Genesis 4
4
Kain Abel mai
1Adam iwon Ewa mai ditozmeg i aidaŋange Kain inaug ibol, Ujanzen dinagge ŋa tamol ta ŋenaulak. 2Faunte inan tain Abel duzi. Abel i belelek tizinameg made, Kain i um fun. 3Saen talon Kain i tan inan niŋon talon Ujanzen ja inau pani. 4Abel i inan belelek matu ta iŋalge menen mudan numuzandaŋan ja inaug Ujanzen pani. Ujanzen Abel inan janauk mai dab pani. 5Ge Kain inan janauk mai dab so pani. Meginge Kain i buzun gauz mok isa, naon takokge itoz. 6Ujanzen Kain ipai, O dodinge buzu isa, dodinge takokge utozume? 7O gauai utozmap, owoi gamun so funagoi tat? O gauai so utoztap aupasek owoi fenafunge ienime, inan auan o dab paniwoi ienime, ge o seŋanop madowoi.
8Kain tain Abel ipai, Id umlon talawoi. I umlon ditaseg Kain imaisge tain Abel puzotoanig funig imat. 9Meginge Ujanzen Kain ipai, Oina tai Abel ŋan? I ibol, Ŋa so naloŋ, ŋa ŋainag taig inan tizinek tat? 10Ujanzen ibol, O abaŋte unaulak? Oina tai inan daz inan tiŋia tanlonge ŋaloŋ. 11Gazo tan me nimalonge tai inan daz teŋaliwoi auan sepanilak menen ŋibitop utozoi. 12O tanlon abaŋ upaemap i inan zagun faun so panowoi. O uwaupa tanlak utozse utozlawoi mon. 13Kain Ujanzen ipai, Naon me ŋa ŋojoazenen tea. 14Nasi, o gazomnen tan elonge kuduag, malawoi ŋukukumpa ŋemadowoi. Ŋa ŋaumap tanlak ŋatozse ŋatozlawoi, ta nasagmap funagoi. 15Meginge Ujanzen i ipai, Teabe, ta i Kain funimap i naon sewenpa ŋalewoi. Ujanzen Kain tininlak bagoz ta inau, ta i nasitap so funiwoilakoi. 16Meginge Kain Ujanzen naonnenge ileg Eden ist salolon Nodnen made.
Kain inan daz uzek
17Kain iwon mai ditozmeg i aidaŋange Enok inau. Kain i panu ta ŋaleg inan ai inan nean pani, Enok iblani. 18Enok i Irad inau. Irad me Me‐huja‐el inan taman. Me‐huja‐el i Me‐tusa‐el taman, Me‐tusa‐el i Lamek inan taman. 19Lamek i pain azugen iŋal, ta nean Ada, ta nean Sila. 20Ada i Jabal duzi. I me tazaslon demademeg bulmakau ditizinadimelak me temadin. 21Tain nean me Jubal. I laiar#4:21 gitar egin desae, dum diwi maidimelak me temadin. 22Sila i Tubal‐kain duzi. I brons kem mai nadin dazukkamaŋ. Tubal‐kain inan liun Naama.
23Lamek inan pain pidin: Ada Sila mai, auag aloŋpe! Lamek inan iwon, ŋabolŋame me dab apani! Tamol ta diŋiagmeg ŋa ŋufunig imatlak, tamol faun funagmeg megin ŋenau. 24Kain naon sewenpa iŋaletap Lamek malik naon sewenti taims sewen inalewoi.
Set inan daz uzek
25Adam iwon mai ditoz mugmeg i ai tamol ta inaug nean Set iblani. I ibol, Anut ai ta Abel abenlon panaglak, Kain i funilakoi. 26Set ai tamol ta inau, inan nean Enos iblani. Saen melon tamol fun denaug Ujanzen nean dewagimeg ditoz.
Currently Selected:
Genesis 4: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 4
4
Kain Abel mai
1Adam iwon Ewa mai ditozmeg i aidaŋange Kain inaug ibol, Ujanzen dinagge ŋa tamol ta ŋenaulak. 2Faunte inan tain Abel duzi. Abel i belelek tizinameg made, Kain i um fun. 3Saen talon Kain i tan inan niŋon talon Ujanzen ja inau pani. 4Abel i inan belelek matu ta iŋalge menen mudan numuzandaŋan ja inaug Ujanzen pani. Ujanzen Abel inan janauk mai dab pani. 5Ge Kain inan janauk mai dab so pani. Meginge Kain i buzun gauz mok isa, naon takokge itoz. 6Ujanzen Kain ipai, O dodinge buzu isa, dodinge takokge utozume? 7O gauai utozmap, owoi gamun so funagoi tat? O gauai so utoztap aupasek owoi fenafunge ienime, inan auan o dab paniwoi ienime, ge o seŋanop madowoi.
8Kain tain Abel ipai, Id umlon talawoi. I umlon ditaseg Kain imaisge tain Abel puzotoanig funig imat. 9Meginge Ujanzen Kain ipai, Oina tai Abel ŋan? I ibol, Ŋa so naloŋ, ŋa ŋainag taig inan tizinek tat? 10Ujanzen ibol, O abaŋte unaulak? Oina tai inan daz inan tiŋia tanlonge ŋaloŋ. 11Gazo tan me nimalonge tai inan daz teŋaliwoi auan sepanilak menen ŋibitop utozoi. 12O tanlon abaŋ upaemap i inan zagun faun so panowoi. O uwaupa tanlak utozse utozlawoi mon. 13Kain Ujanzen ipai, Naon me ŋa ŋojoazenen tea. 14Nasi, o gazomnen tan elonge kuduag, malawoi ŋukukumpa ŋemadowoi. Ŋa ŋaumap tanlak ŋatozse ŋatozlawoi, ta nasagmap funagoi. 15Meginge Ujanzen i ipai, Teabe, ta i Kain funimap i naon sewenpa ŋalewoi. Ujanzen Kain tininlak bagoz ta inau, ta i nasitap so funiwoilakoi. 16Meginge Kain Ujanzen naonnenge ileg Eden ist salolon Nodnen made.
Kain inan daz uzek
17Kain iwon mai ditozmeg i aidaŋange Enok inau. Kain i panu ta ŋaleg inan ai inan nean pani, Enok iblani. 18Enok i Irad inau. Irad me Me‐huja‐el inan taman. Me‐huja‐el i Me‐tusa‐el taman, Me‐tusa‐el i Lamek inan taman. 19Lamek i pain azugen iŋal, ta nean Ada, ta nean Sila. 20Ada i Jabal duzi. I me tazaslon demademeg bulmakau ditizinadimelak me temadin. 21Tain nean me Jubal. I laiar#4:21 gitar egin desae, dum diwi maidimelak me temadin. 22Sila i Tubal‐kain duzi. I brons kem mai nadin dazukkamaŋ. Tubal‐kain inan liun Naama.
23Lamek inan pain pidin: Ada Sila mai, auag aloŋpe! Lamek inan iwon, ŋabolŋame me dab apani! Tamol ta diŋiagmeg ŋa ŋufunig imatlak, tamol faun funagmeg megin ŋenau. 24Kain naon sewenpa iŋaletap Lamek malik naon sewenti taims sewen inalewoi.
Set inan daz uzek
25Adam iwon mai ditoz mugmeg i ai tamol ta inaug nean Set iblani. I ibol, Anut ai ta Abel abenlon panaglak, Kain i funilakoi. 26Set ai tamol ta inau, inan nean Enos iblani. Saen melon tamol fun denaug Ujanzen nean dewagimeg ditoz.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.