Genesis 41
41
Josef Farao inan ienmin fun flale
1Umaz azugen binilakge Farao ienmin. I Nil naz aenlon itiuz. 2Nasi, Nil nazlonge bulmakau sewen ditase, tinidin balif ditub gauailak, kebasik dianimeg il. 3Nasi, bulmakau sewen ta tinidin kililai gezaŋai mailak i duzge Nil nazlonge ditaseg, bulmakau aenta zidinnen naz aenlon ditiuz. 4Bulmakau kililai gezaŋai mai me bulmakau balif ditub gauailak me dunua depasi. Farao ienlakge mug tiziau. 5Faun ien mugmeg faunte ienmin. Nasi, baza fun taimonge lelapen sewen inaulak, niŋon ujange jabi gauai. 6Nasi, me uzig baza lelapen sewen ta disag me kazag saenlakoi niŋon kuzuŋak. 7Lelapen kuzuŋak sewen me lelapen niŋon ujan jabi gauailak me detoŋol. Farao tiziauge iloŋ i ienminlak. 8Meginge bomon mon inan buben muzuan. I totol inauge Egipta baztamol, tamol ladin kagindaŋan mai disowoi pidin. Farao inan ienminoi sai pinidinge tata Farao fun flale paninen so iloŋ.
9Meginge naz paneknen gaten Farao ipai, Ŋa gazomnen ŋainag aupasekoi ilog isou. 10Farao inan begabegoi buzun isag, ŋa sepalaŋ jabeknen gaten mai tizinekdaup gaten inan ablon sebanamag, 11i ŋa mai tidom talon auzun aenminge fun ibeniben. 12Hebrea ai faun ta melak am maig amade, i opas gaten inan begabeg. Am i apaig i nama aenmin flale penama, am dadodado aenminlak me fun iduselak megin flale. 13I fun flale penamag megin alouge idu. Ŋa faun inag uzatlon noagmeg sepalaŋ jabekai me saselak.
14Meginge Farao azu inaug Josef wagi. I pasak sebaneklonge depasi; i gaten tuzutig jamel gauai pilag i Farao naonnen ile. 15Farao Josef ipai, Ŋa ŋaenminlak, me tata fun flalenen so iloŋ. Dibolmeg ŋaloŋ o ienmin ta uloŋtap o flalenen uloŋ. 16Josef Farao auan jabig ibol, Me ŋainag maŋau tea; Anut abaŋ gauai mon Farao blani paniwoi. 17Meginge Farao Josef ipai, Nasi ŋaenminmeg ŋa Nil naz aenlon ŋitiuz. 18Bulmakau sewen tinidin balif ditub gauailak Nil nazlonge ditaseg kebasik diani. 19Bulmakau sewen ta duzge ditase, tinidin kililai gezaŋai mailak, ŋa get Egipta fatu daŋanlon megin ta so ŋail. 20Bulmakau tinidin kililai gezaŋai mailak me bulmakau sewen tinidin ditub gauailak malanmalan ditaselak me dunua. 21Ge i dunualag i so ditub, tea, get tinidin kililailak megin mon, i aenta dunualak me tata dab paninen so iloŋ. Meginge ŋa ŋitiziau. 22Ta mai, ŋa ŋaenminlon baza lelapen sewen fun taimonlon isalak ŋenasi, niŋon ujan jabi gauai. 23Lelapen sewen ta mai isalak ŋenasi, me kazag saenlakoi lelapen kuzuŋak. 24Lelapen kuzuŋaklak me lelapen sewen gauai me detoŋol. Ŋa baztamol ŋipidinge tata fun flale panagnen so iloŋ.
