Efesus 5
5
Aŋ didnen Temami egin lodaŋan amado!
1Mewoi Anut kagin ateŋanip amado, aikamo gididin egin.#Mat 5:48 2Ilopaneklon atoz, Kristus id ilon panadlak, siben tinin ibini panadlak egin, janauk zuŋan gamundaŋan egin.#Gal 2:20; Heb 10:10; Ef 5:25 3Ge jait, kagin tata gatafdaŋan bulases mai mewoi aŋ kitek ta so ikibiaiwoi, tea, kagin gungazoi iduselak megin anau.#Kol 3:5 4Azu nundaŋan, azu se niŋon tea mai, azu salan baŋailon mai me tabol tenaunen so iduselak me so anau abol mon, tea, me abenlon Anut pez apani.#Ef 4:29 5Taimon e aloŋ gauai, jaittamol, tamol gataf bulaseswain mai (me tibud ta nau panek) i Kristus Anut mai inan kiŋdom fuzan so ŋalewoi.#Kor I 6:9, 10
Aupasekbibian malik naon ŋalewoi
6Ta aŋ azu lasenlon se so wiziaŋ mon, abaŋ ewoi Anut inan buzun kekazun ai dagom tealak fodinlak iduime.#Rom 1:18 7Aŋ i maip so temanip atoz mon. 8Aŋ get mafuz, ge gazo Ujanzenlon lelaman noaŋlak, aŋ lelaman nanungaz kiliadin atoz.#Ef 2:11, 13; Pet I 2:9 9Lelaman inan niŋon me kagin gauailon taozlon, malik niŋonlon mai ienime.#Joh 12:36 10Abaŋ Anut gamun funiime me aloŋpaged aŋale.#Rom 12:2; Ef 5:17 11Mafuz uzat niŋon tealak me so anau mon, tea, naon beŋten anaupged. 12Kagin mafuzwain kukumlon denaudime me se tabol monmap mamai funad.#Rom 1:24 13Ge abaŋ ta sullon beŋten itasemap tamolai i denasiwoi, abaŋ me beŋten ienime me lelamandaŋan.#Joh 3:20, 21 14Mewoi get ibollak, Umaispa me o udozume, meteŋlonpa tiziaupa, meginpe Kristus lelaman ipanowoi.#Jes 60:1; Rom 13:11
Id kaginkagindaŋan temadowoi
15Mewoi aŋ iliŋepe, dodin atozame, tamol ladin kaginkagin tea egin tea, tamol ladindaŋan egin atoz.#Mat 10:16; Kol 4:5 16Saen kabe itizinip uzat anau, nal gazo e sladinlakoi. 17Mewoi aŋ so deladal mon, tea, Anut auan dodin me aloŋpa.#Ef 5:10 18Aiu gauz so amol mon, melon titij itasaime, tea, Auanuzgun aŋ ifofokoi.#Luk 21:34 19Aŋ Israel kanam, kanam aenta mai, Anut inan dug mailon nug tabei panipanip bubumidaŋan Anut inan biŋan ibisa.#Kol 3:16; Kan 33:2, 3 20Sansan abaŋ daŋanoi inad Ujanzen Jesus Kristus neanlon Anut Mam pez apani.
Nug dagom panipaninenoi
21Kristusoi azutmap aŋ nugnug paenlon amado.#Pet I 5:5 22Paingaz, nami tamol peadinlon amado, Kristus paenlon egin.#Gen 3:16; Kol 3:18 23Tamol i pain inan gatenlakoi, Kristus i eklesia inan gaten egin, i siben inan Patunpasek mai.#Kor I 11:3 24Eklesia me Kristus paenlon madoime egin, megin pain mai abaŋ daŋanlon nadin tamol peadinlon demadowoi.
Tamol inan pain ilon paniwoi
25Tamol, nami pain lami pinidin, Kristus eklesia ilon panilak egin, iwoi i siben ipinidin.#Kol 3:19 26I eklesia gun inauwoilakoi i nazlon flanimeg inan azulon ikibine.#Tit 3:5 27Meginpe i naonnen eklesia kubeldaŋan itasawoi, konkon tea, kuzuŋak abaŋ tata mai tea, tea, i gunoi, tininnen ja teap madowoi.#Kan 45:14; Kor II 11:2 28Megin tamol inadin pain ladin depaniwoi, sebadin tinidin egin. I me inan pain ilon paniime i siben ilon paniime. 29Tamol ta siben tinin so zezeŋaniime, tea, i futuiime, kibine maiime, Kristus eklesia kibineime egin. 30Id inan tinin inan boi talakoi.#Ef 1:23; Kor I 6:15; Gen 2:23 31Mewoi tamol me tinan taman mai ibinpa inan pain sipinip itozoi, auzun tinin taimonoi.#Gen 2:24 32E me fun so taloŋ gauai, me ŋa Kristusoi eklesiaoi mai ŋabolŋame. 33Aŋ dadodado inan pain, siben ilon paniime egin, megin ilon paniwoi, ge pain i inan tamoloi izutoi.
Currently Selected:
Efesus 5: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
