ladinlon so malik me aupasek ewoi bebanawoi.#Joh 3:18; 8:21 10Ŋa Mam izinnen ŋalemap faun so denasagoi, mewoi taozoi bebanawoi.#Apos 5:31; Rom 4:25 11Tan e inan ujanzen inan kagin get betenaelak so iduse, mewoi betenaekoi bebanawoi.#Joh 12:31; 14:30
Auanuzgun Anut azu flaleime
12Ŋa azu kuzum ta mai ŋepaiaŋoige aŋ gazo aŋalenen so aloŋ.#Kor I 3:1 13Ge maliknen Uz isemap i azu malik daŋan ilonlon duzaŋoi, ge i siben sinan so iboloi, tea, azu iloŋime me iboloi, abaŋ loantapnen mai i peteŋanaŋoi.#Joh 14:26; Joh I 2:27 14I ŋa biŋag bisawoi, i ŋainag menen iŋalep aŋ paiaŋoi. 15Mam inan abaŋ daŋan me ŋainag mai, mewoi ŋa ŋabol i ŋainag menen ta iŋalep peteŋanaŋoi.#Joh 17:10
Meglaum ladin kin mon alanmap uzip gaid zigiawoi
16Kitek ta maip aŋ so anasagoi, faun te kitektap aŋ anasagoi, ŋa Mam izinnen ŋalawoilakoi.#Joh 14:19 17Meginge inan meglaum aenta nug dikibiaig dibol, Abaŋte i paiad, kitektap aŋ so anasagoi, faun te kitektap aŋ anasagoi, me ŋa Mam izinnen ŋalaŋame? 18I mewoi dibol, Abaŋte i ibol, kitektap? I ibolimelak me id so taloŋ. 19Me Jesus iloŋ i desedazewoi tinidin denaudime, mewoi i pidin, Kitek ta maip aŋ so anasagoi, faun te kitektap aŋ anasagoi, me ŋabollakoi aŋ nug sodoz panipani?#Luk 9:45; Joh 9:2 20Malik mok malik, ŋa aŋ ŋepaiaŋ, aŋ ata asagaimap mon amadowoi, ge tealakgaz judin isawoi. Aŋ bubumi alanoi, ge alan me bulip zigiaŋoi.#Mar 16:10 21Pain ai inauwoi inaumap i buben alan, inan saen idulakoi. Ge ai duzi binimap i mug buben alanlak me ilon so isou, tea, ai inaulakoi mewoi ilon gauai.#Jes 26:17 22Megin aŋ gazomnen bubumi alan, ge ŋa aŋ faun ŋenasaŋoi, meginpe bubumi zigewoi, nami zigiek tata so wiziaŋoi. 23Nal melon aŋ abaŋ tawoi so sidiziagoi. Malik mok malik, ŋa aŋ ŋepaiaŋ, abaŋtewoi tat aŋ neaglon Mam ogodoanimap i aŋ panaŋoi.#Joh 14:20; 14:13, 14 24Aŋ get inag neaglon abaŋ tawoi so agodlak. Ogodoanip aŋalep aŋnami zigiek dadon isawoi.#Joh 15:11; 17:13
Jesus azu beŋten ibol, ta so toani
25Abaŋ ewoi azu faŋanfaŋanlon ŋepaiaŋlak, ge saen ta iduwoi melon ŋa azu faŋanlon so ŋepaiaŋoi, tea, beŋten Mamoi ŋaboloi.#Joh 10:6 26Nal melon aŋ ŋainag neaglon agodoi, me ŋa so ŋepaiaŋ ŋa aŋoi Mam ŋogodoaniwoi. 27Mam siben aŋ ilon panaŋimelak, aŋ ŋa lami panag lamilon malik mai, ŋa Mam izinnenge ŋaselak.#Joh 14:21 28Ŋa Mam izinnenge ŋaseg tan elon ŋadu, faun tan e ŋibinip Mam izinnen ŋalaŋame.
29Inan meglaum dibol, Nasi, gazo o beŋten ubol, faŋanlon tea.#Joh 16:25 30Gazo am malik anasi o abaŋ daŋan uloŋume, tata sidiziomap mon tea, melon am lamalon malik o Anut izinnenge uselak. 31Jesus auadin jabig pidin, Aŋ gazo lamilon malik?#Sak 13:7; Mat 26:31 32Anasi, saen me iduwoi, gazo mug siziz, aŋ pititiliaŋoi, aŋ daŋan ibinagpa alawoi. Ge ŋa nieg taimon tea, Mam i ŋa mailakoi.#Mar 14:27; Joh 8:29 33Abaŋ e ŋa aŋ ŋepaiaŋlak aŋ mazozdaŋan amadowoi. Tanlak aŋ alan anaup atozoi, ge jumi isa, ŋa tanoi seŋanaglak.#Joh 14:27; Rom 5:1; Joh I 5:4
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.