25Meginge Josef Farao ipai, Farao inan ienmin me taimon. Anut inauwoi inauime me boboloanig Farao peteŋani. 26Bulmakau sewen gauai me umaz sewen, lelapen sewen gauai me mai umaz sewen, ienmin me taimon. 27Bulmakau sewen kililai gezaŋai mailak me i duzge ditaselak me umaz sewen, lelapen lasen kazag saenlakoi kuzuŋaklak me mai pitol inan umaz sewen. 28Ŋa Farao ŋepailak egin, Anut inauwoi inauime me Farao peteŋani. 29Umaz sewen idup melon Egipta fatu daŋanlon anaŋ kuzum mokoi. 30Ge i uzip umaz sewen pitol iduwoi, anaŋ kuzum daŋan me Egipta fatulon ladin padaloi; pitol me fatu fatu jabi pasiwoi. 31Pitol anaŋ kuzum uziime melon fatulon ladin so isouwoi, pitol me ujan moklakoi. 32Farao inan ienmin sufulek melon Anut abaŋ me inaug zatam, kitek ta maip Anut megin inaup itasawoi. 33Mewoilakoi Farao tamol ta maŋaudaŋan ilon kagindaŋan mai ta pilianip ŋalep Egipta inan tamolujan inauwoi. 34Farao fatulon tizinek ta neadin blanap Egiptanen um inan anaŋ tezepalep faifpa taimon me umaz gauailon ibennen denauwoi. 35Anaŋ me umaz gauai naodnen me inan daŋan diŋalpa Farao auanlon baza anaŋnenoi bageunen panu ujanlon denauwoi. 36Anaŋ me umaz sewen inan pitoloi bageunen dienoi, meginpe saen me Egiptanen idumap fatu pitollon so padaloi.
Josef Egipta nadin gaten inaug madelak
37Farao azu me iloŋge, Gauai e ibol, inan begabeg daŋan megin. 38Farao inan begabeg ipidin, Id tamol e egin Anut inan uzdaŋan domten ta teŋalewoi? 39Meginge Farao Josef ipai, Anut abaŋ e daŋan peteŋanolakoi, tata o egin maŋaudaŋan ilon kagindaŋan mai tea. 40O ŋainag abbadim inan gaten unauwoi, ŋainag tamolpain daŋan o kibiai pinidinume megin mon denauwoi; kiŋnen pezatiuoi mon ŋa ŋenenazop ŋemadowoi. 41Farao Josef ipai, Nasi, ŋa Egipta fatu daŋanlon gaten ŋunuolak. 42Meginge Farao nimanlonge biu melon bagoz inauimelak me ipasig Josef nimanlon inau, jamel kebazan gizaud mai nule pani, kililoi goldlon dewaelak menen ta biziwonlak inau. 43Inan bobo ta kiŋ inan bobo uziime me biti panig Josef melon itoz. I naonnen dileg dibob, Dugumi sebenaip adu! Meginge Farao i Josef Egipta fatu daŋanlon tizinek madowoi inau. 44Farao mai te Josef ipai, Ŋa Farao o abaŋ tawoi au so ubolmap Egipta fatu daŋanlon tamol ta niman nien mai so isouwoi. 45Farao Josef nean Safenat‐panea iblani; i pain ta nean Asenat, waliŋtamol Potifera, Onnen madoime, inan aipain me ipani. Josef megin itaseg Egipta fatulon itoz.
46Josef i Egipta inan kiŋ Farao, inan uzat inauwoi fun inaug i umaz tirti. Josef Farao naonnenge itaseg Egipta fatu daŋan bufateg itoz. 47Umaz sewen anaŋ kuzumlak melon tan inaug abaŋ idu gedagad. 48I umaz sewen abaŋ gauz ienmeg, i Egipta fatulon anaŋ daŋan temanag panulon bageunen inau. Panu daŋanlon i um izinnen diendime me nadin anaŋ i bageunen badlon inau. 49Josef i baza zen mok bageunen idiz, abuz laŋten egin, get tenaelak mug bini, i tenae lo tealakoi.
50Pitol so idumeg Josef i ai azugendaŋan, me Asenat, Potifera On panu inan waliŋtamol, inan nanunpain duzig panilak. 51Josef i matu me Manasse blani, i ibol, Anut inaug ŋa ŋainag alan, ŋainag mam inan abbadim mai ilog padal. 52Mizimu me Efraim iblanig ibol, Anut noagge ŋa inag alannauk inan fatulon fabuldaŋanlak.
53Umaz sewen Egipta fatulon anaŋ zenlak me mug bini. 54Josef ibollak egin umaz sewen inan pitol mug itase. Fatu daŋanlon pitol idu; Egipta fatu daŋanlon sepanlaŋ ien. 55Egipta fatu daŋanlon pitol ifug tamolpain Farao izinnen sepalaŋoi digod, Farao Egiptawain ipidin, Josef izinnen ala, i paiaŋime megin anau. 56Meginge pitol fatu daŋanlon idulag Josef bad daŋan nadin dalauan ipasig Egiptagaz maig anaŋ didad, Egipta fatulon pitol ujanlakoi. 57Ta mai, panupanu Egiptanen Josef izinnen baza didadoi dise, fatu daŋanlon pitol ujanlakoi.
