Genesis 21
21
Isak itase
1Ujanzen ibollak egin Sara izinnen lo idu, Ujanzen malik ipailak megin inau. 2Sara i aidaŋange saen Anut ibollak melon, Abraham dinou inaumeg aitamol ta duzig pani. 3Abraham inan ai Sara i duzig panilak me nean Isak iblani. 4Abraham inan ai Isak nal eitlon muluŋ peteŋani, Anut i kibiai panilak egin. 5Abraham i umaz won hundert madelag inan ai Isak itase. 6Sara ibol, Anut i dinen panaglak, i me ŋawoi diloŋmap i didiwawoi. 7I maite ibol, It Abraham ipaig Sara i aikamo su pinidinoi? Ŋa bo i tamol dinoumeg aitamol ta ŋuduzig ŋepanilak.
Abraham i Hagar Ismael mai inauge dile
8Ai me itubge su ibinig Abraham tuz ujan inau, nal Isak su pizianilak nal melon. 9Sara Egiptawain Hagar inan ai, me i Abraham duzi panilak me, inan ai Isak mai zezeŋanimeg inasi. 10Mewoi i Abraham ipai, Painbegabeg e inan ai mai upaspa dila; painbegabeg e inan ai me ŋainag ai Isak mai fuzan so deŋale taimonoi. 11Inan aiwoi azu me Abraham ilon bebaze. 12Anut i Abraham ipai, O aiwoi oina begabegpainoi ilo so bebaze mon; azu tata Sara o ipaoime me uzi pani, i ipaoime egin, Isaklon oina begazagaz blanawoi. 13Ŋa begabegpain inan ailon mai fatubadim ta ŋenauwoi, i oina dazlakoi. 14Mewoi Abraham bomon mon imaisge sepalaŋ naz nabuddaŋan mai iŋaleg Hagar inan jazonlak inaug inan ai mai inauge dile. I binig ileg Beerseba inan fatuudaulon itoz.
15Naz nabudlon me binig i aikamo ja kitek paenlon inaug ien. 16Uzig i ileg aben me naonnen kin makaiu matal, tu dipanpa inan ilaknen egin, me i ibol, Aikamo me imatmap me dab ŋepaninen ilog so ien. Meginge i aben me naonnen matalmeg aikamo klagun biseg itameg tinan mai ita. 17Anut aikamo inan klagun dab pani. Anut inan eŋel didlakge Hagar wagig ipai, Hagar dodinge utaume? So uzez mon. Anut aikamo ienime melak klagun dab pani. 18Umais, aikamo bisap nimalon wabip mado; ŋa i ŋenaup i fatubadim ujanoi. 19Meginge Anut inaug inan malan po ibolge i naz sazek ta inasi. I ileg naz nabudlon naz jasig aikamo panig imili. 20Anut aikamo mailakoi i itub ujan. I fatuudaulon made, i fikamaŋ inaug itoz. 21I fatuudan Paranlon imade. Tinan Egiptanen pain ta ŋaleg ipani.
Abraham Abimelek mai liluŋlon temaneknen denau
22Saen melon Abimelek, Fikol, inan judaup inan gaten, mai me Abraham depai, Abaŋ o unauume me daŋanlon Anut o maiame. 23Mewoi o elak Anutlon stemanek azulon paiagpe, o ŋa, ŋainag nanuggaz begazaggaz mai so noama alanoi, tea, ŋa o mai bubegdaŋan tatozlak egin, megin o ŋa mai tan e o lo utozlak mai noama gauaioi. 24Abraham ibol, Ŋa stemanek azulon au ŋepaowoi.
25Abraham naz sazek me Abimelek inan begabeg dowozailak menen Abimelek ipaimeg 26Abimelek ibol, It tat inaulak, ŋa so ŋaloŋ; o so paiaglak, ŋa mai so ŋaloŋ, gazo e mon. 27Meginge Abraham belelek, bulmakau ta mai iŋalge Abimelek pani, tamol azugen i liluŋlon temaneknen denau. 28Abraham pifol inan belelek paiat nanun sewen iŋalge ibennen inau. 29Abimelek Abraham ipai, Belelek paiat nanun sewen o ibennen unaulak me fun dodin? 30I ibol, Belelek paiat nanun sewen me nimaglon uŋalmap ŋa naz e ŋesazelak menen sigianek. 31Mewoi fatu me nean Beer‐seba deblani, i auzun melak stemaneknen azu dibollakoi. 32Megin i Beer‐sebanen temaneknen denaulak. Meginge Abimelek, Fikol, inan judaup inan gaten, mai dimaisge Filistawain nadin fatulon dimul. 33Abraham i tamarisk ja ta Beer‐sebanen ipae; melak i Ujanzen Anut Dedeŋaneknen iwagi. 34Abraham i saen kin melaen Filistawain nadin fatulon lo made.
