Genesis 22
22
Abraham Isaklon janaukoi kibiai pani
1Abaŋ e alounen Anut Abraham kibianig ipai, Abraham! I ibol, Ŋa ie. 2I ibol, Oina ai, oina ai taimon Isak, o iwoi umatumelak me ŋalep, fatu Morianen ula, aon did ta ŋepeteŋanop men mazekjalon ŋa panag. 3Mewoi Abraham bomon mon imaisge inan doŋki kibineg inan aibegabeg azugen iŋal, inan ai Isak mai ŋaleg mazekja inan ja mai faleg imaisge fatu Anut ipailak melak ile. 4Nal tollon Abraham inan malan biseg fatu me kin makaiu egin nasi. 5Meginge Abraham inan ai faun ipidin, Aŋ doŋki maip elak amademap ŋa ai mai aon alap godoani binip faun ziminen amuloi. 6Abraham mazekja inan ja tuneknen tabaz me ŋaleg inan nanun Isak joazewoi pani, i nimanlon jananin badiz mai ŋaleg jabi. Meginge i auzun dile. 7Isak taman Abraham ipai, Mam a. I ibol, Ŋa ie, nanug abaŋte? I ibol, Nasi, jananin ja maidaŋan, ge mazekja inan belelek ŋan? 8Abraham ibol, Nanug, Anut i mazekja inan belelek iŋalep panadoi. Megin i auzun ditozge diladime.
9Fatu Anut i ipailak melak ditase, Abraham melak wiwa talig ja fonlak idizig, inan ai Isak jabig ipaug wiwa fonlak jalak inau. 10Meginge Abraham inan niman idabge badiz ŋaleg jabig inan ai isaewoi inau. 11Ge Ujanzen inan eŋel didlakge iwagig ibol, Abraham, Abraham! I ibol, Ŋa ie. 12I ibol, O ai me so funi mon, so nau alan mon. Ŋa mug ŋaloŋ o Anutoi uzut, o oina ai, oina ai taimon mok so pizianilakoi. 13Abraham malan biseg i belelek dauai inan fai faiaglon iduleg gegaunge ienmeg nasi. Abraham ileg belelek dauai jabig inan ai abenlon mazekjalon pani. 14Fatu mewoi Abraham ibol, Ujanzen i bageunen fun. Megin diboldime gazo e. Ujanzen inan didlak bageunen ienime me panowoi.
15Ujanzen inan eŋel didlakge Abraham iwagi azugen. 16I ibol, Ŋa sibeglon stemanek azulon ŋabol, Ujanzen ibol, o megin unaulakoi, oina ai, oina ai taimon mok so pizianilakoi, 17ŋa malik ŋikibiniop begazagaz ŋenaup patui didlak abuz laŋten egin kuzumoi. Oina begazagaz i nadin agez nadin getadin demadowoi. 18Oina begazagazlon tan inan fatubadim daŋan baz gauai deŋalewoi, o ŋainag auag dagom panilakoi. 19Abraham inan aibegabeg zidinnen imulge i dimais, detemanig Beer‐sebanen dile; Abraham i Beer‐sebanen made.
Nahor inan daz uzek
20Abaŋ e uzig Abraham depai, Uloŋ, Milka mai tai Nahor nanun inau panilak: 21Us me matu, inan tain me Bus, Kemuel i Aram taman, 22Kesed, Haso, Pildas, Jidlaf Betuel mai. 23Betuel i Rebeka inau. Ai eit me Milka inaug Nahor pani, Abraham inan tain. 24Ta mai, inan pain dinek nean Reuma, i Teba, Gaham, Tahas Maaka mai inau.
Currently Selected:
Genesis 22: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 22
22
Abraham Isaklon janaukoi kibiai pani
1Abaŋ e alounen Anut Abraham kibianig ipai, Abraham! I ibol, Ŋa ie. 2I ibol, Oina ai, oina ai taimon Isak, o iwoi umatumelak me ŋalep, fatu Morianen ula, aon did ta ŋepeteŋanop men mazekjalon ŋa panag. 3Mewoi Abraham bomon mon imaisge inan doŋki kibineg inan aibegabeg azugen iŋal, inan ai Isak mai ŋaleg mazekja inan ja mai faleg imaisge fatu Anut ipailak melak ile. 4Nal tollon Abraham inan malan biseg fatu me kin makaiu egin nasi. 5Meginge Abraham inan ai faun ipidin, Aŋ doŋki maip elak amademap ŋa ai mai aon alap godoani binip faun ziminen amuloi. 6Abraham mazekja inan ja tuneknen tabaz me ŋaleg inan nanun Isak joazewoi pani, i nimanlon jananin badiz mai ŋaleg jabi. Meginge i auzun dile. 7Isak taman Abraham ipai, Mam a. I ibol, Ŋa ie, nanug abaŋte? I ibol, Nasi, jananin ja maidaŋan, ge mazekja inan belelek ŋan? 8Abraham ibol, Nanug, Anut i mazekja inan belelek iŋalep panadoi. Megin i auzun ditozge diladime.
9Fatu Anut i ipailak melak ditase, Abraham melak wiwa talig ja fonlak idizig, inan ai Isak jabig ipaug wiwa fonlak jalak inau. 10Meginge Abraham inan niman idabge badiz ŋaleg jabig inan ai isaewoi inau. 11Ge Ujanzen inan eŋel didlakge iwagig ibol, Abraham, Abraham! I ibol, Ŋa ie. 12I ibol, O ai me so funi mon, so nau alan mon. Ŋa mug ŋaloŋ o Anutoi uzut, o oina ai, oina ai taimon mok so pizianilakoi. 13Abraham malan biseg i belelek dauai inan fai faiaglon iduleg gegaunge ienmeg nasi. Abraham ileg belelek dauai jabig inan ai abenlon mazekjalon pani. 14Fatu mewoi Abraham ibol, Ujanzen i bageunen fun. Megin diboldime gazo e. Ujanzen inan didlak bageunen ienime me panowoi.
15Ujanzen inan eŋel didlakge Abraham iwagi azugen. 16I ibol, Ŋa sibeglon stemanek azulon ŋabol, Ujanzen ibol, o megin unaulakoi, oina ai, oina ai taimon mok so pizianilakoi, 17ŋa malik ŋikibiniop begazagaz ŋenaup patui didlak abuz laŋten egin kuzumoi. Oina begazagaz i nadin agez nadin getadin demadowoi. 18Oina begazagazlon tan inan fatubadim daŋan baz gauai deŋalewoi, o ŋainag auag dagom panilakoi. 19Abraham inan aibegabeg zidinnen imulge i dimais, detemanig Beer‐sebanen dile; Abraham i Beer‐sebanen made.
Nahor inan daz uzek
20Abaŋ e uzig Abraham depai, Uloŋ, Milka mai tai Nahor nanun inau panilak: 21Us me matu, inan tain me Bus, Kemuel i Aram taman, 22Kesed, Haso, Pildas, Jidlaf Betuel mai. 23Betuel i Rebeka inau. Ai eit me Milka inaug Nahor pani, Abraham inan tain. 24Ta mai, inan pain dinek nean Reuma, i Teba, Gaham, Tahas Maaka mai inau.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.