Currently Selected:
Genesis 41: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 41
41
Josef Farao inan ienmin fun flale
1Umaz azugen binilakge Farao ienmin. I Nil naz aenlon itiuz. 2Nasi, Nil nazlonge bulmakau sewen ditase, tinidin balif ditub gauailak, kebasik dianimeg il. 3Nasi, bulmakau sewen ta tinidin kililai gezaŋai mailak i duzge Nil nazlonge ditaseg, bulmakau aenta zidinnen naz aenlon ditiuz. 4Bulmakau kililai gezaŋai mai me bulmakau balif ditub gauailak me dunua depasi. Farao ienlakge mug tiziau. 5Faun ien mugmeg faunte ienmin. Nasi, baza fun taimonge lelapen sewen inaulak, niŋon ujange jabi gauai. 6Nasi, me uzig baza lelapen sewen ta disag me kazag saenlakoi niŋon kuzuŋak. 7Lelapen kuzuŋak sewen me lelapen niŋon ujan jabi gauailak me detoŋol. Farao tiziauge iloŋ i ienminlak. 8Meginge bomon mon inan buben muzuan. I totol inauge Egipta baztamol, tamol ladin kagindaŋan mai disowoi pidin. Farao inan ienminoi sai pinidinge tata Farao fun flale paninen so iloŋ.
9Meginge naz paneknen gaten Farao ipai, Ŋa gazomnen ŋainag aupasekoi ilog isou. 10Farao inan begabegoi buzun isag, ŋa sepalaŋ jabeknen gaten mai tizinekdaup gaten inan ablon sebanamag, 11i ŋa mai tidom talon auzun aenminge fun ibeniben. 12Hebrea ai faun ta melak am maig amade, i opas gaten inan begabeg. Am i apaig i nama aenmin flale penama, am dadodado aenminlak me fun iduselak megin flale. 13I fun flale penamag megin alouge idu. Ŋa faun inag uzatlon noagmeg sepalaŋ jabekai me saselak.
14Meginge Farao azu inaug Josef wagi. I pasak sebaneklonge depasi; i gaten tuzutig jamel gauai pilag i Farao naonnen ile. 15Farao Josef ipai, Ŋa ŋaenminlak, me tata fun flalenen so iloŋ. Dibolmeg ŋaloŋ o ienmin ta uloŋtap o flalenen uloŋ. 16Josef Farao auan jabig ibol, Me ŋainag maŋau tea; Anut abaŋ gauai mon Farao blani paniwoi. 17Meginge Farao Josef ipai, Nasi ŋaenminmeg ŋa Nil naz aenlon ŋitiuz. 18Bulmakau sewen tinidin balif ditub gauailak Nil nazlonge ditaseg kebasik diani. 19Bulmakau sewen ta duzge ditase, tinidin kililai gezaŋai mailak, ŋa get Egipta fatu daŋanlon megin ta so ŋail. 20Bulmakau tinidin kililai gezaŋai mailak me bulmakau sewen tinidin ditub gauailak malanmalan ditaselak me dunua. 21Ge i dunualag i so ditub, tea, get tinidin kililailak megin mon, i aenta dunualak me tata dab paninen so iloŋ. Meginge ŋa ŋitiziau. 22Ta mai, ŋa ŋaenminlon baza lelapen sewen fun taimonlon isalak ŋenasi, niŋon ujan jabi gauai. 23Lelapen sewen ta mai isalak ŋenasi, me kazag saenlakoi lelapen kuzuŋak. 24Lelapen kuzuŋaklak me lelapen sewen gauai me detoŋol. Ŋa baztamol ŋipidinge tata fun flale panagnen so iloŋ.
