Galatia 3
3
PAULUS PASEKNEN INAN TOTOL GAMUN FLALE IDU, 3:1—5:12
Galatiagaz get ditozlak ladin isouwoi
1O Galatiagaz lami tea! It megin aŋ bulaŋse aŋ Jesus Kristus jakebazeklak zailak me am melamilak fun aflaleg aŋ niŋon egin anasig aloŋlak. 2Me mon apaiagpa auamilon ŋaloŋoi: Aŋ kibiaiŋ inan nauknauklon Uzgun aŋalelak, tea, azu aloŋge lamilon maliknenlon tat? 3Aŋ megin lami deladal tat? Aŋ Uzlon fun anaulak, ge tinimilon wadan funatiwoi? 4Aŋ se mon tat alan anaulak, me malik se montap. 5I me Uzgun aŋ panaŋime, aŋ leŋamilon maŋaumaŋau mai inauime, i kibiaiŋ inan nauknauklon, tea, azu taloŋpa ilodlon maliknenlon tat inauime?
Abraham ilonlon maliknenlon taoz inaulak
6Abraham megin ilonlon malikge Anut i taoz e ipai.#Gen 15:6 7Aŋ mug dab apani, ladinlon malikgaz me Abraham inan nanun.#Gen 18:18; 12:3 8Anut ilonlon maliknenlon gob taoz pinidinoi me gazek imugseg iloŋge totol gamun sigianig Abraham ipaig ibol, Olonpa fatufatuwain baz gauai deŋalewoi.#Apos 3:25 9Meginlakoi me i ladinlon malikime i Abraham, i ilonlon maliklak, mai baz deŋalewoi.#Rom 4:16
Kibiaiŋ tata taoz inaunen tea
10Daŋan me kibiaiŋ inan nauknauk denau depanidime i meselaneklon demadodime. Megin gazelak, Tata daŋan me azu kibiaiŋlon gazelak me daŋan so uzi panig madoime i meselaneklak.#Deut 27:26 11Tata kibiaiŋlon Anut naonnen so taozlak me mug beŋten, ge i ilonlon maliknenlon taozlak i bas madowoi.#Hab 2:4; Rom 1:17; Lew 18:5 12Ge kibiaiŋ me ilonlon maliknen fonlak so ien, tea, i me kibiaiŋ uzi paniime i melon bas madowoi.
Kristus i kibiaiŋlonge patud pasilak
13Kristus i kibiaiŋ inan meselaneklonge idad pisiadlak, i siben idoi meselaneklak. Megin gazelakoi. I me jalak ikukime me meselanek.#Rom 8:3; Kor II 5:21; Deut 21:23 14Abraham inan baz me Kristus Jesuslon gob zidinnen iduwoi, id ilodlon maliknenlon Uzgunoi blani panek teŋalewoi.
Ta inan fuzan panek azu bulisanen tea
15Taiggaz, tan e inan abaŋ talon faŋan ŋaboloi. Tata tamol ta inan fuzan panek azu zatamlak me bitinen tea, batenen mai tea. 16Abraham inan nanungaz blani panek pinidinlak. Me so ibol, Nanugaz, tea, taimonoi ibol, ibol, Oina nanu, me Kristus.#Gen 13:15; 17:7; 22:18 17Ŋan mewoi ŋabol, kibiaiŋ me umaz 430 binig itaselak me Anut inan temaneknen i wagam inaulak me bitip blani panek pasinen tea.#Ekso 12:40 18Fuzan ŋaleknen me kibiaiŋ sinan ienimetap i blani paneklon so ienime, ge Anut blani paneklon Abraham panilak.
Kibiaiŋ aitnenge?
19Meginge kabiaiŋ aitnenge? Doloanekoi batelak, begazan i blani panilak me isemap eginmap. Eŋel wagenlon liluŋwain tata ipaig inaulak.#Rom 5:20; Apos 7:53 20Ge liluŋwain i siben so inaulak, Anut i inau, i taimon.