Currently Selected:
Genesis 21: GDD1960
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Genesis 21
21
Isak itase
1Ujanzen ibollak egin Sara izinnen lo idu, Ujanzen malik ipailak megin inau. 2Sara i aidaŋange saen Anut ibollak melon, Abraham dinou inaumeg aitamol ta duzig pani. 3Abraham inan ai Sara i duzig panilak me nean Isak iblani. 4Abraham inan ai Isak nal eitlon muluŋ peteŋani, Anut i kibiai panilak egin. 5Abraham i umaz won hundert madelag inan ai Isak itase. 6Sara ibol, Anut i dinen panaglak, i me ŋawoi diloŋmap i didiwawoi. 7I maite ibol, It Abraham ipaig Sara i aikamo su pinidinoi? Ŋa bo i tamol dinoumeg aitamol ta ŋuduzig ŋepanilak.
Abraham i Hagar Ismael mai inauge dile
8Ai me itubge su ibinig Abraham tuz ujan inau, nal Isak su pizianilak nal melon. 9Sara Egiptawain Hagar inan ai, me i Abraham duzi panilak me, inan ai Isak mai zezeŋanimeg inasi. 10Mewoi i Abraham ipai, Painbegabeg e inan ai mai upaspa dila; painbegabeg e inan ai me ŋainag ai Isak mai fuzan so deŋale taimonoi. 11Inan aiwoi azu me Abraham ilon bebaze. 12Anut i Abraham ipai, O aiwoi oina begabegpainoi ilo so bebaze mon; azu tata Sara o ipaoime me uzi pani, i ipaoime egin, Isaklon oina begazagaz blanawoi. 13Ŋa begabegpain inan ailon mai fatubadim ta ŋenauwoi, i oina dazlakoi. 14Mewoi Abraham bomon mon imaisge sepalaŋ naz nabuddaŋan mai iŋaleg Hagar inan jazonlak inaug inan ai mai inauge dile. I binig ileg Beerseba inan fatuudaulon itoz.
15Naz nabudlon me binig i aikamo ja kitek paenlon inaug ien. 16Uzig i ileg aben me naonnen kin makaiu matal, tu dipanpa inan ilaknen egin, me i ibol, Aikamo me imatmap me dab ŋepaninen ilog so ien. Meginge i aben me naonnen matalmeg aikamo klagun biseg itameg tinan mai ita. 17Anut aikamo inan klagun dab pani. Anut inan eŋel didlakge Hagar wagig ipai, Hagar dodinge utaume? So uzez mon. Anut aikamo ienime melak klagun dab pani. 18Umais, aikamo bisap nimalon wabip mado; ŋa i ŋenaup i fatubadim ujanoi. 19Meginge Anut inaug inan malan po ibolge i naz sazek ta inasi. I ileg naz nabudlon naz jasig aikamo panig imili. 20Anut aikamo mailakoi i itub ujan. I fatuudaulon made, i fikamaŋ inaug itoz. 21I fatuudan Paranlon imade. Tinan Egiptanen pain ta ŋaleg ipani.
Abraham Abimelek mai liluŋlon temaneknen denau
22Saen melon Abimelek, Fikol, inan judaup inan gaten, mai me Abraham depai, Abaŋ o unauume me daŋanlon Anut o maiame. 23Mewoi o elak Anutlon stemanek azulon paiagpe, o ŋa, ŋainag nanuggaz begazaggaz mai so noama alanoi, tea, ŋa o mai bubegdaŋan tatozlak egin, megin o ŋa mai tan e o lo utozlak mai noama gauaioi. 24Abraham ibol, Ŋa stemanek azulon au ŋepaowoi.
25Abraham naz sazek me Abimelek inan begabeg dowozailak menen Abimelek ipaimeg 26Abimelek ibol, It tat inaulak, ŋa so ŋaloŋ; o so paiaglak, ŋa mai so ŋaloŋ, gazo e mon. 27Meginge Abraham belelek, bulmakau ta mai iŋalge Abimelek pani, tamol azugen i liluŋlon temaneknen denau. 28Abraham pifol inan belelek paiat nanun sewen iŋalge ibennen inau. 29Abimelek Abraham ipai, Belelek paiat nanun sewen o ibennen unaulak me fun dodin? 30I ibol, Belelek paiat nanun sewen me nimaglon uŋalmap ŋa naz e ŋesazelak menen sigianek. 31Mewoi fatu me nean Beer‐seba deblani, i auzun melak stemaneknen azu dibollakoi. 32Megin i Beer‐sebanen temaneknen denaulak. Meginge Abimelek, Fikol, inan judaup inan gaten, mai dimaisge Filistawain nadin fatulon dimul. 33Abraham i tamarisk ja ta Beer‐sebanen ipae; melak i Ujanzen Anut Dedeŋaneknen iwagi. 34Abraham i saen kin melaen Filistawain nadin fatulon lo made.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.