25Meginge Josef Farao ipai, Farao inan ienmin me taimon. Anut inauwoi inauime me boboloanig Farao peteŋani. 26Bulmakau sewen gauai me umaz sewen, lelapen sewen gauai me mai umaz sewen, ienmin me taimon. 27Bulmakau sewen kililai gezaŋai mailak me i duzge ditaselak me umaz sewen, lelapen lasen kazag saenlakoi kuzuŋaklak me mai pitol inan umaz sewen. 28Ŋa Farao ŋepailak egin, Anut inauwoi inauime me Farao peteŋani. 29Umaz sewen idup melon Egipta fatu daŋanlon anaŋ kuzum mokoi. 30Ge i uzip umaz sewen pitol iduwoi, anaŋ kuzum daŋan me Egipta fatulon ladin padaloi; pitol me fatu fatu jabi pasiwoi. 31Pitol anaŋ kuzum uziime melon fatulon ladin so isouwoi, pitol me ujan moklakoi. 32Farao inan ienmin sufulek melon Anut abaŋ me inaug zatam, kitek ta maip Anut megin inaup itasawoi. 33Mewoilakoi Farao tamol ta maŋaudaŋan ilon kagindaŋan mai ta pilianip ŋalep Egipta inan tamolujan inauwoi. 34Farao fatulon tizinek ta neadin blanap Egiptanen um inan anaŋ tezepalep faifpa taimon me umaz gauailon ibennen denauwoi. 35Anaŋ me umaz gauai naodnen me inan daŋan diŋalpa Farao auanlon baza anaŋnenoi bageunen panu ujanlon denauwoi. 36Anaŋ me umaz sewen inan pitoloi bageunen dienoi, meginpe saen me Egiptanen idumap fatu pitollon so padaloi.
Josef Egipta nadin gaten inaug madelak
37Farao azu me iloŋge, Gauai e ibol, inan begabeg daŋan megin. 38Farao inan begabeg ipidin, Id tamol e egin Anut inan uzdaŋan domten ta teŋalewoi? 39Meginge Farao Josef ipai, Anut abaŋ e daŋan peteŋanolakoi, tata o egin maŋaudaŋan ilon kagindaŋan mai tea. 40O ŋainag abbadim inan gaten unauwoi, ŋainag tamolpain daŋan o kibiai pinidinume megin mon denauwoi; kiŋnen pezatiuoi mon ŋa ŋenenazop ŋemadowoi. 41Farao Josef ipai, Nasi, ŋa Egipta fatu daŋanlon gaten ŋunuolak. 42Meginge Farao nimanlonge biu melon bagoz inauimelak me ipasig Josef nimanlon inau, jamel kebazan gizaud mai nule pani, kililoi goldlon dewaelak menen ta biziwonlak inau. 43Inan bobo ta kiŋ inan bobo uziime me biti panig Josef melon itoz. I naonnen dileg dibob, Dugumi sebenaip adu! Meginge Farao i Josef Egipta fatu daŋanlon tizinek madowoi inau. 44Farao mai te Josef ipai, Ŋa Farao o abaŋ tawoi au so ubolmap Egipta fatu daŋanlon tamol ta niman nien mai so isouwoi. 45Farao Josef nean Safenat‐panea iblani; i pain ta nean Asenat, waliŋtamol Potifera, Onnen madoime, inan aipain me ipani. Josef megin itaseg Egipta fatulon itoz.
46Josef i Egipta inan kiŋ Farao, inan uzat inauwoi fun inaug i umaz tirti. Josef Farao naonnenge itaseg Egipta fatu daŋan bufateg itoz. 47Umaz sewen anaŋ kuzumlak melon tan inaug abaŋ idu gedagad. 48I umaz sewen abaŋ gauz ienmeg, i Egipta fatulon anaŋ daŋan temanag panulon bageunen inau. Panu daŋanlon i um izinnen diendime me nadin anaŋ i bageunen badlon inau. 49Josef i baza zen mok bageunen idiz, abuz laŋten egin, get tenaelak mug bini, i tenae lo tealakoi.
50Pitol so idumeg Josef i ai azugendaŋan, me Asenat, Potifera On panu inan waliŋtamol, inan nanunpain duzig panilak. 51Josef i matu me Manasse blani, i ibol, Anut inaug ŋa ŋainag alan, ŋainag mam inan abbadim mai ilog padal. 52Mizimu me Efraim iblanig ibol, Anut noagge ŋa inag alannauk inan fatulon fabuldaŋanlak.
53Umaz sewen Egipta fatulon anaŋ zenlak me mug bini. 54Josef ibollak egin umaz sewen inan pitol mug itase. Fatu daŋanlon pitol idu; Egipta fatu daŋanlon sepanlaŋ ien. 55Egipta fatu daŋanlon pitol ifug tamolpain Farao izinnen sepalaŋoi digod, Farao Egiptawain ipidin, Josef izinnen ala, i paiaŋime megin anau. 56Meginge pitol fatu daŋanlon idulag Josef bad daŋan nadin dalauan ipasig Egiptagaz maig anaŋ didad, Egipta fatulon pitol ujanlakoi. 57Ta mai, panupanu Egiptanen Josef izinnen baza didadoi dise, fatu daŋanlon pitol ujanlakoi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.