Kibiaiŋ Anut inan blani paneknen azu so bitiime
21Kibiaiŋ me Anut inan blani panek azu bitiime? Tea mok! Kibiaiŋ ta me tamolpain bas inaunen iloŋlak menen ta pinidinpe, taoz niŋon me malik kibiaiŋlon ienpe.#Rom 8:2, 4 22Ge azu gazek me abaŋ daŋan aupasek paenlon inaulak, meginpe ilonlon maliknen Jesus Kristuslon blani pinidinlak me i ladinlon malikime me ipinidinoi.#Rom 3:9–19; 11:32
Aitoi kibiaiŋ paenlon temade?
23Ilonlon maliknen so itasemeg kibiaiŋ id giliŋinadlak, ipizianadmeg ilonlon maliknen itaseg eginmeg.#Gal 4:3; Pet I 1:15 24Meginge kibiaiŋ i inad duzeknen. Kristus isemeg eginmeg, id ilonlon maliknenlon taoz noadoilakoi.
Gazo duzek ta liluŋlon tea
25Ge ilonlon maliknen iselakoi id duzek ta paenlon so temadotame.#Rom 10:4 26Jesus Kristuslon lamilon maliknen sinan aŋ daŋan Anut nanun.#Joh 1:12; Rom 8:17 27Aŋ aenta daŋan Kristuslon flanaŋlak aŋ Kristus unulelak.#Rom 6:3; 13:14 28Judawain Grikwain mai so demadodime, begabeg pasekwain mai tea, me tamol i pain mon mai so taboloi, aŋ daŋan Kristuslon taimonlakoi.#Rom 10:12; Kor I 12:13 29Ge aŋ Kristus inanmap aŋ Abraham inan nanun, fuzan ŋalekwain, blani panadlak egin.#Rom 9:7; Gal 3:7
Currently Selected:
Galatia 3: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Galatia 3
3
PAULUS PASEKNEN INAN TOTOL GAMUN FLALE IDU, 3:1—5:12
Galatiagaz get ditozlak ladin isouwoi
1O Galatiagaz lami tea! It megin aŋ bulaŋse aŋ Jesus Kristus jakebazeklak zailak me am melamilak fun aflaleg aŋ niŋon egin anasig aloŋlak. 2Me mon apaiagpa auamilon ŋaloŋoi: Aŋ kibiaiŋ inan nauknauklon Uzgun aŋalelak, tea, azu aloŋge lamilon maliknenlon tat? 3Aŋ megin lami deladal tat? Aŋ Uzlon fun anaulak, ge tinimilon wadan funatiwoi? 4Aŋ se mon tat alan anaulak, me malik se montap. 5I me Uzgun aŋ panaŋime, aŋ leŋamilon maŋaumaŋau mai inauime, i kibiaiŋ inan nauknauklon, tea, azu taloŋpa ilodlon maliknenlon tat inauime?
Abraham ilonlon maliknenlon taoz inaulak
6Abraham megin ilonlon malikge Anut i taoz e ipai.#Gen 15:6 7Aŋ mug dab apani, ladinlon malikgaz me Abraham inan nanun.#Gen 18:18; 12:3 8Anut ilonlon maliknenlon gob taoz pinidinoi me gazek imugseg iloŋge totol gamun sigianig Abraham ipaig ibol, Olonpa fatufatuwain baz gauai deŋalewoi.#Apos 3:25 9Meginlakoi me i ladinlon malikime i Abraham, i ilonlon maliklak, mai baz deŋalewoi.#Rom 4:16
Kibiaiŋ tata taoz inaunen tea
10Daŋan me kibiaiŋ inan nauknauk denau depanidime i meselaneklon demadodime. Megin gazelak, Tata daŋan me azu kibiaiŋlon gazelak me daŋan so uzi panig madoime i meselaneklak.#Deut 27:26 11Tata kibiaiŋlon Anut naonnen so taozlak me mug beŋten, ge i ilonlon maliknenlon taozlak i bas madowoi.#Hab 2:4; Rom 1:17; Lew 18:5 12Ge kibiaiŋ me ilonlon maliknen fonlak so ien, tea, i me kibiaiŋ uzi paniime i melon bas madowoi.
