Galatia 2
2
Ujanzen Paulus wagilak Jerusalem medaeŋ iloŋ
1Alouge umaz 14 binig Barnabas ŋuduzig mai Jerusalemnen faun ŋale, Titus mai ŋuduzig ale.#Apos 15:2 2Ŋa boboloanek wagenlon ŋalelak. Total gamun me ŋa gob leŋadinlon fun ŋeflaleŋame me malakmalaklon beŋten ŋenau (ge gaten biŋadindaŋan sebadin demademeg me zidinnen mai), teape ŋa dodin tat, se ŋepaluŋame, tea, get ŋepalu ŋebedani tatte.#Gal 2:6, 9 3Me Titus i Grikwainlak i ŋa maig atozmeg muluŋ nasiwoi so deseseŋani.#Apos 16:3 4Ge taid sekauk ta me kukum mon dal depasi dipinidinge didauzig ilonnen didulelak, me idinad kagin Kristuslon sililip tatoznen, me id Kristus Jesuslon teŋaleg temadotame, mewoi kibianadpa sebaneklon donoadoi denau.#Apos 15:1, 24 5Am saen kitek ta i peadinlon so adu, totol gamun inan malik niŋon aŋ leŋamilon gaid ienoilakoi.#Gal 2:14 6Ge i me biŋadindaŋan, get dodinlak mewoi kin so ŋazez, me se, Anut i tamol dumudin dab so paniime, giŋadindaŋan ŋabol i ŋa so didinaglak. 7Ŋa muluŋ tealakgaz totol gamun ŋipidinoi panaglak egin, megin Petrus i muluŋ nasekgaz totol gamun pidinoi panilak me tamolpain diloŋ.#Apos 9:15; 15:12, 21 8Ujanzen Petruslon muluŋ nasekgaz ilonnen totol uzat inaulak me ŋalon mai gob ilonlon uzat inaulak. 9Kanim ŋa panaglak me mai dab depanilag Jakobus, Kefas Johanes mai me i biŋadindaŋan, medaeŋ inan satuk e dibol, i Barnabas ŋa mai peleŋanekoi nimadin waŋ dowoteg am abi, am gob zidinnen, i muluŋ nasekgaz zidinnen totol uzat denauwoi dibol.#Joh 1:42 10Waizgaz mon lama isouwoi dibol, abaŋ me mok ŋa jaugjaug ŋenauwoi ilog ien.#Apos 11:12, 25
Paulus Petrus bebani
11Ge Kefas Antiokianen iselag ŋa beŋten ŋedaŋe, i tininnenlakoi. 12Tamol aenta Jakobus izinnenge get so disemeg i gob maig anaŋ diani, ge i ditaseg i saziz imulge ibennen ile, muluŋ nasekgazoi izezlak.#Apos 11:3 13I maig Juda aenta mai sekauk denau, meginge Barnabas mai nadin kagin sekauk uzi, 14ge i totol gamun inan kaginoi bubudin tidukdaŋan so duzi depanimeg me ŋenasig ŋa i daŋan meladinlon Kefas ŋepai, O Judawainlak, o gob egin Judawain tea egin mademap, o dodin gobgaz Judawain egin demadowoi seseŋanaume?#Gal 2:5 15Id sibed dazlon Judawainlak, gob nadin aupasekwain tea. 16Ge id taloŋ tamol ta kibiaiŋ inan nauknauklon taoz so inau, tea, Jesus Kristus ilonlon malikmap mon; id Kristuslon taoz noadoilakoi id Kristus ilodlon maliklak, kibiaiŋ inan nauknauklon tea, kibiaiŋ inan nauknauklon ta taoz so inauwoilakoi.#Apos 15:10, 11; Rom 3:20, 28; 4:5; 11:6; Ef 2:8; Kan 143:2 17Ge id Kristuslon taoz noadoi tukumeg id sibed mai aupasekwainlak me beŋten itasemeg Kristus i aupasek inan gaten ta tat? Tea mok. 18Ge abaŋ get ŋesebazilak me faun ŋesasemap ŋa aupasekbibian, mug beŋten ŋatase. 19Kibiaiŋlon ŋa kibiaiŋoi ŋamat pasi, ge Anutoi bas ŋemadoŋame.#Rom 7:6 20Ŋa Kristus mai ziadlak. Ŋa mug so ŋemadoŋame, tea, Kristus i ŋa iloglon madoime. Ŋa gazo tiniglon ŋemadoŋame me Anut Ai iloglon malikmeg mon ŋemadoŋame, me i ilon panagge siben ŋawoi inaulak.#Gal 1:4; Joh 13:1; 17:23 21Ŋa Anut inan kanim so ŋibitiŋame, aloŋ, kibiaiŋlon taoz inan nauknauk me ienpe Kristus i se imatpe.
