Genesis 3
3
Tamol aupaseklon dibal didu
1Mot i dazuk duguze aenta Ujanzen Anut inaulak me daŋan nenazag ilon kaginkagin. I pain ipai, Anut ibollak, Aŋ um inan ja ta inan niŋon so aniwoi? 2Pain mot ipai, Am um inan ja daŋan inan niŋon aniwoi. 3Anut ibol, Ja um atenlon me niŋon so aniwoi, so abi anasiwoi, so amatoilakoi. 4Ge mot pain ipai, Aŋ so amatoi. 5Anut iloŋ aŋ menen animap melami po ibolpa aŋ Anut kilianoi, abaŋ gauai salan mai aloŋoi. 6Meginge pain ja inan patun me gauai inasig malan gamunnen, ilon kaginkagin ŋalenen, buben imaisnen mai me iloŋge, i patun menen ta ŋaleg jani, ta i ŋaleg iwon panig i mai jani. 7Meginge auzun meladin po ibol, i auzun noŋodin mon me diloŋ. I guzab zaunlon nai mal mai denau.
8Fatu jizunmeg, Ujanzen Anut umlon itozmeg i liŋan diloŋ. Tamol iwon mai Ujanzen Anut inan malanoi um inan ja ilonnen dukukum. 9Ujanzen Anut tamol wagig i ipai, O domten? 10I ibol, Ŋa umlon oina liŋa ŋaloŋge ŋazez, ŋa niŋog monlakoi ŋa ŋaleg ŋukukum. 11I ibol, It ipaog o niŋo mon? O ja menen patun so waniwoi ŋepaolak me o wani tat? 12Tamol ibol, Pain ŋa maip amadowoi panaglak i ja inan patun ta panagge ŋa ŋani. 13Meginge Ujanzen Anut pain ipai, O abaŋte unaulak? Pain ibol, Mot se wiziagge ŋa ŋani. 14Ujanzen Anut mot ipai, O megin unaulakoi, o bulmakau abaŋ dazuk duguze daŋan mai nenazap leŋadinlon meselanop madowoi. O loalon mon utozpa kulukal mon wanip umatmap geg. 15Ŋa siai ŋenaup ienoi o mai pain mai liluŋlon, oina daz pain inan daz mai liluŋlon. I oina gate petefaziwoi, o inan boz fiziŋon jazewoi. 16I pain ipai, Ŋa ŋenaup o ai duzimap o tini gauz dizozoi. Izoznenlon o ai unauwoi, oina tamol mon uzi panip utozoi, i oina zen. 17I Adam ipai, O oina iwo inan auan uzi panilakoi, o ja patun so waniwoi ŋepaolak menen niŋon wanilakoi, owoi tan daŋan ŋemeselanip ienoi. O wagailon mon abaŋ ŋalep waniwoi umatmap geg. 18Duz faiag mai mon disa panowoi. Um inan biab me waniwoi. 19Nao maiab funimap anaŋ waniwoi, tenatan ubulmap eginmap; melon o ŋunuolakoi, o tenatanlak, tenatan nuowoi.
20Tamol iwon nean Ewa iblani, i ai demadodime me daŋan tinadinlakoi. 21Ujanzen Anut i Adam iwon maiwoi dazuk siŋilonlon jamel iwaig pila pinidin.
22Meginge Ujanzen Anut ibol, Nasi, tamol idwain ta egin abaŋ gauai salan mai iloŋ. Gazo niman so wotep ja bas inan niŋon ta ŋalep janip dedeŋanip madowoi, 23mewoi Ujanzen Anut i Edenlonge inaug ibennen ile, i tenatanlon inaulakoi i tan uzat inauwoi. 24I tamol kudui. Um Eden ist baŋenlon i kerubim inaug idu, badiz malan jabalen egin ja bas inan dal tiziniwoi, baŋen daŋanlon bozozoanise bozozoanilaime.