Kristus i kibiaiŋlonge patud pasilak
13Kristus i kibiaiŋ inan meselaneklonge idad pisiadlak, i siben idoi meselaneklak. Megin gazelakoi. I me jalak ikukime me meselanek.#Rom 8:3; Kor II 5:21; Deut 21:23 14Abraham inan baz me Kristus Jesuslon gob zidinnen iduwoi, id ilodlon maliknenlon Uzgunoi blani panek teŋalewoi.
Ta inan fuzan panek azu bulisanen tea
15Taiggaz, tan e inan abaŋ talon faŋan ŋaboloi. Tata tamol ta inan fuzan panek azu zatamlak me bitinen tea, batenen mai tea. 16Abraham inan nanungaz blani panek pinidinlak. Me so ibol, Nanugaz, tea, taimonoi ibol, ibol, Oina nanu, me Kristus.#Gen 13:15; 17:7; 22:18 17Ŋan mewoi ŋabol, kibiaiŋ me umaz 430 binig itaselak me Anut inan temaneknen i wagam inaulak me bitip blani panek pasinen tea.#Ekso 12:40 18Fuzan ŋaleknen me kibiaiŋ sinan ienimetap i blani paneklon so ienime, ge Anut blani paneklon Abraham panilak.
Kibiaiŋ aitnenge?
19Meginge kabiaiŋ aitnenge? Doloanekoi batelak, begazan i blani panilak me isemap eginmap. Eŋel wagenlon liluŋwain tata ipaig inaulak.#Rom 5:20; Apos 7:53 20Ge liluŋwain i siben so inaulak, Anut i inau, i taimon.
Kibiaiŋ Anut inan blani paneknen azu so bitiime
21Kibiaiŋ me Anut inan blani panek azu bitiime? Tea mok! Kibiaiŋ ta me tamolpain bas inaunen iloŋlak menen ta pinidinpe, taoz niŋon me malik kibiaiŋlon ienpe.#Rom 8:2, 4 22Ge azu gazek me abaŋ daŋan aupasek paenlon inaulak, meginpe ilonlon maliknen Jesus Kristuslon blani pinidinlak me i ladinlon malikime me ipinidinoi.#Rom 3:9–19; 11:32
Aitoi kibiaiŋ paenlon temade?
23Ilonlon maliknen so itasemeg kibiaiŋ id giliŋinadlak, ipizianadmeg ilonlon maliknen itaseg eginmeg.#Gal 4:3; Pet I 1:15 24Meginge kibiaiŋ i inad duzeknen. Kristus isemeg eginmeg, id ilonlon maliknenlon taoz noadoilakoi.
Gazo duzek ta liluŋlon tea
25Ge ilonlon maliknen iselakoi id duzek ta paenlon so temadotame.#Rom 10:4 26Jesus Kristuslon lamilon maliknen sinan aŋ daŋan Anut nanun.#Joh 1:12; Rom 8:17 27Aŋ aenta daŋan Kristuslon flanaŋlak aŋ Kristus unulelak.#Rom 6:3; 13:14 28Judawain Grikwain mai so demadodime, begabeg pasekwain mai tea, me tamol i pain mon mai so taboloi, aŋ daŋan Kristuslon taimonlakoi.#Rom 10:12; Kor I 12:13 29Ge aŋ Kristus inanmap aŋ Abraham inan nanun, fuzan ŋalekwain, blani panadlak egin.#Rom 9:7; Gal 3:7
New Testament published by the British and Foreign Bible Society in 1960. Genesis published by the Australian Bible Society in 1971.