Currently Selected:
Galatia 2: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
Galatia 2
2
Ujanzen Paulus wagilak Jerusalem medaeŋ iloŋ
1Alouge umaz 14 binig Barnabas ŋuduzig mai Jerusalemnen faun ŋale, Titus mai ŋuduzig ale.#Apos 15:2 2Ŋa boboloanek wagenlon ŋalelak. Total gamun me ŋa gob leŋadinlon fun ŋeflaleŋame me malakmalaklon beŋten ŋenau (ge gaten biŋadindaŋan sebadin demademeg me zidinnen mai), teape ŋa dodin tat, se ŋepaluŋame, tea, get ŋepalu ŋebedani tatte.#Gal 2:6, 9 3Me Titus i Grikwainlak i ŋa maig atozmeg muluŋ nasiwoi so deseseŋani.#Apos 16:3 4Ge taid sekauk ta me kukum mon dal depasi dipinidinge didauzig ilonnen didulelak, me idinad kagin Kristuslon sililip tatoznen, me id Kristus Jesuslon teŋaleg temadotame, mewoi kibianadpa sebaneklon donoadoi denau.#Apos 15:1, 24 5Am saen kitek ta i peadinlon so adu, totol gamun inan malik niŋon aŋ leŋamilon gaid ienoilakoi.#Gal 2:14 6Ge i me biŋadindaŋan, get dodinlak mewoi kin so ŋazez, me se, Anut i tamol dumudin dab so paniime, giŋadindaŋan ŋabol i ŋa so didinaglak. 7Ŋa muluŋ tealakgaz totol gamun ŋipidinoi panaglak egin, megin Petrus i muluŋ nasekgaz totol gamun pidinoi panilak me tamolpain diloŋ.#Apos 9:15; 15:12, 21 8Ujanzen Petruslon muluŋ nasekgaz ilonnen totol uzat inaulak me ŋalon mai gob ilonlon uzat inaulak. 9Kanim ŋa panaglak me mai dab depanilag Jakobus, Kefas Johanes mai me i biŋadindaŋan, medaeŋ inan satuk e dibol, i Barnabas ŋa mai peleŋanekoi nimadin waŋ dowoteg am abi, am gob zidinnen, i muluŋ nasekgaz zidinnen totol uzat denauwoi dibol.#Joh 1:42 10Waizgaz mon lama isouwoi dibol, abaŋ me mok ŋa jaugjaug ŋenauwoi ilog ien.#Apos 11:12, 25
Paulus Petrus bebani
11Ge Kefas Antiokianen iselag ŋa beŋten ŋedaŋe, i tininnenlakoi. 12Tamol aenta Jakobus izinnenge get so disemeg i gob maig anaŋ diani, ge i ditaseg i saziz imulge ibennen ile, muluŋ nasekgazoi izezlak.#Apos 11:3 13I maig Juda aenta mai sekauk denau, meginge Barnabas mai nadin kagin sekauk uzi, 14ge i totol gamun inan kaginoi bubudin tidukdaŋan so duzi depanimeg me ŋenasig ŋa i daŋan meladinlon Kefas ŋepai, O Judawainlak, o gob egin Judawain tea egin mademap, o dodin gobgaz Judawain egin demadowoi seseŋanaume?#Gal 2:5 15Id sibed dazlon Judawainlak, gob nadin aupasekwain tea. 16Ge id taloŋ tamol ta kibiaiŋ inan nauknauklon taoz so inau, tea, Jesus Kristus ilonlon malikmap mon; id Kristuslon taoz noadoilakoi id Kristus ilodlon maliklak, kibiaiŋ inan nauknauklon tea, kibiaiŋ inan nauknauklon ta taoz so inauwoilakoi.#Apos 15:10, 11; Rom 3:20, 28; 4:5; 11:6; Ef 2:8; Kan 143:2 17Ge id Kristuslon taoz noadoi tukumeg id sibed mai aupasekwainlak me beŋten itasemeg Kristus i aupasek inan gaten ta tat? Tea mok. 18Ge abaŋ get ŋesebazilak me faun ŋesasemap ŋa aupasekbibian, mug beŋten ŋatase. 19Kibiaiŋlon ŋa kibiaiŋoi ŋamat pasi, ge Anutoi bas ŋemadoŋame.#Rom 7:6 20Ŋa Kristus mai ziadlak. Ŋa mug so ŋemadoŋame, tea, Kristus i ŋa iloglon madoime. Ŋa gazo tiniglon ŋemadoŋame me Anut Ai iloglon malikmeg mon ŋemadoŋame, me i ilon panagge siben ŋawoi inaulak.#Gal 1:4; Joh 13:1; 17:23 21Ŋa Anut inan kanim so ŋibitiŋame, aloŋ, kibiaiŋlon taoz inan nauknauk me ienpe Kristus i se imatpe.
New Testament published by the British and Foreign Bible Society in 1960. Genesis published by the Australian Bible Society in 1971.