Currently Selected:
Genesis 3: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 3
3
Tamol aupaseklon dibal didu
1Mot i dazuk duguze aenta Ujanzen Anut inaulak me daŋan nenazag ilon kaginkagin. I pain ipai, Anut ibollak, Aŋ um inan ja ta inan niŋon so aniwoi? 2Pain mot ipai, Am um inan ja daŋan inan niŋon aniwoi. 3Anut ibol, Ja um atenlon me niŋon so aniwoi, so abi anasiwoi, so amatoilakoi. 4Ge mot pain ipai, Aŋ so amatoi. 5Anut iloŋ aŋ menen animap melami po ibolpa aŋ Anut kilianoi, abaŋ gauai salan mai aloŋoi. 6Meginge pain ja inan patun me gauai inasig malan gamunnen, ilon kaginkagin ŋalenen, buben imaisnen mai me iloŋge, i patun menen ta ŋaleg jani, ta i ŋaleg iwon panig i mai jani. 7Meginge auzun meladin po ibol, i auzun noŋodin mon me diloŋ. I guzab zaunlon nai mal mai denau.
8Fatu jizunmeg, Ujanzen Anut umlon itozmeg i liŋan diloŋ. Tamol iwon mai Ujanzen Anut inan malanoi um inan ja ilonnen dukukum. 9Ujanzen Anut tamol wagig i ipai, O domten? 10I ibol, Ŋa umlon oina liŋa ŋaloŋge ŋazez, ŋa niŋog monlakoi ŋa ŋaleg ŋukukum. 11I ibol, It ipaog o niŋo mon? O ja menen patun so waniwoi ŋepaolak me o wani tat? 12Tamol ibol, Pain ŋa maip amadowoi panaglak i ja inan patun ta panagge ŋa ŋani. 13Meginge Ujanzen Anut pain ipai, O abaŋte unaulak? Pain ibol, Mot se wiziagge ŋa ŋani. 14Ujanzen Anut mot ipai, O megin unaulakoi, o bulmakau abaŋ dazuk duguze daŋan mai nenazap leŋadinlon meselanop madowoi. O loalon mon utozpa kulukal mon wanip umatmap geg. 15Ŋa siai ŋenaup ienoi o mai pain mai liluŋlon, oina daz pain inan daz mai liluŋlon. I oina gate petefaziwoi, o inan boz fiziŋon jazewoi. 16I pain ipai, Ŋa ŋenaup o ai duzimap o tini gauz dizozoi. Izoznenlon o ai unauwoi, oina tamol mon uzi panip utozoi, i oina zen. 17I Adam ipai, O oina iwo inan auan uzi panilakoi, o ja patun so waniwoi ŋepaolak menen niŋon wanilakoi, owoi tan daŋan ŋemeselanip ienoi. O wagailon mon abaŋ ŋalep waniwoi umatmap geg. 18Duz faiag mai mon disa panowoi. Um inan biab me waniwoi. 19Nao maiab funimap anaŋ waniwoi, tenatan ubulmap eginmap; melon o ŋunuolakoi, o tenatanlak, tenatan nuowoi.
20Tamol iwon nean Ewa iblani, i ai demadodime me daŋan tinadinlakoi. 21Ujanzen Anut i Adam iwon maiwoi dazuk siŋilonlon jamel iwaig pila pinidin.
22Meginge Ujanzen Anut ibol, Nasi, tamol idwain ta egin abaŋ gauai salan mai iloŋ. Gazo niman so wotep ja bas inan niŋon ta ŋalep janip dedeŋanip madowoi, 23mewoi Ujanzen Anut i Edenlonge inaug ibennen ile, i tenatanlon inaulakoi i tan uzat inauwoi. 24I tamol kudui. Um Eden ist baŋenlon i kerubim inaug idu, badiz malan jabalen egin ja bas inan dal tiziniwoi, baŋen daŋanlon bozozoanise bozozoanilaime.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.